Isaya 50:10 - Livulu lya Shukulu Kalunga

¹⁰ Yeni voshe vaje musingimika Shukulu Kalunga, nakwononoka majwi a ngamba yendi, ngila mulinakwenda yasa kupwa ya lisusulungu, oloni kulaeleni nakujendamena, ali Shukulu Kalunga Njambi yeni.

Isaya 50:10 Iomraidhean Croise

2 Samwele 22:29

Yove Shukulu Kalunga wapwa ceke cange, tundisa lisusulungu lyange.

1 Mizimbu 5:20

Vakevo vakulaelele Njambi, nakulombela kuli ikeye ngeci avakwase, co Njambi wakumbulwile malombelo avo, wavahyanesele kuli vaHangeli na vaje vakwasele vaHangeli.

2 Mizimbu 20:12

Yove u Njambi yetu! Vahise, omwo yetu kutwesi na nzili ku mbunga ya mashwalale ava vavangi ngacije ava valinakutulwisa. Kutuzivuka vatijo tulinga, oloni tulinakukenga mesho kuli yove ngeci utukwase.”

2 Mizimbu 20:20

Alikaki mutondo-tondo vanu vakatukile vaile mu mambo ku Tekowa. Omo vakele nakuya, Njosefati wemanene wavalekele ngwendi, “Vanalume va mu Yunda neni vanalume va mu Yelusalema! Kulaeleni kuli Shukulu Kalunga Njambi yeni, co mukemana mbe. Kulaeleni vivamileka vaka-kwimanena vendi, co mukavezika.”

Yombi 13:15

Cinyangavili cange coshe cinahu, ngecivene, nga Njambi anjitsiya, co kuli mulonga ndi? Yange njilinakwambulula mulonga wange kuli ikeye.

Yombi 29:3

Njambi simbu yoshe wakele amo nange, co wanjimwesele ceke ngeci njase kwenda mukati ka lisusulungu.

Myaso 111:10

Kukomoka Shukulu Kalunga kunapu vushangumukilo vwa mana, voshe vaje vanyunga mashiko endi vali na mana. Vashangazale Shukulu Kalunga ku myaka yoshe!

Myaso 128:1

Navezika munu uje ononoka Shukulu Kalunga, munu uje anyunga mashiko a Shukulu Kalunga.

Myaso 145:21

Shukulu Kalunga, simbu yoshe njikakushangazala, vyuma vyoshe vije vyanatanga vishangazale lizina lyendi lyakujela ku myaka yoshe!

Myaso 23:4

Nameme nga njenda mukati ka vutsiki mu lisusulungu, kunjikazivi lyova, Shukulu Kalunga, omwo yove uli amo nange! Mulamu wove na mbweti yove vinjizembeleka.

Myaso 25:12

Vaje vakomoka Shukulu Kalunga vakavalongesa ngila ije ivanapande kwendelamo.

Myaso 25:14

Shukulu Kalunga wapwa musamba wa vaje vamwononoka, co akakolesa cikumiiyo cendi navo.

Myaso 28:7

Shukulu Kalunga akanjinyungu nakunjamena, njinakulaela kuli ikeye. Ikeye anjikwasa nakunjivwaelelesa, co njikaimba mwaso wakumushangazala.

Myaso 42:11

Omwo vikajo njinaviilila? Omwo vikajo njilinakulinyengela? Njikaka cinyangavili cange muli Njambi, co njikamushangazala lalo, muyoyesi wange na Njambi yange.

Myaso 62:8

Eni vasamba vange kulaeleni kuli Njambi simbu yoshe! Mulekeni vukalu vweni vwoshe, omwo ikeye muka-kutunyunga.

Muka-kwambulula 12:13

A vyoshe evi kuli cuma cimolika cakwendeka, cikeco eci, singimika Njambi, co ononoka mashiko endi, omwo evi vyoshe vikevyo vivatangelele munu.

Isaya 10:20

Simbu ilinakwija omo va Isalele vaje vanasalao kuyoya kuvakakulaela a muyati uje wavayandesele. Oloni mwa vushunga vakakulaela lika kuli Shukulu Kalunga, Njambi wakujela wa Isalele.

Isaya 12:2

Njambi ikeye muyoyesi wange, njikamukulaela kunjikazivi lyova. Omwo Shukulu Kalunga ikeye nzili yange, na mwaso wange. Co napu muyoyesi wange.

Isaya 26:9

Mbunge yange ilinakukushaka a simbu ya vutsiki, omwo viyongola vyove vimwesa vanu voshe ano asi muje muvanapande kuyoya mwa vushunga.

