Isaya 5:17 - Livulu lya Shukulu Kalunga

¹⁷ Co vana va vimanga vakalila mwila mu vingundu, na vana va vimembe vakawana kwakulila.

Isaya 5:17 Iomraidhean Croise

Nehemiya 9:37

Vije vilinakutunda mu lifuti, vili na kuya ku vimyene, vaje vatushwanene, omwo yetu twalingile vuvi. Valinakulinga mwoshe muvashakela ali yetu na a vimuna vetu, co tuli mu vukalu vwakama manene!”

Myaso 119:70

Vaka-kulyalesa kuvesi na mana akuzivisisa, oloni yange njikavwaelela mu mashiko ove.

Myaso 17:10

vakevo kuvesi na mema ku mbunge, co vendeka na kulyalesa.

Myaso 17:14

Yove Shukulu Kalunga, njamene na livoko lyove ku vanu vaje valinakuvwaelela nakuyoya kwa ano asi. Vahise na tuyando tuje tuwavatulikila, tupwe twatungi kuli vana vavo, tupwe lalo twatungi kuli vatekulwila vavo!

Myaso 73:7

vimbunge vyavo vituwisa vuvi, co mana avo ali na matumbe a vuvi.

Isaya 1:7

Lifuti lyeni linemuka mambo, co vinganda vyeni vanavyenyeka. Vaka-kwija vanamitambula lifuti lyeni oku munavakengelela.

Isaya 10:16

Shukulu Kalunga Muka-nzili yoshe akatuma mushongo nakuhisa vaje valinakulya mwamuvwa. Mu mivila yavo mukakala tuhya tuje tukashukuma-shukuma.

Isaya 17:2

Vinganda vya Silya vikapwa vingundu vya myaka yoshe. Vikapwa vulilo vwa vimanga na vingombe, co naumo wai akavashekamo.

Isaya 32:14

Nameme mu lipela vakatewamo, na nganda ikapwa ngundu. Membo na tuposhi vikapwa vingundu ku myaka yoshe. Vimulu vakalilamo mwila, co vimanga vakawana kwakulila mwila wauvwa.

Isaya 40:11

Akanyunga vutanga vwendi mwamuvwa ngwe kanyungi, akakungulwila amolika vana va vimanga, nakuvambata mu mavoko endi, co akatwamenena vainavo kamandondo-kamandondo.

Isaya 65:10

Vakanjilemesa, co vakatwala vimanga vavo na vingombe vavo ku mwila ku Cana ca Shalone mu kangombe ka yambi na mu Cimbongo ca Tuyando mu ngangela.

Isaya 7:25

Ku malundu kwoshe kuje kwakele nakumena vimbuto, kukamena mambimbo ngeci naumo wai akayako lalo. Ukapwa mutambela wakulila vingombe na vimanga.”

Njelemiya 5:28

omwo vikajo vananunu nakukala mwamuvwa. Vilinga vyavo vyavivi kuvyesi naa avyasikisila. Kuvesi kwana visiwa vije vinavapande nambe kumwesa vushunga kuli vaka-kuyanda.

Mbimbi 5:2

Vufuko vwetu vuli mu mavoko a vangenzi, co vaka-kwija valinakuyoyela mu vinjuvo vyetu.

Hoziya 4:16

Vanu va mu Isalele vanakaluwisa manene vimbunge vyavo ngwe ngombe wa lwavo. Vatijo njasa kuvalisa ngwe vimanga mu mwila wauvwa?

Hoziya 8:7

Omo vakuna lihunzi, vateja kankumba! Nga vimbuto vyakulinga makende kuvihi kuvasa kulinga makende embwe. Oloni nameme vihya, vaka-kwija vakavilya vyoshe njwa!

Mika 2:12

“Oloni njikamikungulwila amolika, yeni vanu voshe va mu Isalele vaje vanasalao. Njikamikungulwila amolika ngwe vimanga veluka ku vutanga. Ngwe vulilo vunashulu na vimanga, lifuti lyeni likakala na vanu vavangi.”

Zefaniya 2:14

Nganda ya Nenevayi ikapwa mutambela wakulila matanga a vimanga, na tusitu va miyati-yati vakavutamamo. Co vinkungulu vakakala mukati kavije vingundu na mitambi yakwoya kwavyo ikatuukila mu vinjanena. Co na makololo vakendekela a vipamba vya vikolo, vanu vakavujula mavaya a kendale a kulyala aje avatungisile vinjuvo vyendi.

Zefaniya 2:6

Co lifuti lyeni lya ku ngenge ya mema a kalunga likemuka mutambela wakulila vimanga.

Luka 21:24

Vamo vakavatsiya na mukwale, co vakwavo vakavatwala vunzinda ku mafuti eka, co vaka-kujeneka kukulaela vakalyatangela Yelusalema noo simbu yavo inete.

Kwituluka mu Mashiko 28:33

Muyati wa vaka-kwija vakalinonela vimbuto vyeni vije mwapangele nakulipesa, co nacimo cai mukawanao, oloni mukamona tuyando na mapakeso simbu yoshe.

Kwituluka mu Mashiko 32:15

“Vanu va Shukulu Kalunga, vafukile, valile manene nakukuta, oloni vevalele Njambi Ishamatanga wavo, vavyanene muyoyesi wavo muka-nzili.