Isaya 5:16 - Livulu lya Shukulu Kalunga

¹⁶ Oloni Shukulu Kalunga Muka-nzili yoshe amwesa vukama vwendi akulinga vyuma vya vushunga, asholola kujela kwendi akusompa vanu vendi.

Isaya 5:16 Iomraidhean Croise

1 Mizimbu 29:11

Yove wapwa uwakama, wa nzili, na vumpau, na vuvwa, na vumwene vwove vwapwa vwakama. Vyuma vyoshe vya mwilu nevi vya asi vyapwa vyove, co yove wapwa mwene, yove wapwa muka-kushwana vyoshe.

Myaso 21:13

Tukushangazala yove Shukulu Kalunga, omwo nzili yove yapwa yakama! Tukaimba nakushangazala nzili yove.

Myaso 46:10

Njambi nendeka ngwendi, “Olokeni kuluu, zivukeni ngeci yange nji Njambi, nji wakama akati ka miyati yoshe, co nji wakama lalo ano asi oshe!”

Myaso 9:16

Shukulu Kalunga nalisholola ikeye vavenya akusompa kwendi kwa vushunga, oloni vaka-vuvi vanatsi mu vilinga vyavo vyavivi.

Isaya 12:4

Litangwa lilinakwija omo vanu vakaimba ngwavo, “Kandeleleni kuli Shukulu Kalunga! Lemeseni ikeye lika! Ambululeni vilinga vyendi akati ka vanu! Valekeni vukama vwa vumpau vwendi.

Isaya 2:11

A litangwa lije vaka-kulyalesa vakaziva shwamwa, co vaka-vukama vakavakeesa. Asinoni vakashangazala lika Shukulu Kalunga.

Isaya 2:17

Kulyaka ku vukama na kulyalesa kwa vanu kukahwa,

Isaya 2:9

Ngecivene, vanu voshe vakakala na shwamwa na vunyengwe. Kesi uvasambese, Shukulu Kalunga.

Isaya 28:17

Vushunga vukapwa seteko ya mukana wa luvula, kasingimiko kakapwa mukole wa lumana.” Nyonzi ya mamanya ikakomba makuli oshe amwajendamena, livazi likanyongesa vuvando vweni.

Isaya 29:23

Omo vana vendi vakamona vije vinjinalingi akati kavo, co vakasingimika lizina lyange, vakanjishangazala nakunjisingimika yange Njambi wakujela wa Isalele.

Isaya 30:18

Ngecivene, Shukulu Kalunga namivandamena ngeci amizivileko mema ku mbunge. Ikeye alinakumizivila ngozi omwo simbu yoshe akalingi vya vushunga. Vanavezika vaje vakulaela muli Shukulu Kalunga.”

Isaya 33:10

Shukulu Kalunga alinakwendeka ku miyati ya vanu ngwendi, “Ololo njipanga. Njikamwesa ayapwa nzili yange.

Isaya 33:5

Shukulu Kalunga wapwa wakama! Ikeye wakala mu melu. Akashulisa Yelusalema na vushunga na kulongwa,

Isaya 57:15

“Yange Njambi wa Akamwa ya Vyoshe, na Njambi wakujela, uje wayoya myaka yoshe. Yange njayoya akamwa na ku mutambela wakujela, oloni njayoya lalo na vanu vaje valikeesa nakutenguluka, ngeci njiindule kusimpa kwavo na cinyangavili cavo.

Isaya 6:3

Co valitambekelele umo na mukwavo ngwavo, “Wakujela, wakujela, wakujela! Shukulu Kalunga Muka-nzili yoshe wapwa wakujela! Asi oshe anashulu na vumpau vwendi.”

Isaya 61:8

Shukulu Kalunga alinakwendeka ngwendi, “Njazema vushunga, co njizinda vaka-kuyandesa na muuka. Njikana cikandelela vanu vange cakulikumiiya navo, cikumiiyo ca myaka yoshe.

Isaya 8:13

Anuka ngeci yange Kalunga Muka-nzili yoshe, njapwa wakujela, yange lika imunapande kukomoka.

Ezekiyele 20:41

Omo njinamiilwisa laja kutunda mu mafuti muje njamishandwelelele, nakumikungulwila amolika, asinoni njikatambula vin̄ombelo vyeni vya kwenyeka, co miyati vakamona ngeci njapwa wakujela.

