Isaya 5:26 - Livulu lya Shukulu Kalunga

²⁶ Shukulu Kalunga akalinga cizivukiso cakusana miyati yeka yakulyala. Navasana na mulozi, co kengeni, valinakwija lumbisi!

Isaya 5:26 Iomraidhean Croise

Myaso 60:4

Unanangula vaje vakukomoka, ngeci vatewe kesi vavanyongese.

Myaso 72:8

Vumwene vwendi vukashangumukila ku mema a kalunga, vuketa na ku mema a kalunga akwavo. Vumwene vwendi vukatunda ku Ndonga ya Yufuleti nakweta ku shongo ya kaye.

Isaya 10:3

Vatijo mukalinga omo Njambi akamihisa? Vatijo mukalinga omo ikeye akanena miyati yeka ngeci vamilwise nakumihisa? Kulijo kumukatewela ngeci mukawaneko vukwasi? Vufuko vweni mukavutewesela kuli?

Isaya 11:12

Shukulu Kalunga akanena cimweso ku miyati, co akakungulwila lalo amo vanu va Isalele na vanu va Yunda vaje valishandokelele mu vimbango viwana vya ano asi.

Isaya 13:2

Jundula pandelo ya nzita a lilundu lya miti! Tambekeni ku mashwalale, co vashovweyeni na livoko ngeci valwise vikolo vya nganda ya vanu va kulyalesa.

Isaya 13:3

Shukulu Kalunga nashiki mashwalale vendi vakwanguka nakusimpa kulwa nzita yakujela nakuhisa vanu vaje vanaluvalela.

Isaya 13:4

Tolilileni muyoyo a minkinda, muyoyo wa mbunga yakama ya vanu, muyoyo wa miyati na vumwene vanakunguluka. Shukulu Kalunga Muka-nzili yoshe alinakukungulula mashwalale vendi va nzita.

Isaya 13:5

Valinakutunda ku mafuti a kulyala a ku shongo ya asi. Co Shukulu Kalunga akamwesa vukalu vwendi mukunyongesa lifuti.

Isaya 18:3

Tolilileni, yeni vanu voshe muli ano asi! Kengeleleni cimweso ca pandelo vaimika akamwa ya minkinda! Tolilileni lupembo lwimba!

Isaya 30:16

Oloni mutumba vutumbe vwakutewa kuli vitozi veni akulonda a tuvalu twa lumbisi. Mwamuvwa kuli yeni kutewa! Munayongola ngweni tuvalu tweni vali na lumbisi, oloni tuvalu twa vaje valinakumisheka vali na lumbisi kutuvakana.

Isaya 31:9

Mwene yavo akatewa omwo lyova, na vamyata va nzita vakatewa ku nzita.” Shukulu Kalunga nendekamo, uje ivalemesela mu Yelusalema, uje tuhya twendi tukenyeka vin̄ombelo muje.

Isaya 39:3

Asinoni Isaya muka-kwimanena waile kuli Mwene Hezekiya, wamwihwile ngwendi, “Vanu ava vanatundu kulijo? Vikajo vanendeka kuli yove?” Hezekiya wamukumbulwile ngwendi, “Vanatundu ku lifuti lya kulyala, ku Mbambilone.”

Isaya 7:18

“A litangwa lije, Shukulu Kalunga akakumba mulozi kupwa mutambi kuli vaka-Ingito ngeci vaije ngwe vinzinzi kutunda ku vana va vindonga vya Nailo, na vaAsilya vaije kutunda ku lifuti lyavo ngwe vimuka.

Njelemiya 4:13

Kengeni, citozi alinakwija ngwe mashelwa. Matemba endi a nzita anapu ngwe kankumba, co tuvalu twendi vashatuka manene kutuvakana vingonga. Ngongo yetu! Tunanyongo!

Njelemiya 5:15

Vanu va mu Isalele, Shukulu Kalunga akanena muyati wa kulyala mukumilwisa, muyati wa ku san̄ulu wa nzili, uje ndaka yawo kumuyizivuka.

Njelemiya 51:27

“Mweseni cimweso cakulwa! Co imbeni lupembo ngeci miyati yoshe ya vanu vazive! Kungululeni miyati vakalwise Mbambilone! Lekeni vumwene vwa Alalate, Mini, na Ashekenaze ngeci valwe. Anguleni mwata muka-kutwamenena nzita. Neneni tuvalu valwe ngwe vinjame vya vimbimba.

Mbimbi 4:19

Vaka-kutukava vatushekele vwasi kutuvakana vingonga vakupulula. Vatukavele mu malundu, nakutukwatela mu mambo cishitumukila.

Ezekiyele 38:17

Yove vene uje njatumbwile ku san̄ulu, omo njambulwile muli vangamba vange vaka-kwimanena va mu Isalele, ngwange ku matangwa aje akaija kulutwe, njikanena munu umo akulwise Isalele.” Munjinendeka yange Kalunga wa Akamwa ya Vyoshe.

Njwele 2:7

Vakevo valwa nzita ngwe vingenyenye, valonda a vivumbe ngwe mashwalale. Co voshe venda kushungama mu ngila, kujeneka kutenguluka,

Hambakuke 1:8

“Tuvalu twavo valinalumbisi kutuvakana shonge, co vakevo vatewesa manene na vukalu kutuvakana tungunga. Vaka-kulonda a tuvalu vakatundu ku mafuti a kulyala, co tuvalu twavo vakalingi musindo asi na vimbemba vyavo. Vaka-kulonda a tuvalu twavo vakalu nzita vwasi-vwasi nakucuncumukila a vitozi vavo ngwe vingonga.

Zakaliya 10:8

“Njikasana vanu vange nakuvakungulwila amolika. Njikavapatula, co njikavapwisa vavangi ngwe muvapwile laja.

Malakiya 1:11

Kutunda ku shongo ya kaye nakweta ku shongo ya kaye vanu vakanjisingimika. Co kwoshe-ikwoshe vakenyeka insense nakunjikombelela vin̄ombelo vyavivwa. Omwo lizina lyange likapwa lyakama akati ka miyati ya vanu!

Kwituluka mu Mashiko 28:49

Shukulu Kalunga akamitumina muyati wakutunda kulyala, muyati wa vanu vaje kumuzivuka ndaka yavo. Vakevo vakumicuncumukila ngwe ngonga.