Isaya 49:7 - Livulu lya Shukulu Kalunga

⁷ Njambi wakujela wa Isalele na muyoyesi nendeka kuli uje uvayengula vanu, uje ivazinda vaka-mafuti, nakupwa ngamba ya vaka-kushwana ngwendi, “Vimyene vakakumona omo ukapatuka, co vakemana mukumwesa kasingimiko kavo, na vana va vimyene lalo vakacimona, co vakakulama nakukusingimika.” Eci cikalingiwa omwo Shukulu Kalunga, naangula ngamba yendi, Njambi wakujela wa Isalele, muka-kunyunga cikulaeso cendi.

Isaya 49:7 Iomraidhean Croise

Kushangumuka 27:29

Miyati yoshe vakapwe vangamba vove, co vanu voshe vakakulemese. Ukashwane vavushoko vwove voshe, na vatekulwila va vaka-nyoko vakakulemesa. Vaje vakakusinga, navo vakasingiwe, co vaje vakakuvezikisa, vakapwe vakuvezika.”

Myaso 47:9

Vaka-kushwana miyati ya vanu vanakunguluka amo na vanu va Njambi ya Avilahama, omwo vintelo vyoshe vya asi vyakundama kuli Njambi, ikeye wakama manene.

Myaso 68:31

Vaka-kwimanena mafuti vakatunda ku Ingito, co vaka-Sundane vakajundula mavoko avo nakulombela kuli yove Njambi.

Myaso 69:19

Yove uzivuka kushauka kwange, na shwamwa yange kasingimiko, yove uzivuka vitozi vange voshe.

Isaya 14:1

Shukulu Kalunga akatetela vanu vendi va Isalele, akavaangula lalo nakuvaka mu lifuti lyavo, co vaka-kwija vakaija nakukala amo navo.

Isaya 19:21

Shukulu Kalunga akalisholola ikeye vavenya kuli vaka-Ingito, co vakamuzivuka nakumulemesa, vakamukombelela nakumulambwila. Vakalisinga cikulaeso ca cikumiiyo kuli ikeye nakulinga vije vivanakulaesa.

Isaya 19:23

Omo simbu ije iketa, kukakala tapalo yakama mukati ka Ingito na Asilya. Vaka-Ingito na vaAsilya vakalyendela, co vakalemesela amolika.

Isaya 27:13

Omo litangwa likaija, vakaimba lupembo lwakusana vaIsalele vaje vakele mu vunzinda ku Asilya na ku Ingito. Vakaija nakulemesa Shukulu Kalunga mu Yelusalema, a lilundu lyendi lyakujela.

Isaya 42:1

Shukulu Kalunga alinakwendeka ngwendi, “Kengeni ngamba yange uje injinatakamesa, uje injinaangula, muli ikeye njinavwaelela. Njikaka munzinzime wange ali ikeye, co akanena vushunga ku mafuti oshe.

Isaya 48:17

Njambi wakujela wa Isalele, Shukulu Kalunga muka-kumyamena alinakwendeka ngwendi, “Yange Kalunga Njambi yeni, uje amilongesa vyuma vyavivwa, nakumitwamenena mu ngila yaivwa muje mumunapande kuya.

Isaya 48:7

Ololo njilinakulinga cuma caciha, cije kanda uzive akulivanga. Nga vyakeleko nga wendeka ngwove wavizivukile laja vyoshe.

Isaya 49:1

Yeni mafuti a kulyala tolilileni kuli yange, yeni vanu mwakala kulyala! Omo kanda njisemuke, Shukulu Kalunga wanjangwile, co wanjimikile kupwa ngamba yendi.

Isaya 49:23

Vimyene vakapwa ngwe vaisho, na vamwene vakapwa ngwe vanyoko. Vakakutsikamena nakukusingimika, vakalikeesa mukumwesa kasingimiko kavo kuli yove. Asinoni ukazivuka ngwove kuma yange njapwa Kalunga, vaje vanjikulaela, kuvakazivi shwamwa.”

Isaya 49:26

Vaje vakakuyandesa vakalitsiya umo na mukwavo, vakapenda nakunwa maninga avo vavenya. Asinoni munu woshe akazivuka ngeci yange njapwa Kalunga, Njambi wa nzili wa Isalele, uje muka-kumyamena nakumipatula.”

Isaya 50:6

Njavatavele ngeci vanjipupe a mwongo, nakushuta munjezi wange, kunjavavindikile omo vanjishawile nakujekwila ku mesho ange.

Isaya 52:15

Oloni miyati ya vanu vavangi vakamukomoka, co vimyene kuvakasa kwendeka, vakalikomokela lika. Vakamona nakuzivisisa cuma cije kuvazivukile akulivanga.”

Isaya 53:3

Twamuyengwile nakumuvyana, wayandele nakuziva kuvavala. Naumo wai wakengele kuli ikeye, twamuyeluwisile ngwe kesi na seo.

