Isaya 5:30 - Livulu lya Shukulu Kalunga

³⁰ Omo litangwa lije likaija, vakakuma a Isalele ngwe mema a kalunga. Kengeni a lifuti eli! Lisusulungu na tuyando! Ceke cinatenguluka kupwa lisusulungu.

Isaya 5:30 Iomraidhean Croise

Muka-kwambulula 12:2

Simbu kanda litangwa na ngonde, na vingongonosi vitsitsivale na mashelwa a nyonzi kuwaketi.

Isaya 13:10

Vingongonosi na mulalavizi wavyo kuvikatu ceke, litangwa likatsitsivala omo lituuka, co ngonde lalo kuyikatu ceke.

Isaya 13:4

Tolilileni muyoyo a minkinda, muyoyo wa mbunga yakama ya vanu, muyoyo wa miyati na vumwene vanakunguluka. Shukulu Kalunga Muka-nzili yoshe alinakukungulula mashwalale vendi va nzita.

Isaya 17:12

Miyati ya nzili yakama vali mu vukalu na muyoyo ngwe cikumo ca mema a kalunga, ngwe kungwanjanga kwakama kwa mankimba a mema a kalunga.

Isaya 30:6

Eli likelyo lijwi lya Njambi a tusitu va mu mambo ya mu mbwela ngwendi, “Vaka-kwimanena va lifuti vaketi mukati ka lifuti lya vushonde, muje mwakala vindumba, na manyoka va vushungu, na vyanza-ngombe vakupulula. Vakambata vwana vwa seo yakama a vimulu vavo na a tumelo kutwala ku muyati uje kuwasa kuvakwasa.

Isaya 59:9

Vanu valinakwendeka ngwavo, “Ololo twazivuka omwo vikajo Njambi katwamenene kuli vaje valinakutuyandesa. Twakele na cinyangavili cakwendela mu ceke, oloni kuli lika lisusulungu,

Isaya 8:22

nakukenga lalo asi, oloni vyai vakamona, vakamona lika tuyando na lisusulungu, lisusulungu lyakuzivisa lyova muje muvakavombila.

Njelemiya 13:16

Singimikeni Shukulu Kalunga Njambi yeni simbu kanda anene lisusulungu mutanuke a minkinda, simbu kanda apwise ceke ngwe lisusulungu.

Njelemiya 30:5

“Njazivile mutambi wakujajesa, mutambi wa lyova kesi wa kwoloka.

Njelemiya 50:42

Vanambata mata avo a lusipa na mikwale yavo, vanu vakukaluka mema ku mbunge. Omo valonda a tuvalu twavo, co vimbemba vya tuvalu twavo vicuma ngwe mema a kalunga. Valivwaesela cimweja kulwa nzita, kulwisa yeni vanu va Mbambilone.

Njelemiya 6:23

Mashwalale vavo va muuka vakujeneka mema ku mbunge vanambata mata avo a lusipa na mikwale yavo, muyoyo wa tuvalu twavo omo vashatuka unalifu ngwe kungwanjanga kwa mema a kalunga, vanalivwaesela cimweja kulwisa Yelusalema.”

Mbimbi 3:2

Wanjishekele nakunjikovelesa mu lisusulungu,

Ezekiyele 26:3

“Ngecivene, ololo, evi vikevyo yange Kalunga wa Akamwa ya Vyoshe, njilinakwendeka ngwange, ‘Yange njinapu nji citozi cove, yove nganda ya Tile, Njikanena miyati yaingi mukukulwisa, co vakaija ngwe mankimba a mu mema a kalunga.

Njwele 2:10

Asi oshe aninganga omo valinakwija, co lilu lijaja. Litangwa na ngonde vizivala vwii, na vingongonosi kuvitu ceke.

Amose 5:18

Luvinda lweni yeni mwavandamena litangwa lya Shukulu Kalunga! Vuvwa mukajo vukalingiwa ali yeni a litangwa lije? Kuli yeni likapwa litangwa lya lisusulungu, kesi litangwa lya ceke embwe.

Amose 8:9

Simbu ikaija omo litangwa likazivala akati ka mutwe, co njikatengulula mutanya kuupwisa lisusulungu. Yange Kalunga wa Akamwa ya Vyoshe, njinendekamo.

Mateo 24:29

“Vwasi-vwasi omo tuyando twa a matangwa aje tuneti, litangwa likazivala vwii, co ngonde kuyikatu lyezi, co vingongonosi vikawila asi, co vinzili vya mwilu vikaninganga.

Kujombolola 6:12

Co njamwene Muna Manga avatula kasateso kamucitanu na kamo. Co kenga, kwakele mandunduma akama manene, litangwa lyazivalele ngwe cikeleya cakuzivala na ngonde yemukile lalo yakuvenga ngwe maninga.