Isaya 5:24 - Livulu lya Shukulu Kalunga

²⁴ Ngecivene, ngwe muvikenye vishati na mwila wakuma mu tuhya, ngecivene, mizi yeni ikavola, na vishani vyeni vikominina nakupekumuka, omwo munavyana vije vyatulongesele Shukulu Kalunga Muka-nzili yoshe, Njambi wakujela wa Isalele.

Isaya 5:24 Iomraidhean Croise

2 Vimyene 19:22

Yove unayongola ngwove iyajo iwunashaula nakuyeluwisa? Yove unanjizivisa shwamwa yange Njambi ya Isalele wakujela.

Nehemiya 9:26

“Oloni vanu vove vakutengulukilile, nakujeneka kukwononoka, vakengesele nima ku Mashiko ove. Vatsiile vaka-kwimanena vaje vavanangwile nakuvaleka vukaleo vwakuvatengulwila kuli yove. Co vakushawile ku simbu na simbu,

Yombi 18:16

Co mizi yendi yuma, na minango ijujwama.

Yombi 8:17

Co mizi yavyo ilizengelela a mutumbo wa mamanya, co vikala mukati ka mamanya.

Myaso 50:17

Omwo uzinda vilongesa vyange nakuvyana mashiko ange.

Kutuuka 15:7

Mu vukama vwa nzili yove unombila vaka-n̄ole vove, vukalu vwove vushukuma, co vulinakuvenyeka ngwe vishati.

Kutuuka 5:12

Ngecivene, vanu vaile nakushakezeka vishoni mu Ingito mwoshe kupwisa ngwe mwila.

Isaya 1:31

Ngwe vulimu vwenya na tuhya twa vishashe, ngecivene, vantwama vove vaka-nzili vilinga vyavo vya vuvi vikavanyongesa, co naumo wai akavakwasa omo vanyonga.

Isaya 1:4

Ngongo yeni, yeni muyati wakuvulumuna, yeni vanu vakulemuwa na vuvi! Yeni naanga ya vaka-kulinga vuvi, vanu vaje vaka-kulinga vyangoco. Munaseza Shukulu Kalunga, Njambi wakujela wa Isalele, co munamukengesa nima.

Isaya 24:6

Ngecivene, Njambi natumbwila kaye cisingo. Co vanu vao valinakutsa omwo vuvi vwavo. Vavandondo-ndondo lika vanasalao vaciyoya.

Isaya 26:11

Vitozi vove kuvazivuka ngeci ukavahisa. Shukulu Kalunga, vazivise shwamwa, mwesa cizemo cove kuli yetu, co vombile mu tuhya tuje tuwavwaeselele vitozi vove.

Isaya 30:12

Oloni Njambi wakujela wa Isalele nendeka ngwendi, “Mulinakulimbulula vije vinjimileka, co munakulaela a muuka na makuli.

Isaya 30:9

Simbu yoshe valinakutengulukila Njambi, simbu yoshe vapwa vaka-makuli, simbu yoshe vakavyana kutolilila ku vilongesa vya Shukulu Kalunga.

Isaya 47:14

“Vanu vaje vakulaela mu vingongonosi vanapu vangoco ngwe mwila, uje wenya mu milangi ya tuhya. Aje naumo wai asa kwikao vilya.

Isaya 7:9

Isalele kuyesi na nzili yakutuvakana Samaliya nganda yayo yakama, co samaliya kuyesi na nzili yakutuvakana Mwene Peka. “Nga kukulaela kweni kucikakolesa, co kumukakolesa embwe.”

Isaya 8:6

“Omwo vanu ava vanavyana mema a mu Shiloahe aje enda mwamuvwa nakuziva lyova ku mesho a Mwene Lezine na Mwene Peka,

Isaya 9:18

Vuvi vwa vanu vushukuma ngwe tuhya twenyeka mambimbo na mishwena. Vushukuma ngwe likuna lya mu shwata lije lilinakwezoka milangi ya tuhya.

Isaya 9:19

Omwo Shukulu Kalunga Muka-nzili yoshe naluvala, cihiso cendi cilinakushukuma ngwe tuhya mu lifuti mwoshe nakunyongesa vanu, co naumo wai akamena ndolome yendi.

Njelemiya 6:19

Tolilileni yeni vaka-asi! Njikanena cihiso ali vanu ava, omwo vanavyana vilongesa vyange, co kuvononokele majwi ange.

Njelemiya 8:9

Vanu veni vaka-mana vali mu citanga, co vakavakwata nakuvazivisa shwamwa. Vanavyana majwi ange, mana akajo valinawo?

