Isaya 49:13 - Livulu lya Shukulu Kalunga

¹³ Imbeni, yeni melu, ngwe vanu, asi, tambeka nakujolela ngwe vanu! Minkinda ishangumuke kwimba ngwe vanu! Shukulu Kalunga akazembeleka vanu vendi, vanu vendi vaka-kuyanda, akavazivila mema ku mbunge.

Isaya 49:13 Iomraidhean Croise

1 Mizimbu 16:31

Melu ajolele, na asi avwaelele, lekeni vanu voshe ngeci Shukulu Kalunga ikeye Mwene.

Myaso 148:9

Mushangazaleni, yeni malundu na minkinda, miti ya vushuka na miti ya kendale,

Myaso 65:13

Mu vimbongo munashulu vimanga, na mu vyana munashulu tiliku, vyoshe vitambeka nakwimba nakujolela ngwe vanu!

Myaso 69:34

Lilu na asi, na mema a kalunga na vyoshe vilimo vishangazale Njambi ngwe vanu!

Myaso 71:21

Ukanjipwisa nji wakama manene, kutuvakana munjafwile laja, co ukanjizembeleka lalo.

Myaso 89:13

Yove u muka-nzili yakukomokesa! Nzili yove yapwa yakama!

Isaya 12:1

Litangwa lilinakwija omo vanu vakaimba ngwavo, “Njikushangazala yove Shukulu Kalunga! Yove waluvalele nange, oloni unanjizembeleka, co kuwaluvalele lalo.

Isaya 14:1

Shukulu Kalunga akatetela vanu vendi va Isalele, akavaangula lalo nakuvaka mu lifuti lyavo, co vaka-kwija vakaija nakukala amo navo.

Isaya 44:23

Tambekeni nakujolela, yeni melu! Tambekeni, yeni mitambela ya mwisi ya kaye! Tambekeni nakujolela, yeni minkinda na miti yoshe ya mu shwata! Shukulu Kalunga namwesa vukama vwendi akwamena vanu vendi va Isalele.

Isaya 48:20

Tundeni mu Mbambilone! Lisambeni omo muya. Joleleni nakutambeka ngeci vanu voshe vazive ngwavo, “Shukulu Kalunga namena Isalele ngamba yendi!”

Isaya 49:14

Oloni vanu va mu Yelusalema vendekele ngwavo, “Shukulu Kalunga natuseze! Ikeye natwivala.”

Isaya 51:12

Shukulu Kalunga nendeka ngwendi, “Yange muka-kumitakamesa. Omwo vikajo muzivila lyova munu, uje ikeye oma na kutsa ngwe mwila?

Isaya 51:3

“Njikazivila mema ku mbunge Yelusalema, na voshe vaje valinakuyoya mu ngundu yendi. Nameme lifuti lyavo linapu mambo, njikalipwisa ngwe citungu ca Endeni cije cinjakunine. Yelusalema ikajolela nakuvwaelela, ikaimba myaso yakushangazala nakukandelela kuli yange.

Isaya 52:9

Yeni vingundu vya Yelusalema, shangumukeni kwimba myaso yakujolela! Shukulu Kalunga napatula Yelusalema nganda yendi nakuzembeleka vanu vendi.

Isaya 54:7

“Njakusezele kasimbu kakandondo lika, omwo a cizemo cange cakama njikakwilwisa lalo.

Isaya 54:8

Omwo njaluvalele njakusezele kasimbu kakandondo lika, oloni njikakumwesa cizemo cange ku myaka yoshe. Ngwendi Shukulu Kalunga uje muka-kukwamena.

Isaya 55:12

Mukatunda mu Mbambilone nakujolela, vakamitwamenena mu kwoloka kutunda mu nganda. Minkinda na malundu vikaimba ngwe vanu omo mwita, na miti lalo ikatambeka nakujolela ngwe vanu.

Njelemiya 31:13

Vambanda vakakina nakuvwaelela, vanalume va vakulunu amo na vakwenje voshe vakavwaelela. Njikavazembeleka, co kulila kwavo kukapwa kujolela, na vusiwa vwavo vukapwa kuvwaelela.

Njelemiya 51:48

Asinoni lilu na asi na vyoshe vilimo vikatambeka nakujolela ngwe vanu, omo vanu vakatunda ku kunto vakawisa nakunyongesa Mbambilone.

Ezekiyele 35:14

Shukulu Kalunga wa Akamwa ya Vyoshe alinakwendeka ngwendi, “Njikakupwisa ngundu ngeci kaye koshe vakajolele akuwa kwove,

Luka 15:10

Mu ngila eyi vene, njimileka ngwange, tungelo va Njambi vakavwaelela ali muka-vuvi umo uje atenguluka.”

2 Kolinte 7:6

Oloni Njambi, uje muka-kutakamesa vaka-kuzeya, watutakamesele akwija kwa Tito.