Isaya 5:7 - Livulu lya Shukulu Kalunga

⁷ Isalele napu citungu ca Shukulu Kalunga Muka-nzili yoshe ca mikolovozi ya vushuka vwa vinyu, vanu va mu Yunda vanapu mikolovozi ya vushuka vwa vinyu ije yaakunine. Ikeye wavakulaelele ngeci valinge mwamuvwa, oloni vakevo vanapu vaka-kutsiya. Ikeye wavakulaelele ngeci valinge vya vushunga, oloni vanu vaje vavalinakuyandesa vatambekele ngeci vavakwase.

Isaya 5:7 Iomraidhean Croise

Kushangumuka 4:10

Shukulu Kalunga wendekele ngwendi, “Omwo vikajo walingi cuma cakukomokesa ngacije? Maninga a ndolome yove alinakuteta kuli yange mu livu, alinakutambeka ngwe lijwi lya shambandinga.

2 Samwele 7:10

Njinaangwila vanu vange Isalele mutambela, co njinavakamo, muje mukemwo muvakakala, naumo wai akavayandesa lalo.

Yombi 34:28

Vasindiiye tuutu kulilila kuli Njambi, co Njambi wazivile mutambi wavo wakuvakwasa.

Myaso 147:11

oloni avwaelela lika muli vaje vamukomoka, na muli vaje voshe vakulaela mu cizemo cendi cije kucesi kutenguluka.

Myaso 149:4

Shukulu Kalunga avwaelela ali vanu vendi, asingimika vaka-kulikeesa nakuvahyanesa.

Myaso 80:15

Muzi uje uwakunine na livoko lyove lya cilyo, mukolovozi wa vushuka vwa vinyu uje uwakolesele yove vavenya!

Kutuuka 3:7

Asinoni Shukulu Kalunga wendekele ngwendi, “Mwa vushunga, njinamono tuyando twa vanu vange muvali nakuvapangesela mu Ingito. Njazivi valinakulila ngeci vavapatule ku vundungo vwa vaje valinakuvayandesa. Njamono a tuyando twavo twoshe.

Visimo 21:13

Uje avyana kukwasa muka-kuutwa, nendi lalo kuvakamutolilila omo akatambeka ngeci vamukwase.

Muka-kwambulula 4:1

Asinoni njakengele lalo a vyoshe vya vushunga vije vilinakulingiwa ano asi. Vaka-kuyanda vakele nakulila, co naumo wai wavazembelekele. Naumo wai wavazembelekele, omwo vaje vaka-kuvayandesa vakele na nzili ali vakevo.

Myaso ya Solomoni 7:6

Yove muka-cizemo cange uwamuvwa manene. Uwamuvwa manene kutuvakana.

Isaya 1:21

Nganda ije yapwile ya kulongwa ololo inalifu ngwe cikwizi! A simbu yalaja, mu nganda omu mwakele vanu vaka-vushunga, oloni ololo munasala lika vanu vaka-kutsiya.

Isaya 1:6

Kutunda ku mutwe wove kweta ku mendi naamo ali mwamuvwa ai kuli lika mikiki, na tuvimbandu twatundondo na vimbandu vyakama. Vimbandu vyove kuvavikushile nambe kuzengao. Kuvaakeleo mazi.

Isaya 27:2

A litangwa lije Shukulu Kalunga akendeka ku citungu cendi ca vwilo ca mikolovozi ya vushuka vwa vinyu ngwendi,

Isaya 3:14

Shukulu Kalunga akasompesa vakulunu na vantwama va vanu vendi. Avasompesa ngwendi, “Munapukula mikolovozi ya vushuka vwa vinyu, co mu vinjuvo vyeni munashulu na vyuma vimunambata ku tuutu.

Isaya 3:15

Kumwesi na moko yakuyandesa vanu vange nakwambata vya tuutu. Yange Kalunga wa Akamwa ya Vyoshe Muka-nzili yoshe njinendekamo.”

Isaya 3:17

Oloni njikavahisa, njikakongovola mitwe yavo nakuyipwisa ya mandya!”

Isaya 30:12

Oloni Njambi wakujela wa Isalele nendeka ngwendi, “Mulinakulimbulula vije vinjimileka, co munakulaela a muuka na makuli.

Isaya 46:12

“ ‘Njitolilileni, yeni vanu vaka-kukaluwisa vimbunge, yeni muli kulyala nakwamena.

Isaya 5:2

Waliminemo nakutundisamo mamanya, co wakunine mikolovozi ya vushuka vwa vinyu yaivwa. Co watungile kaposhi kakuvingilila, wendile mbulu yakukamwinamo vinyu. Wavandamenene vushuka vuhye, oloni vushuka vwoshe vwapwile vwakukamata.

