Isaya 48:6 - Livulu lya Shukulu Kalunga

⁶ “Vyoshe vinjendekele vinalingiwa, munapande kutava ngeci vyoshe njambulwile vinapu vya vushunga. Njikakuleka vyuma vyaviha vije vikaija, vyuma vije kunjajombolwele laja.

Isaya 48:6 Iomraidhean Croise

Myaso 107:43

Voshe vaje vaka-mana vayongole a vyuma evi, vayongole cizemo ca Shukulu Kalunga cije kucesi kutenguluka.

Myaso 119:13

Njikelukilamo kwendeka mashiko oshe, aje awunanjana yove Shukulu Kalunga.

Isaya 21:10

Vanu vange va Isalele, munayanda manene-nene, oloni ololo njimileka muzimbu wauvwa uje unatundu kuli Shukulu Kalunga Muka-nzili yoshe, Njambi wa Isalele.

Isaya 42:20

Isalele, wamono vyavingi, cooni vyalumbunuka vikajo kuli yove? Uli na matwi akuziva lalo, oloni vyuma mukajo viwunazivi?”

Isaya 42:8

“Yange lika Kalunga Njambi yeni. Kukwesi njambi weka lalo injikana vumpau vwange, nambe kutavesa vishangazala vyange kuvyana ku tumponya.

Isaya 42:9

Kenga, vyuma vyoshe vinasholoka ngeci muje njendekele ngwange vikalingiwa, co ololo njambulula vyuma vije vikalingiwa kulutwe.”

Isaya 43:19

Kengeni ku vyuma vyaviha vije vinjikalinga. Vyalingiwa laja, mwasa kuvimona ololo! Njikamanga tapalo mu mambo, nakwitisamo vana va vindonga vya mema.

Isaya 48:7

Ololo njilinakulinga cuma caciha, cije kanda uzive akulivanga. Nga vyakeleko nga wendeka ngwove wavizivukile laja vyoshe.

Njelemiya 2:31

Vanu va Isalele, tolilileni vinjendeka. Kuma yange njamisezele mu mambo, nambe kumifwika na lisusulungu ndi? Omwo vikajo mwendeka ngweni mukalinga ngwe mucamivwasela, ngweni kumukelukila lalo kuli yange?

Njelemiya 33:3

Njihule, co njikakukumbulula, nakukuleka vyuma vyakama vyakukomokesa.

Njelemiya 50:2

“Leka muzimbu ou akati ka miyati ya vanu! Co wambulule! Jundula pandelo nakuwambulula! Kesi uushweke embwe, oloni wambulule ngwove, Mbambilone vakaifungulula, njambi yendi Manduke akaziva shwamwa, akashula na lyova. Tumponya twa Mbambilone tukaziva shwamwa, tumponya twendi twa vunyengwe vakatupujula!

Amose 3:6

Kuma lupembo lwa nzita lwasa kwimba ngoco mu nganda kujeneka vanu kuziva lyova ndi? Kuma vukalu vwasa kwija ngoco mu nganda nga Shukulu Kalunga kavutumine ndi?

Mika 6:9

Cinapu cuma ca mangana kukomoka Shukulu Kalunga. Alinakutambeka ku nganda ngwendi, “Tolilileni yeni vanu vaje vanalikungulwila mu nganda!

Mateo 10:27

Evi vinjilinakumileka mu vushweke, mukavyendeka mu mbunga, co nevi mulinakuziva vyakuyeveta, vyambululeni ku lifuti lyoshe.

Yowano 15:15

Kunjimitumbula lalo vangamba embwe, omwo ngamba kazivuka vije vyalinga shukulu yendi. Oloni njimitumbula vasamba, omwo njamileka vyuma vyoshe vije vinjavizivile kuli Tate.

Vilinga vya Miluwa 1:8

Oloni omo Munzinzime Wakujela akaija ali yeni, mukashula na nzili, co mukapwa vakaleo vange mu Yelusalema na mu Yundeya na mu Samaliya mwoshe, na ku mamaneselelo a asi.”

1 Kolinte 2:9

Nameme ngoco, ngwe muvyendeka visoneka ngwavyo, “Vije naumo wai wavimwene nambe kuviziva, vije naumo wai waviyongwele ngeci vikalingiwa, vikevyo vyuuma vije vyavwaeselele Njambi vaje vamuzema.”

Kujombolola 1:19

Ngecivene, soneka vyuma vyoshe vije umona, vyoshe vyuma vije viliko ololo, na vyuma vije vikakalako kulutwe munima yevi.

Kujombolola 4:1

Munima yevi njakele na cimona cikwavo, co njamwene cikolo cakushokoloka mwilu. Co lijwi lya cililimo lyakulifwa ngwe lupembo, lijwi lije njazivile lyendekele kuli yange akulivanga, lyendekele ngwalyo, “Ija kuno kwilu, co njikakumwesa vyuma vikasholoka munima yevi.”