Isaya 5:19 - Livulu lya Shukulu Kalunga

¹⁹ Mwendeka ngweni, “Shukulu Kalunga azambule kulinga vije vyendekele, ngeci tuvimone. Njambi wa Isalele wakujela atumbe matumbe endi, ngeci tumone viyongola vyendi.”

Isaya 5:19 Iomraidhean Croise

Isaya 30:11

Kesi mutuleke vije vyanendeka Njambi. Kutushaka kuziva vya Njambi wakujela wa Isalele.”

Isaya 66:5

Tolilileni vije vyalinakwendeka Shukulu Kalunga, yeni vaka-kumukomoka nakumwononoka ngwendi, “Vandolome veni vamizinda nakumivyana omwo munapu vaka-kulongwa kuli yange. Vamishendumuna nakwendeka ngwavo, ‘Shukulu Kalunga amwese nzili yendi nakumyamena, ngeci tumone kujolela kweni.’ Oloni ava vendeka vyuma evi vakaziva shwamwa yakama!

Njelemiya 17:15

Vanu valinakwendeka ngwavo, “Vilikulijo vije vyakele nakulishungwiya Shukulu Kalunga ali yetu? Avilinge oni ololo!”

Njelemiya 23:18

Njendekele ngwange, “Naumo wai wa ali ava vaka-kwimanena nazivuka viyongola vya Shukulu Kalunga vya mu vushweke. Naumo wai wa ali vakevo waziva laja nambe kuzivisisa lijwi lyendi, nambe kutolilila, nambe kumbako mbunge kuli vije vyendekele.

Njelemiya 23:36

Ngecivene, kuvapandele kwendeka majwi ngwavo, ‘Citele ca Shukulu Kalunga,’ omwo nga umo alingamo, co mwa vushunga njikapangesa majwi ange ngeci akapwe citele kuli ikeye. Vanu vanaviisa majwi a Njambi yavo, ikeye Njambi wakuyoya Shukulu Kalunga Muka-nzili yoshe.

Njelemiya 36:23

Omo Njehunde wamanesele kulava mikana itatu nambe iwana, co mwene watavwile lije livulu na moko yendi yaindondo nakulyumbila mu liko. Walitavozwele nakulyenyeka noo lyoshe lyahwile.

Ezekiyele 12:22

“Muna munu, omwo vikajo vanu va Isalele valinakwilukila-ilukila cisimo eci ngwavo, ‘Simbu ilinakuya, co vuka-kwimanena vunapu vwangoco!’

Ezekiyele 12:27

“Muna munu, vaIsalele valinakuyongola ngeci vimona vyove na vuka-kwimanena vwove vinapu vya kulutwe manene.

Hoziya 10:3

Vanu ava ololo vendeka ngwavo, “Kutwesi na mwene omwo kutwakomokele Shukulu Kalunga. Oloni cuma mukajo lalo napande kutulingila mwene?”

Malakiya 2:17

Yeni vanu munajukisa Shukulu Kalunga navyendeka vyeni. Oloni mwihula ngweni, “Tunamujukisa vatijo?” Akwendeka ngweni, “Shukulu Kalunga Muka-nzili yoshe nayongola ngeci voshe vaka-kulinga vuvi vanapu vavavwa ku mesho endi, co navwaelela navo.” Nambe akwihula ngweni, “ali kulijo Njambi uje napande kupwa wa vushunga?”