Isaya 5:23 - Livulu lya Shukulu Kalunga

²³ Oloni a lizika-kanwa ni, mukasambesa vaka-milonga, oloni vaje kuvesi na milonga kumwesi kuvasompa mwa vushunga.

Isaya 5:23 Iomraidhean Croise

1 Vimyene 21:13

Co vaje vipapoki vavali vamukutiiye ku mesho a vanu ngwavo natuku Njambi na mwene, ngecivene, vamutwalele anja ya nganda vamwashele mamanya nakumutsiya.

2 Mizimbu 19:7

Singimikeni Shukulu Kalunga, sompeni mwamuvwa, omwo Shukulu Kalunga Njambi yetu kesi kutava makuli, nambe civembulu, nambe kutambula lizika-kanwa.”

Myaso 94:21

vaje vatumba matumbe akulwisa vaka-vushunga, nakuhisa munu wakujeneka mulonga ngeci atse.

Visimo 17:15

Uje asambesa muka-vuvi na uje ahisa muka-vushunga, voshe muvuvali vwavo vanapu vunyengwe kuli Shukulu Kalunga.

Visimo 17:23

Maako vavavi vakatambula mazika-kanwa mu vuse-vuse, ngeci vaengese n̄anda.

Visimo 24:24

woshe uje asambesa muka-mulonga, vanu voshe vakamusinga nakumuzinda.

Isaya 1:23

Vantwama vove vananjiyengula, co vanalikwata vusamba na vanu va muuka, simbu yoshe valinakutambula wana vwavungi na mazika-kanwa. Kuvesi kwamena visiwa mu vimbanja nambe kutolilila omo vifwile vambulula milonga yavo.

Isaya 10:1

Ngongo yeni! Mukalingi mashiko aje kesi a vushunga, aje ayandesa vanu vange.

Isaya 10:2

Omu mukemwo mumuli nakuyandesela tuutu, nakuvavindika kulinga vushunga. Omu mukemwo mumukambatela vufuko vuje vwakundama ku vifwile na visiwa.

Isaya 28:7

Vaka-kwimanena na vaka-kukombelela vanapende, co valinakutalyangela. Vananu manene vinyu na vwala, vatalyangela nakujeneka kuzivuka vivalinga. Vaka-kwimanena na vaka-kukombelela vanapende manene ngeci vanonwa kuzivisisa vimona vyanavamwesa Njambi, nakusompa mwamuvwa milonga ije ivalinakuvanenela.

Isaya 29:21

Njambi akanyongesa vaka-kufweya vakwavo, na vaje vavindika mapwepwe kesi vawane milonga, na vaje vendeka makuli mukuvindika vaka-kulongwa kuwana vushunga.

Isaya 32:7

Cilema napu muka-vuvi, muka-kulinga vyuma vyavivi, atumba matumbe a makuli akuviisa tuutu nakuvavindika ngeci kesi vawane vushunga.

Isaya 59:15

Kulongwa kunapu kwakundondo. Woshe uje alikela kulinga vuvi alimona ali na mulonga.” Shukulu Kalunga namono evi, co ikeye kesi nakuvwaelela omwo kukwesi vushunga.

Amose 5:12

Njazivuka kutuma kwa milonga yeni na vuvi vweni vuje munalingi. Yeni mulinakupesa vanu va kulongwa, nakutambula lizika-kanwa, co muvindika tuutu ngeci kesi vawane vushunga mu vimbanja.

Mika 3:11

Vaka-kushwana nganda vashika na mazika-kanwa, vaka-kukombelela vanungulula Mashiko na fweto, co vaka-kwimanena vambulula vya vuka-kwimanena na vimbongo. Oloni vanajendamena ali Shukulu Kalunga omo vendeka ngwavo, “Shukulu Kalunga ali netu. Nacimo cuma cacivi cai ciija kuli yetu.”

Mika 7:3

Voshe vazivuka manene kulinga vuvi. Vantwama vashaka vwana, co vaka-kusompa vatambula mazika-kanwa. Muka-kutsimana avaleka vije vyashaka, ngecivene, voshe vatumba matumbe amavi.

Mateo 23:35

Ngwe a fweto yakutsiya vanu voshe vaje vakujeneka mulonga, cihiso cikaija ali yeni, kutunda akutsiya Avele wakujeneka mulonga kweta akutsiya Zakaliya muna Mbelekiya, uje imwatsiilile mukati ka Njuvo ya Shukulu Kalunga na mutula.

Kwituluka mu Mashiko 16:19

Vakevo vanapande kusompa mu vushunga, kesi vamwese kahangu mukusompa kwavo. Co kuvapandele kutambula lizika-kanwa, omwo lizika-kanwa lizivalesa mesho a vaka-mana nakwingika majwi a vaka-vushunga.

Yakomba 5:6

Munahisa nakutsiya vanu vaka-vushunga, co kuvamivyanene.