Isaya 42:1

Shukulu Kalunga alinakwendeka ngwendi, “Kengeni ngamba yange uje injinatakamesa, uje injinaangula, muli ikeye njinavwaelela. Njikaka munzinzime wange ali ikeye, co akanena vushunga ku mafuti oshe.

Isaya 50:4

Shukulu Kalunga wa Akamwa ya Vyoshe nanjilongesa vije vyakwendeka, ngeci njase kutakamesa vaje vanajuka. A mutondo na mutondo akanjiindula ngeci njizive vije vyanjilongesa.

Isaya 53:11

Omo nayoyo mu tuyando, co akajolela lalo, ikeye akazivuka ngeci kayandele ngoco embwe. Ngamba yange wa kulongwa, muli ikeye njilinakuvwaelela, ikeye akambata cihiso ca vanu vavangi, omwo njikavasambesela ali ikeye.

Isaya 59:9

Vanu valinakwendeka ngwavo, “Ololo twazivuka omwo vikajo Njambi katwamenene kuli vaje valinakutuyandesa. Twakele na cinyangavili cakwendela mu ceke, oloni kuli lika lisusulungu,

Isaya 8:17

Shukulu Kalunga nalishweke ikeye vavenya kuli vanu vendi, oloni yange njinamukulaela, co njinaka cinyangavili cange muli ikeye.

Isaya 9:2

Vanu vaje vendele mu lisusulungu vanamono ceke cakuvyazima manene. Vanu vaje vakele mu lifuti lya munzinze wa kutsa, ololo ceke cinavatwila.

Mbimbi 3:2

Wanjishekele nakunjikovelesa mu lisusulungu,

Ndanyele 3:28

Ngecivene, mwene wendekele ngwendi, “Shangazaleni Njambi ya Shandelaki, na Meshake, na Ambendenengo! Ikeye natumu kangelo kendi kwamena vanalume ava vaka-kumupangela nakumukulaela. Vakevo kuvononokele lishiko lyange, co valambwile myonyo yavo ngeci kesi vakulame nakulemesa njambi weka kuvanga Njambi yavo lika.

Nahumi 1:7

Shukulu Kalunga wapwa wamuvwa, Akamena vanu vendi mu simbu ya tuyando, akanyungu vaje vatengulukila kuli ikeye.

Zefaniya 3:12

Mu Yelusalema njikasezamo lika vanu vaka-kulilumbilisa na vaka-kulikeesa, vaje vakaija kuli yange mukuvakwasa.

Hangai 1:12

Asinoni Zelumbambele na Yoshwa, na vanu voshe vaje velukile kutunda ku vunzinda ku Mbambilone, vononokele majwi a Shukulu Kalunga Njambi yavo. Vakele na lyova, co vononokele Hangai muka-kwimanena, muluwa wa Shukulu Kalunga.

Malakiya 3:16

Asinoni vanu vaje vakomokele Shukulu Kalunga valyendekesele umo na mukwavo, co Shukulu Kalunga wavatolililile nakuziva vije vivendekele. Co vasonekele vaje vakomokele Shukulu Kalunga nakumusingimika mu livulu lya canukiso ku mesho endi.

Yowano 12:46

Yange njinaija ano a kaye kupwa ceke, ngeci woshe akulaela kuli yange kesi akale mu lisusulungu.

Yowano 8:12

Yesu wendekele lalo kuli vaFaliseo ngwendi, “Yange ceke ca vaka-kaye. Woshe anjikava akakala na ceke ca mwonyo, co kakende lalo mu lisusulungu.”

Efeso 5:8

Laja mwakele mu lisusulungu, oloni omo munapu mu vanu va Mwene, ololo muli mu ceke. Ngecivene, munapande kuyoya ngwe vanu vali mu ceke,

VaHevelu 5:9

Omo vamupwisile muka-kujela, wemukile nsina yakwovoka kuje kwa myaka yoshe kuli voshe vaje vamwononoka,

1 Petulu 5:7

Akeni vukalu vweni vwoshe ali ikeye, omwo ikeye alinakumilela.

1 Samwele 30:6

Co Ndaviti wakele mu vukalu vwakama manene, omwo vanu vendi voshe vazivile ku vimbunge kuvavala manene a vana vavo va vanalume na ava va vanakazi, co vashungwiiye kumwasha mamanya, oloni Ndaviti walitakamesele muli Shukulu Kalunga Njambi yendi.