Isaya 59:13

Twakutengulukila, nakuvyana kukukava. Twayandesele vakwetu nakutunda kuli yove. Viyongola vyetu vinapu vya makuli, na majwi etu anapu a makuli.

Isaya 59:14

Kulongwa kunahu, na vushunga kuvwesiko lalo. Vushunga vunahumo mu mbanja, co kulongwa kwaiko lalo.

Isaya 59:4

Muya ku mbanja, oloni kumwesi na vushunga. Mukalingi matumbe eni akuvulumuna vakweni.

Isaya 62:5

Ngwe mukwenje ambata mumbanda uje kanda alimone na munalume kupwa shombolwa yendi, uje wakutangele akakwambata. Ngwe muka-kwambata avwaelela na shombolwa yendi, ngeci Njambi yove akavwaelela muli yove.

Njelemiya 12:10

Vaka-kushwana vavangi vanaviisa lifuti lyange ngwe lihya lya mikolovozi ya vushuka vwa vinyu, vanalyatangela mahya ange, vanatengulula lifuti lyange lyalivwa kulipwisa mambo.

Njelemiya 24:2

Mu mutonga wakulivanga mwakele vushuka vwavuvwa vwa mikuyu, vuje vukalivanga kuhya, co mu mutonga ukwavo mwakele vushuka vwa mikuyu vwavuvi, vwapwile vwavuvi manene akuvulya.

Njelemiya 50:46

Omo Mbambilone ikawa, co kukakala muyoyo wakama uje ukajajesa kaye, na muyoyo wakulila vakauziva na ku mafuti eka.”

Ezekiyele 22:29

Vaka-kufuka valinakukwisa nakwiva. Co vayandesa tuutu nakunyanyamena vaka-kwija.

Hoziya 10:1

Vanu va mu Isalele vapwile ngwe mukolovozi wa vushuka vwa vinyu uje wakele na vushuka vwavungi. Omo vakele mwamuvwa manene, co lalo vatungile mitula yaingi manene. Omo lifuti lyavo lyakele na vwilo manene, co lalo valingile vimanda vyavivwa manene vyakujela vije valinakulemesa.

Mika 6:12

Vaka-kufuka veni va mu nganda valinakukwisa tuutu, co muvavoshe munapu vaka-makuli.

Mika 6:8

Embwe, Shukulu Kalunga natuleke vije vyavivwa vyashaka kuli yeni vikevyo evi, kulinga vije vya vushunga nakumwesa cizemo cije kucesi kutenguluka nakuyoya mu kulitombola na kulikeesa kuli Njambi yeni.

Hambakuke 1:3

Omwo vikajo njimwena tuyando twangacije? Omwo vikajo utavesela vanu ngeci valinge vuvi vwangacije? Kulijokota na lwozi vyoshe vinanjizengeleka. Co kwoshe-ikwoshe kuli kulilwisa nakulizunga.

Zefaniya 3:17

Shukulu Kalunga Njambi yeni ali amo neni, nzili yendi ikamihyanesa. Shukulu Kalunga akavwaelela neni, co akamyana mwonyo wauha omwo ikeye wamizema! Akaimba nakujolela ali yeni,

Mateo 23:23

“Tuyando tweni, valongisi va majwi a Lishiko na vaFaliseo! Eni vaka-civembulu! Yeni mukaana kuli Njambi camulikumi nameme vyuma mukatovesa vyakulya, ngwe visapa-sapa amo akunika, na vyuma vyakunika lalo, na vije vyakunika vikwavo, oloni kumwesi kwononoka majwi a Lishiko lya Njambi, ngwe vushunga, na mema ku mbunge, nakukulaela. Evi munapande kuvilinga, kesi mulikele kulinga vikwavo.

Luka 18:7

Kuma Njambi kasa kwakula mu vushunga kuli vanu vendi vaje valinakulilila kuli ikeye vutsiki na mutanya ngeci avakwase? Kuma ngweni akeshwala mukuvakwasa ndi?

Yowano 15:2

Ikeye ateta munango woshe uli muli yange uje kuwimi vushuka, co munango woshe wima vushuka awunonga ngeci wime vushuka vwavungi.

Kwituluka mu Mashiko 15:9

Kesi mukavyane kumukumwisa cuma cimo embwe, omwo mwaka wakumanesa makongo uli muyehi, kesi mukatave viyongola vyavivi vikakovele mu vimbunge vyeni. Nga mukavyana kumwana likongo, co akatambeka kuli Shukulu Kalunga omwo yeni, co mukakala na mulonga.

Yakomba 5:4

Yeni kumwafwetele vaje vaka-kumipangela mu mahya eni. Ziveni kuteta kwavo! Miteto ya vaje valinakumitejela vimbuto vyeni inete ku matwi a Njambi, Shukulu Kalunga Muka-nzili yoshe!