Ezekiyele 28:22

Leka vanu valimo evi yange Kalunga wa Akamwa ya Vyoshe njendeka kuli vakevo ngwove, ‘Yove Sindone yange nji citozi cove, vanu vakanjishangazala omwo vije njilinga kuli yove. Omwo njikakumwesa kujela kwange akunyanyamesa vanu vaje vayoyela muli yove, co vakazivuka ngeci yange njapwa Kalunga.

Ezekiyele 28:25

Shukulu Kalunga wa Akamwa ya Vyoshe wendekele ngwendi, “Njikelwisa vanu va Isalele kutunda ku miyati kuje kunjavashandwelelele, co miyati yoshe vakazivuka ngeci yange njapwa wakujela. Vanu va Isalele vakakala mu lifuti lyavo, lifuti lije linjanene kuli ngamba yange Yakomba.

Ezekiyele 36:23

Omo njisholola kujela kwa lizina lyange lyakama, lizina lije limwazivisile shwamwa akati kavo, asinoni vakazivuka ngeci yange njapwa Kalunga.’ Munjinendeka yange Kalunga wa Akamwa ya Vyoshe. Njikamipangesa mukumwesa miyati ngeci kuma njapwa wakujela.

Ezekiyele 38:16

Ukalwisa vanu vange va Isalele ngwe kankumba kafwika lifuti. Omo simbu ikaija, njikakutuma ukakovelele lifuti lyange ngeci miyati vakanjizivuke, mukumwesa kujela kwange a vije vinjilinga muli yove.

Ezekiyele 38:23

Mu ngila eyi njikamwesa miyati yoshe ngeci yange njapwa nji wakama, co njapwa wakujela. Asinoni vakazivuka ngeci yange njapwa Kalunga.”

Ndanyele 4:37

“Ngecivene, ololo, yange Nevukaneza njishangazala nakusingimika nakulemesa Njambi ikeye Mwene wa Lilu. Vyuma vyoshe vyakalingi vyapwa vya vushunga, co vingila vyendi vyapwa vya kulongwa, co akononwesa uje woshe alyalesa.”

VaLevi 10:3

Asinoni Mosesa wendekele kuli Alone ngwendi, “Omu mukemwo mwanendeka Shukulu Kalunga omo wendekele ngwendi, ‘Voshe vanjipangela vanapande kusingimika kujela kwange, njikamwesa vulemu vwa vumpau vwange kuli vanu vange voshe.’ ” Oloni Alone wolokele kuluu.

Kulava 20:13

Evi vyalingiwile kuje ku Meliva, kuje vanu va Isalele valinyenyetele nakutengulukila Shukulu Kalunga, co kuje lalo Shukulu Kalunga walimwesele ngeci wapwa wakujela akati kavo.

Loma 2:5

Oloni yove uli na mbunge yakukola nakukaluwa, co ulinakulingisa cihiso cove vavenya ngeci cipwe cakama manene a Litangwa lije omo vukalu vwa Njambi nakusompa kwendi kwa vushunga vikasholoka.

1 Petulu 1:16

Visoneka vyendeka ngwavyo, “Pweni vakujela omwo yange njapwa wakujela.”

1 Petulu 2:15

Omwo Njambi ashaka ngeci muvindike nzimba ya vanu vakweva a vyuma vyavivwa vije mulinakulinga.

1 Petulu 3:15

Oloni komokeni Kilistu mu vimbunge vyeni, co musingimikeni ngwe Mwene. Visimbu vyoshe livwaeseleni kukumbulula munu woshe-iwoshe uje amihula mumunungulwile cinyangavili ceni cije mulinaco,

Kujombolola 3:7

“Kuli kangelo wa ku cikungulukilo ca mu Filandelufiya soneka ngwove, “Eli likelyo lijwi lyatundu kuli umo uje wakujela na vushunga. Nakwata sapi ije yakundamene kuli Ndaviti, co omo ashokolola lipito, naumo wai asa kulishoka, co omo alishoka, naumo wai asa kulishokolola.

Kujombolola 4:8

Umo na umo wa vaje vikashama vawana vakuyoya wakele na mambava atanu na limo, co oshe akele na mesho, mukati na anja. Vakevo kuvalikelele kwimba vutsiki na mutanya ngwavo, “Wakujela, wakujela, wakujela, ikeye Shukulu Kalunga Njambi Muka-nzili yoshe, uje wakeleko, uje aliko, na uje akaija.”