Isaya 60:10

Shukulu Kalunga alinakwendeka ku Yelusalema ngwendi, “Yelusalema, vaka-kwija vakatungulula vivumbe vyove, co vimyene vavo vakakupangela. Njakuhisile omwo vukalu vwange, oloni ololo njikakumwesa kutetela kwange, na mema ku mbunge ange.

Isaya 60:16

Miyati ya vanu voshe na vimyene vakakunyunga ngwe cisemi alela munendi. Co ukazivuka ngeci yange, Kalunga Muka-nzili yoshe Njambi wa Isalele, njinakwamena nakukupatula.

Isaya 60:3

Miyati ya vanu vakavashwenyesa ku ceke cove, co vimyene vakavashwenyesa ku litangwa lyove lyaliha.

Isaya 66:23

A ngonde yoshe yakulivanga na a Ciwano ca Kutenama kwa Ngonde na a Litangwa Lyakuhwima, vanu va miyati yoshe vakaija nakunjilemesa muno mu Yelusalema.” Mukemwo mwanendeka Shukulu Kalunga.

Zakaliya 11:8

Kunjasimpile na vamo tunyungi vakwavo vatatu, vaje vanjizindile, co voshe njavatundisile mu ngonde imolika.

Mateo 20:28

nameme Muna Munu kezile ngeci vanu vamupangele embwe, oloni wezile mukupanga, nakwana mwonyo wendi ngeci apatule vanu vavangi.”

Mateo 26:67

Asinoni vamujekwilile mate ku mesho, co vamupupile vimbanda

Luka 22:27

Iya wakama? Uje natumbama kukulya indi uje amwana vyakulya? Ngwetu uje natumbama kukulya ikeye wakama ndi? Oloni yange njili akati keni ngwe muka-kumipangela.

Luka 23:18

Co mbunga yoshe vatambekele ngwavo, “Mutsiye! Twane Mbalambasa!”

Luka 23:23

Oloni vanu vatambeleke ngwavo Yesu vamushukike a cilindakano, co kutambeka kwavo cavahyanesele.

Luka 23:35

Co vanu vemanene kuje nakukengelela a simbu ije vantwama va vaYunda vamushendumwine ngwavo, “Wovwele vakwavo, alyovole ikeye vavenya nga ikeye Wakuvwavesa uje yanaangula Njambi!”

Yowano 18:40

Vamukumbulwile nakutambeka manene ngwavo, “Embwe, kesi ikeye! Tushaka Mbalambasa!” (Mbalambasa wapwile lipwepwe.)

Yowano 19:15

Vatambekele ngwavo, “Mutsiye! Mutsiye! Mushukike a cilindakano!” Pilato wavehwile ngwendi, “Kuma mushaka njishukike mwene yeni a cilindakano ndi?” Vakulunu va vaka-kukombelela vakumbulwile ngwavo, “Kutwesi na mwene weka lalo wai kuvanga Sezale!”

Yowano 19:6

Omo vakulunu va vaka-kukombelela na vaka-kunyunga Njuvo ya Shukulu kalunga vamumwene, vatambekele ngwavo, “Mushukike a cilindakano! Mushukike a cilindakano!” Pilato wendekele kuli vakevo ngwendi, “Mwambateni mukamushukike a cilindakano. Omo kunjawanene mulonga wakumuhisa nawo wai.”

1 Kolinte 1:9

Njambi vanapande kumukulaela, Njambi uje wamisanene ngeci mukale mu kulitombola amo na Munendi Yesu Kilistu Mwene yetu.

Kwituluka mu Mashiko 7:9

Ngecivene, zivukeni ngweni Shukulu Kalunga Njambi yeni ikeye Njambi umolika, ikeye wapwa Njambi wa kulongwa. Ikeye wanyunga cikumiiyo cendi, na cizemo cendi cije kucesi kutenguluka kuli vaje vamuzema nakunyunga mashiko endi ku visemwa 1,000.

1 Petulu 2:4

Ijeni kuli Mwene, limanya lyakuyoya lije vavyanene vanu ngwe lyangoco oloni Njambi walyangwile kupwa lya seo.

Kujombolola 11:15

Asinoni kangelo wamucitanu na vavali wembile lupembo lwendi, co kwakele majwi akama mwilu endekele ngwawo, “Nzili yakushwana kaye ololo inakundama kuli Mwene yetu na Wakuvwavesa wendi, co akashwana myaka yoshe!”

Kujombolola 3:7

“Kuli kangelo wa ku cikungulukilo ca mu Filandelufiya soneka ngwove, “Eli likelyo lijwi lyatundu kuli umo uje wakujela na vushunga. Nakwata sapi ije yakundamene kuli Ndaviti, co omo ashokolola lipito, naumo wai asa kulishoka, co omo alishoka, naumo wai asa kulishokolola.