Ezekiyele 15:6

Ngecivene, evi vikevyo vyalinakwendeka Shukulu Kalunga wa Akamwa ya Vyoshe ngwendi, “Ngwe mukolovozi wa vushuka vwa vinyu vautundisa mu shwata nakuwenyeka, ngecivene, mukemwo munjikalinga na vanu ava vali mu Yelusalema,

Hoziya 11:9

Kunjikaminyanyamesa akuluvala kwange embwe, kunjikasa kunyongesa Isalele lalo embwe. Omwo yange Njapwa nji Njambi, kesi ngwe nji munu embwe. Yange, Njapwa Wakujela njili amo neni. Co kunjikaija lalo kuli yeni mukuluvala embwe.

Hoziya 5:12

Ngecivene, njikahisa Isalele, nakunyongesa vanu va mu Yunda.

Hoziya 9:16

Vanu va mu Isalele vanapu ngwe muti uje wakuma mizi, co kuwesi lalo nakwima vushuka. Kuvakakala lalo na vana, oloni nameme vakakala navo, co njikatsiya vana vavo vaje vavazema manene.”

Njwele 2:5

Omo vajombozoka akamwa ya minkinda, misindo yavo yoya ngwe matemba, cililimo cavo cinapu ngwe musindo wa tuhya twa likuna tuje twenyeka mwila wakuma. Venda mu mikana ngwe vaka-nzita vaje vanalivwaesela kulwa.

Amose 2:4

Shukulu Kalunga alinakwendeka ngwendi, “Vanu va ku Yunda vanalingi vuvi kushwakumo, omwo cuma eci mwa vushunga njikavanyanyamesa. Vanayeluwisa vilongesa vyange, co kuvanyungile mashiko ange. Vanongumuka na vinjambi va makuli vaje vavalemesele vakukulwila vavo.

Amose 2:9

“Nameme ngoco, vanu vange, omwo yeni ngeci njanyongesele vaAmoli, vaje vapwile vanu vavalaja ngwe miti ya kendale, co vakele na nzili ngwe miti ya Oke.

Nahumi 1:10

Yeni vaka-kupenda vakamyenyeka ngwe mambimbo akulizenga-zenga na vishati vyakuma!

Malakiya 4:1

Shukulu Kalunga Muka-nzili yoshe alinakwendeka ngwendi, “Litangwa lilinakwija omo voshe vaka-kulyalesa na vaka-vuvi vakavenyeka ngwe vishati. A litangwa lije voshe vakenya njwa, co nacimo cai cuma cavo cikasalao.

Mateo 3:12

Shewa ili mu livoko lyendi, ikeye akapepa nakujelesa mwamuvwa vinona vyoshe ku lijungwilo lyendi, co tiliku akaitulikila mu cishete cendi, oloni lijungu lyoshe akalyenyeka na tuhya kutwesi kuzima.”

Luka 10:16

Yesu wendekele kuli vandongisi vendi ngwendi, “Woshe uje amitolilila, atolilila yange, woshe uje amivyana avyana yange, co woshe uje anjivyana, avyana uje wanjitumine.”

Luka 3:17

Shewa ili mu livoko lyendi, ikeye akapepa nakujelesa mwamuvwa vinona vyoshe kulijungwilo lyendi, co tiliku akaitulika mu cishete cendi, oloni lijungu lyoshe akalyenyeka na tuhya kutwesi kuzima!”

Luka 7:30

Oloni vaFaliseo na valongisi va majwi a Lishiko vavyanene vutumbe vwa Njambi vwa ali vakevo, co vavyanene kuvambwitika kuli Yowano.

Yowano 12:48

Woshe anjivyana, co katambula majwi ange, kwali umo uje akamusompa. Majwi aje njinendeka akewo akapwa lyaako lyendi a litangwa lyakukotoka!

Vilinga vya Miluwa 13:41

‘Kengeni, yeni vaka- kuyeluwisa! Co likomokeleni na kutsa! Omwo cuma cije cinjilinga litangwa lya lelo cinapu cuma cije kumukakulaela, nameme vamilumbunwinaco!’ ”

Kwituluka mu Mashiko 28:24

Shukulu Kalunga akatuma tukundu-kundu na lihunzi lyakama kwinga mu mwela wa nyonzi noo munanyongo njwa.

1 Tesalonika 4:8

Ngecivene, woshe uje avyana vilongesa evi kavyana munu, oloni alinakuvyana Njambi, uje akamyana Munzinzime wendi Wakujela.

1 Samwele 15:23

Kumutengulukila kunapu ngwe vulozi, co kulyalesa kunapu ngwe vuvi vwakulemesa vinjambi veka. Omwo unavyana lishiko lya Shukulu Kalunga, co nendi lalo nakuvyana kupwa mwene wa mu Isalele.”

1 Samwele 15:26

Co Samwele wamukumbulwile ngwendi, “Kunjiiluka amo nove, omwo unavyana lishiko lya Shukulu Kalunga, co nendi lalo nakuvyana kupwa mwene wa mu Isalele.”