Isaya 5:21 - Livulu lya Shukulu Kalunga

²¹ Ngongo yeni! Yeni munayongola ngweni munapu mu vaka-mana, co mwanyanyama manene.

Isaya 5:21 Iomraidhean Croise

Yombi 11:12

Cinapu cacikalu ku vilema kukala na mana ngwe mucapwa cacikalu ku vingolo kusema vimulu.

Visimo 26:12

Cilema natuvakana munu uje aliyongola ikeye vavenya ngeci napu muka-mana kuma kesi nao.

Visimo 26:16

Mulwa akayongola ngwendi napu wakunyanyama kutuvakana vanalume vatanu na vavali, vaje vasa kuyongola viyongola vyavivwa.

Visimo 3:7

Kesi ulimone ngwe u muka-mana embwe, oloni komoka Shukulu Kalunga, tunda ku vuvi.

Isaya 10:13

Mwene wa Asilya alinakulishasha ngwendi, “Vyoshe evi njavilingi ange lika. Njili na nzili na mana nakunyanyama. Njinazimangana vinginga akati ka miyati, co njinambata vufuko vuje vatulikile. Ngwe ngombe wa nkomba, njalyatangela vanu vaje vakele muje.

Isaya 37:23

Yove unayongola ngwove iyajo iwunashaula nakuyeluwisa? Yove wanjizivisa shwamwa yange, Njambi ya Isalele wakujela.

Isaya 40:23

Njambi akakeesa vaka-kushwana vakama, nakuvapwisa vangoco.

Isaya 47:10

“Wavandele mu vuvi vwove vavenya, wayongwele ngwove naumo wai asa kukumona. Mana ove nakuzivuka kwove vyakukwisile, wayongwele ngwove, ‘Yange Njambi, kukwesi weka lalo wakulifwa nange.’

Yowano 9:41

Yesu wakumbulwile ngwendi, “Nga mwapwile mutupuputwa, nga kumwesi na mulonga, oloni omwo mwendeka ngweni mumona, eci cilumbununa ngeci anga mucili na mulonga.”

Loma 1:22

Vendeka ngwavo vanapu vaka-mana, oloni vanapu vilema,

Loma 11:25

Kuli vushunga vwakushwekesa, vakwetu, vuje vunjishaka ngeci muvuzivuke, omwo vukamivindika kuyongola ngweni munapu vakunyanyama. Oku kukaluwa kwa vimbunge vya vanu va Isalele kesi ngwe kwa myaka yoshe embwe, oloni kukakalako lika noo vaje kesi vaYunda vanapumo kwija kuli Njambi.

Loma 12:16

Yoyeni mulizivasano umo na mukwavo. Kesi mulyalese, oloni likeeseni mu vipangi. Kesi muliyongole yeni vavenya ngwe munapu vaka-kunyanyama.