Isaya 50:4 - Livulu lya Shukulu Kalunga

⁴ Shukulu Kalunga wa Akamwa ya Vyoshe nanjilongesa vije vyakwendeka, ngeci njase kutakamesa vaje vanajuka. A mutondo na mutondo akanjiindula ngeci njizive vije vyanjilongesa.

Isaya 50:4 Iomraidhean Croise

Yombi 4:4

Omo munu wapelyangelele, nakuzeya nakujuka, co majwi ove amukolesele mukwimana.

Myaso 119:147

Omo litangwa kanda lituuke, njilombela kuli yove ngeci unjikwase, njinaka cinyangavili cange mu majwi ove.

Myaso 143:8

A mutondo a mutondo, njanukise vya cizemo cove, cije kucesi kutenguluka omwo njinakulaela kuli yove. Malombelo ange ete kuli yove, njimwese ngila munjinapande kwendela.

Myaso 40:7

co njakumbulwile ngwange, “Yange uno, kulikundika kwange kuli yove vanacisoneka mu livulu lyove.

Myaso 45:2

Yove uwamuvwa manene kutuvakana vanalume voshe, u muka-kwendeka na ngozi, visimbu vyoshe Njambi alinakukuvezikisa!

Myaso 5:3

Yove Shukulu Kalunga ukazivi lijwi lyange ku mutondo, co akutuuka kwa litangwa njikakombelela n̄ombelo, nakuvandamena kukumbulula kwove.

Myaso 88:13

Njilomba kuli yove Shukulu Kalunga ngeci unjikwase, co mutondo-tondo lilombelo lyange lyete ku mesho ove.

Visimo 12:25

Cishota-mbunge capwa citele cakulema, oloni majwi a ngozi anena kuvwaelela.

Visimo 15:23

Kukumbulula cihula a simbu yaivwa, kunenela vanu kuvwaelela.

Visimo 25:11

Lijwi lyalivwa lije vendeka lalo a simbu yaivwa, linapu ngwe cimweso ca ngolinde civanatumbika mu siliva.

Isaya 28:19

Mutondo na mutondo, mutanya na vutsiki livazi lyakujujwisa likamyungumuna. Co lijwi limo na limo lyakutunda kuli Njambi likaminenela lyova!

Isaya 28:9

Valinakulinyenga ali yange ngwavo, “Iyajo yakalongesa mana? Iyajo yakalongesa majwi endi? Vilongesa vyendi vinafwila lika vanike, vaje vanashumuka ku mavele!

Isaya 35:5

Asinoni tupuputwa vakamona, na tusinda-matwi vakaziva.

Isaya 40:29

Shukulu Kalunga muka-kukolesa vaje vanazeye nakujuka.

Isaya 50:10

Yeni voshe vaje musingimika Shukulu Kalunga, nakwononoka majwi a ngamba yendi, ngila mulinakwenda yasa kupwa ya lisusulungu, oloni kulaeleni nakujendamena, ali Shukulu Kalunga Njambi yeni.

Isaya 54:13

“Yange vene njikalongesa vanu vove, nakuvavezikisa na kwoloka.

Isaya 8:16

Yeni vandongisi vange, munapande kunyanyama nakunyunga majwi aje ananjana Njambi.

Njelemiya 1:9

Asinoni Shukulu Kalunga wolwele livoko lyendi, co wakwatele a kanwa kange, wendekele kuli yange ngwendi, “Njilinakukwana majwi aje aunapande kwendeka.

Njelemiya 31:25

Njikahwimisa vaje vanajuka, co njikana vyakulya ku munu na munu uje nazeye na njala.

Ezekiyele 46:13

Shukulu Kalunga alinakwendeka ngwendi, “A mutondo na mutondo muna manga wa mwaka umo wakujeneka kapenga vakamwenyeke woshe wamutunu kupwa n̄ombelo kuli Shukulu Kalunga. N̄ombelo ei inapande kukalako a litangwa na litangwa.

Mateo 11:28

“Ijeni kuli yange, yeni voshe munajuka nakwambata vyakulema, co njikamihwimisa.

Mateo 13:54

co welukile kwimbo lyendi. Walongesele mu sinangonge, co voshe vaje vamuzivile valikomokelele. Valihozwele ngwavo, “Kulijo kwanawana mana awa na vizivukiso vyakufwa ngacije?

Mateo 22:46

Co naumo wai wasele kukumbulula Yesu tunde a litangwa lije, naumo wai lalo waashukile kumwihula lijwi limo.

Luka 21:15

omwo njikamyana majwi na mana ngeci vitozi veni kuvakasa kumivayesa nambe kuvyana vimukendeka.

Luka 4:22

Co voshe vamushangalele, valikomokelele ku majwi endi endekele, vendekele ngwavo, “Ou kesi ikeye uje muna Yosefa ndi?”

Yowano 7:46

Vaka-kunyunga vakumbulwile ngwavo, “Naumo wai asa kwendeka ngweuje munalume!”

Kwituluka mu Mashiko 18:17

Ngecivene, Shukulu Kalunga wendekele kuli yange ngwendi, ‘Omu muvanendeka munapu mwamuvwa.

Kwituluka mu Mashiko 18:18

Njikavatumina muka-kwimanena wakufwa ngwe yove wakutunda akati kavo vene. Co njikamuleka evi akendeka, co ikeye akaleka vanu vyuma vyoshe vinjikamushika.