Isaya 49:10 - Livulu lya Shukulu Kalunga

¹⁰ kuvakakala na njala nambe na lihwila. Litanya na ntwima ya mu mambo kuvikavayandesa, uje wavazema akavatwamenena ku masima a tuvwelu-vwelu.

Isaya 49:10 Iomraidhean Croise

Isaya 14:1

Shukulu Kalunga akatetela vanu vendi va Isalele, akavaangula lalo nakuvaka mu lifuti lyavo, co vaka-kwija vakaija nakukala amo navo.

Isaya 25:4

Tuutu na vaka-kujeneka vatewelele kuli yove, co vanakala mwamuvwa a simbu ya tuyando. Wavanene mwakuvandela lihunzi, na munzinze ngeci vavande ntwima ya litanya. Vaka-muuka vakalu ngwe lihunzi lya cisika,

Isaya 32:2

Umo na umo wavo akapwa ngwe mwela mwakuvanda lihunzi, na cimpaka mwakuvanda lihunzi lyakama. Vakapwa ngwe vana va vindonga vya mema mu mambo, ngwe limanya lyakama lije lyana munzinze omo kuli ntwima.

Isaya 33:16

Asinoni mukakala mwamuvwa, ngwe muli mu cimpaka cakukola. Mukakala na vyakulya na mema akunwa.

Isaya 35:6

Vilema vakajombozoka nakukina, na vaje voshe kuvasele kwendeka, vakatambeka nakujolela. Vana va vindonga vakaita mukati ka mambo,

Isaya 35:7

lishen̄avu lyakwenya likemuka lishali, co lifuti lyakuma likashula na masima a tuvwelu-vwelu. Muje mwakele vimbanje, mukamena mateve na mahongo.

Isaya 4:6

Vumpau vwa Njambi vukapwa munzinze wa nganda ngeci kesi mukale ntwima ku mutanya, nakupwisa nganda mutambela wauvwa, uje wakuvanda ku nyonzi na ku lihunzi.

Isaya 40:11

Akanyunga vutanga vwendi mwamuvwa ngwe kanyungi, akakungulwila amolika vana va vimanga, nakuvambata mu mavoko endi, co akatwamenena vainavo kamandondo-kamandondo.

Isaya 41:17

“Omo tuutu na vaka-kujeneka vashakezeka mema, oloni kuvakaawana, co a milivu yavo ominina cau na lihwila, asinoni yange Kalunga, Njambi wa Isalele njikavakwasa, kunjikavevala embwe.

Isaya 43:19

Kengeni ku vyuma vyaviha vije vinjikalinga. Vyalingiwa laja, mwasa kuvimona ololo! Njikamanga tapalo mu mambo, nakwitisamo vana va vindonga vya mema.

Isaya 48:17

Njambi wakujela wa Isalele, Shukulu Kalunga muka-kumyamena alinakwendeka ngwendi, “Yange Kalunga Njambi yeni, uje amilongesa vyuma vyavivwa, nakumitwamenena mu ngila yaivwa muje mumunapande kuya.

Isaya 48:21

Omo Shukulu Kalunga watwamenenene vanu vendi mu mambo mwakushaluka mwakuma cau, kuvakele na lihwila. Ikeye wavatuwisilile mema mu limanya. Watavwile limanya mukati, co mema atuukile.

Isaya 51:14

Vaje vanapu vinzinda ololo vakapwa vaka-kupatuka, vakayoya myaka yaingi, nakukala na vyakulya vyoshe vije vanajeneka.

Isaya 52:12

A simbu eyi kumukayi lumbisi nambe kuvomboloka embwe. Omwo Shukulu Kalunga Njambi yeni ikeye akamitwamenena, co akaminyunga ku mitambela yoshe.

Isaya 54:10

Minkinda na malundu vikazimangana, oloni cizemo cange ali yeni kucikahu, njikanyunga cikumiiyo cange cakumyana kwoloka ku myaka yoshe.” Ngwendi Shukulu Kalunga uje wakuzema.

Isaya 54:8

Omwo njaluvalele njakusezele kasimbu kakandondo lika, oloni njikakumwesa cizemo cange ku myaka yoshe. Ngwendi Shukulu Kalunga uje muka-kukwamena.

Isaya 58:11

Co simbu yoshe njikamitwamenena nakumyana vyuma vyavivwa. Njikaminyunga mwamuvwa nakumitakamesa. Mukafwa ngwe lihya lije lili na mema amangi, ngwe lisima lya mema a kavwelu-vwelu lije kulyesi kuma cau.

Isaya 65:13

Ngecivene, njimileka ngwange vaje vanjilemesa nakunjononoka, vakakala na vyakulya vyavingi na vyakunwa vyavingi, oloni mukakala na njala na lihwila. Vakavwaelela, oloni yeni mukakala na shwamwa.

Njelemiya 31:9

Vanu vange vakaija nakulila, nakulombela omo njivatwamenena mukuvelwisa. Njikavatwamenena ku vana va vindonga vya mema, mu ngila yaivwa muje kuvakasa kutanuka. Yange njapwa ishe ya Isalele, co Efalime ikeye munange wa ntwatwa.”

Ezekiyele 34:23

Asinoni njikavana kanyungi umolika, ikeye ngamba yange Ndaviti, ikeye akavanyunga, co akapwa kanyungi kavo.

Yona 4:8

Co omo litangwa lyatuukile, Njambi watumine lihunzi lya mu ngangela lyakushaluka. Ngecivene, Yona washakele kulezumuka ku ntwima ya litanya lije lyamutwililile mu mutwe wendi. Co walombelele ngeci atse kutuvakana kuyoya.

Mika 7:14

Shukulu Kalunga pwa kanyungi ka vanu vove, vanu vaje vaunaangula. Nameme vakala mwavo lika valyangunukila mu mambo, oloni kuli livu lya vwilo kuje kuvanalizengeleka. Vatave ngeci vakale mu lifuti lya mwila wauvwa lya Mbashane na Ngilyande ngwe muje muvayongwele laja.

Mateo 5:6

“Vanavezika vaje vaka-kuziva njala na lihwila vya vushunga, omwo Njambi akavakutisa!

Yowano 6:35

Yesu wavalekele ngwendi, “Yange likende lya mwonyo. Uje aija kuli yange kakakala lalo na njala, co uje akulaela kuli yange kakazivi lalo lihwila.