Isaya 50:11 - Livulu lya Shukulu Kalunga

¹¹ Yeni voshe vaje vali na vutumbe vwakunyongesa vakweni, matumbe eni akaminyongesa yeni vavenya. Shukulu Kalunga akamona ngeci vyuma evi vilingiwa, mukayanda tuyando twakama.

Isaya 50:11 Iomraidhean Croise

Myaso 16:4

Vaje vapangela vinjambi veka, valikokela tuyando twakama, oloni yange kunjikalipandakana navo ku vin̄ombelo vyavo, nambe kulemesa vinjambi vavo.

Myaso 32:10

Vaka-vuvi vakayanda, oloni vaje vakulaela kuli Shukulu Kalunga vakavanyunga na cizemo cendi cije kucesi kutenguluka.

Visimo 26:18

Munu uje akwisa mukwavo, co endeka ngwendi, “Njinakele nakulinga lika sanda,”

Isaya 55:2

Omwo vikajo muviisila vimbongo a vyuma vije kuvyapwile vyakulya? Omwo vikajo muundanganena cuma cije kucasa kumikutisa? Tolilileni kuli yange nakulinga vije njendeka, co mukavwaelela na vyakulya vyavivwa manene.

Isaya 8:22

nakukenga lalo asi, oloni vyai vakamona, vakamona lika tuyando na lisusulungu, lisusulungu lyakuzivisa lyova muje muvakavombila.

Isaya 9:18

Vuvi vwa vanu vushukuma ngwe tuhya twenyeka mambimbo na mishwena. Vushukuma ngwe likuna lya mu shwata lije lilinakwezoka milangi ya tuhya.

Njelemiya 17:4

Mukaseza lifuti eli linjamyanene, co njikamyecelela ngeci mukapangele vitozi veni mu lifuti lije kumuzivuka, omwo vukalu vwange vwapwa ngwe tuhya, co vukashwama ku myaka yoshe.”

Ezekiyele 20:39

Co Shukulu Kalunga wa Akamwa ya Vyoshe wendekele ngwendi, “Ololo, yeni voshe vaIsalele, lizivasaneni! Twaleniho nakupangela tumponya tweni! Oloni njiminangula ngwange munima yevi, mukanjononoka nakulikela kushaula lizina lyange lyakujela akwana vwana ku tumponya tweni.

Amose 4:10

“Njatumine mushongo wakulitambwisa ali yeni ngwe uje lalo njatumine a Ingito. Njatsiile vakwenje veni mu nzita, njambatele tuvalu tweni. Co njamizivisile kunika kwa mivila ya vanu vaje vatsililile mu vilombo vyeni. Oloni nameme ngoco kumwelukile kuli yange.

Amose 4:9

“Njatumine lihunzi lya ntwima nakumisa vimbuto vyeni cau. Co vimbimba mikumbi valile myaaka yeni yoshe njwa, na vitungu vyeni vya mikolovozi ya vushuka vwa vinyu na miti yeni ya mikuyu na miti ya olive. Oloni nameme ngoco kumwelukile kuli yange.

Yona 2:8

Voshe vaje vaka-kulemesa tumponya twangoco vanakukengesa nima yove Muka-kutetela.

Hambakuke 2:13

Miyati ya vanu vaje mwafungulwile valipakesele ngoco vipangi vyakujeneka seo, co vyoshe vije vivatungile vinenye na tuhya. Shukulu Kalunga Muka-nzili yoshe ikeye walingile vyuma evi.

Mateo 22:13

Asinoni mwene walekele vangamba vendi ngwendi, ‘Mukuteni ku mavoko na ku mendi, co mumbileni anja mu lisusulungu, kuje akalila nakulingenjenga ku mayo.’ ”

Mateo 8:12

Oloni vaje vanapandele ngeci vakatumbame mu Vumwene vuje vakavombila anja mu lisusulungu kuje kukakala kulila nakulingenjenga ku mayo.”

Yowano 8:24

Mukemwo njamilekele ngwange mukatsa mu vivi vyeni. Omwo mukatsa mu vivi vyeni nga kumukulaela ngweni ‘Yange Ou Njapwa Munjapwa.’ ”

Yowano 9:39

Yesu wendekele ngwendi, “Omwo njinaija ano a kaye mukusompa, ngecivene, tupuputwa vase kumona, co vaje valinakumona vapwe tupuputwa.”

Loma 10:3

Omwo kuvazivukile ngila ije yakapwisa Njambi vanu ngeci vapwe vaka-vushunga ku mesho endi, oloni vakevo vaneseka kupangesa ngila yavo vavenya, ngecivene, kuvasele kulyana vakevo vavenya ku ngila ya Njambi ije yakapwisa vanu ngeci vapwe vaka-vushunga.

Yakomba 3:6

Co ndaka inapu ngwe tuhya. Inapu ngwe kaye ka vuvi, kanashwana mu mivila yetu nakushandwela vuvi mukuyoya kwetu kwoshe! Ishwameka yoyesi yetu yoshe na tuhya tuje tutunda mu mbulu ya tuhya.

Kujombolola 19:20

Co uje cikashama vamupwisile cinzinda, amo na muka-kwimanena wa makuli uje walingile vizivukiso ku mesho endi. (A vizivukiso vije vene akeo akwisilile vaje vakele na cizivukiso ca uje cikashama na vaje valemesele kamponya ka uje cikashama.) Uje cikashama na uje muka-kwimanena wa makuli vavombilile anga vaciyoya mu lishali lya tuhya twakushukuma na sulufa.

Kujombolola 20:15

Co woshe uje kuvasonekele lizina lyendi mu livulu lya mwonyo vamumbilile mu lishali lya tuhya.