Isaya 5:1 - Livulu lya Shukulu Kalunga

¹ Njikembila musamba wange mwaso wendi wakutumbula citungu cendi ca mikolovozi ya vushuka vwa vinyu. Musamba wange wakele na citungu cendi ca mikolovozi ya vushuka vwa vinyu a lilundu lya vwilo.

Isaya 5:1 Iomraidhean Croise

Myaso 101:1

Njikaimba kuli yove Shukulu Kalunga, njikaimba mwaso wa a kulongwa kwove na vushunga vwove.

Myaso 45:1

Mbunge yange inashulu na majwi amavwa, omo njilinakumanga mwaso ou kuli mwene, ndaka yange inafu ngwe munu uje azivuka kusoneka mwamuvwa.

Myaso 60:5

Twamene na nzili yove, co kumbulula malombelo etu, ngeci vaje vanu vawazema vavamene.

Myaso 80:8

Twapwile ngwe mukolovozi wa vushuka vwa vinyu uje uwatundisile ku Ingito, washekelemo miyati ya mu Kanana, co waukunine mu lifuti lyavo.

Myaso ya Solomoni 2:16

Muka-cizemo cange unapu u wange, nange njinapu nji wove, Ulinakulisa matanga ove akati ka man̄anda,

Myaso ya Solomoni 5:16

Kwendeka kwendi kwakuvwa manene, co ikeye napu wamuvwa mu vyuma vyoshe. Yeni vanakazi va mu Yelusalema, ou ikeye muka-cizemo cange, ikeye musamba wange.

Myaso ya Solomoni 5:2

Yange njalalele, oloni njakele nakutona. Njalotele muka-cizemo cange alinakutota ku lipito ngwendi, “Njishokolweleko mwoni wange, wa cikongo cange ca mbunge, liyembe lyange. Mutwe wange unajulu na lime, na vin̄ambu vyange vinajulu na mbundu.”

Myaso ya Solomoni 6:3

Muka-cizemo cange wapwa wange, co nange njapwa nji wendi, alinakulisa vutanga vwa vimanga vendi akati ka man̄anda.

Njelemiya 12:10

Vaka-kushwana vavangi vanaviisa lifuti lyange ngwe lihya lya mikolovozi ya vushuka vwa vinyu, vanalyatangela mahya ange, vanatengulula lifuti lyange lyalivwa kulipwisa mambo.

Njelemiya 2:21

Yange njakukunine kupwa mukolovozi wa vushuka vwa vinyu wauvwa, wa ku mbuto yaivwa manene. Cooni unatenguluka vatijo kupwa mukolovozi wakuvola wakujeneka seo?

Ezekiyele 15:2

“Muna munu, mukolovozi wa vushuka vwa vinyu unatuvakana vatijo muti? Nambe munango wa mukolovozi wa vushuka vwa vinyu unatuvakana vatijo miti ya mu shwata?

Ezekiyele 19:10

Vanyoko vapwile ngwe mukolovozi wa vushuka vwa vinyu, uje vakunine ku ngenge ya muna ndonga. Omwo kuje kwakele mema amangi manene, co uje mukolovozi wa vushuka vwa vinyu walifwikile na maputa na vushuka.

Hoziya 10:1

Vanu va mu Isalele vapwile ngwe mukolovozi wa vushuka vwa vinyu uje wakele na vushuka vwavungi. Omo vakele mwamuvwa manene, co lalo vatungile mitula yaingi manene. Omo lifuti lyavo lyakele na vwilo manene, co lalo valingile vimanda vyavivwa manene vyakujela vije valinakulemesa.

Mateo 21:33

Yesu wavalekele ngwendi, “Tolilileni ku cisimo cikwavo. Kwakele munalume umo wakele na citungu ca mikolovozi ya vushuka vwa vinyu, wasitileko cipatanga, wendilemo citeke cakukamwina vinyu, co watungile kaposhi. Asinoni wasezele cije citungu ku vaka-kupanga, co waile vungenzi ku lifuti lyeka.

Mako 12:1

Asinoni Yesu wendekele navo na visimo ngwendi, “Kwakele munalume umo wakele na citungu ca mikolovozi ya vushuka vwa vinyu, co wasitileko cipatanga, co wendilemo citeke cakukamwina vinyu, co watungile kaposhi. Asinoni wasezele cije citungu ku vaka-kupanga, co waile vungenzi ku lifuti lyeka.

Luka 20:9

Yesu watelelele vanu cisimo eci ngwendi, “Kwakele munalume umo wakele na citungu ca mikolovozi ya vushuka vwa vinyu, co wasezele cije citungu kuli vaka-kupanga, co waile vungenzi ku lifuti lyakulyala wakeshwaleleko simbu yakama.

Yowano 15:1

“Yange mukolovozi wa vushunga wa vushuka vwa vinyu, co Tate ikeye ndimi.

Kwituluka mu Mashiko 8:10

Omo munali laja nakukuta, co mukashangazala Shukulu Kalunga Njambi yeni omwo ya lifuti lyalivwa lije lyanamyana.

Kwituluka mu Mashiko 8:7

Omwo Shukulu Kalunga Njambi yeni akamikovelesa mu lifuti lyalivwa, lifuti lije lili na vana va vindonga vya mema na masima a tuvwelu-vwelu aje alinakusheloka mu vyana na mu malundu.