Isaya 48:20 - Livulu lya Shukulu Kalunga

²⁰ Tundeni mu Mbambilone! Lisambeni omo muya. Joleleni nakutambeka ngeci vanu voshe vazive ngwavo, “Shukulu Kalunga namena Isalele ngamba yendi!”

Isaya 48:20 Iomraidhean Croise

2 Samwele 7:23

Kukwesi muyati weka lalo ano asi wakufwa ngwe Isalele, uje uwapatwile mu vunzinda nakuvapwisa vanu vove. Vyuma vije vyakama na vyakukomokesa vije viwalingile vinashandola lutsimo lwove mu kaye mwoshe. Yove washekele miyati yeka na vinjambi vavo omo vanu vove vakele nakuya kulutwe, vanu vaje wapatwile ku Ingito ngeci vapwe vove.

Ezela 2:1

Vinzinda vavangi vatundile mu lifuti lya Mbambilone velukile ku Yelusalema na ku Yunda, munu na munu welukile kwimbo lyendi. Naanga yavo vakele mu vunzinda mu Mbambilone tunde aje Mwene Nevukaneza wavatwalele kuje kupwa vinzinda.

Myaso 126:1

Capwile ngwe kulota omo Shukulu Kalunga watwilwisile ku Yelusalema.

Isaya 12:1

Litangwa lilinakwija omo vanu vakaimba ngwavo, “Njikushangazala yove Shukulu Kalunga! Yove waluvalele nange, oloni unanjizembeleka, co kuwaluvalele lalo.

Isaya 12:4

Litangwa lilinakwija omo vanu vakaimba ngwavo, “Kandeleleni kuli Shukulu Kalunga! Lemeseni ikeye lika! Ambululeni vilinga vyendi akati ka vanu! Valekeni vukama vwa vumpau vwendi.

Isaya 24:14

Vaje vakasalao vakaimba nakujolela. Vaje vali mu kangombe ka yambi vakambulula vukama vwa Shukulu Kalunga,

Isaya 26:1

Litangwa lilinakwija omo vanu va mu Yunda vakaimba mwaso ou ngwavo, Nganda yetu yapwa yakukola! Njambi ikeye wanyunga vivumbe vyayo!

Isaya 42:10

Imbileni Shukulu Kalunga mwaso wauha, kaye koshe kaimbe nakumushangazala! Mushangazaleni, yeni vaka-kwenda a mema a kalunga, mushangazaleni, yeni vikashama vyoshe vya mu mema a kalunga! Mafuti aje alikulyala, na voshe vaje valimo, vaimbe.

Isaya 43:1

Isalele, Shukulu Kalunga uje wamitangele alinakwendeka ngwendi, “Kesi muzive lyova, njikamyamena. Njakusana a lizina lyove, ngeci unapu u wange.

Isaya 44:22

Njinazimangana vuvi vwove ngwe lishelwa lya kuhima. Iluka kuli yange, yange njinakwovola.”

Isaya 48:6

“Vyoshe vinjendekele vinalingiwa, munapande kutava ngeci vyoshe njambulwile vinapu vya vushunga. Njikakuleka vyuma vyaviha vije vikaija, vyuma vije kunjajombolwele laja.

Isaya 49:13

Imbeni, yeni melu, ngwe vanu, asi, tambeka nakujolela ngwe vanu! Minkinda ishangumuke kwimba ngwe vanu! Shukulu Kalunga akazembeleka vanu vendi, vanu vendi vaka-kuyanda, akavazivila mema ku mbunge.

Isaya 49:6

Shukulu Kalunga wendekele kuli yange ngwendi, “Njili na vipangi vyakama ali yove, ngamba yange. Kesi lika vipangi vyakwilwisa vanu va Isalele vaje vanasalao embwe, oloni njinakwaka ano ngeci upwe ceke ku vaka-mafuti, ngeci vaka-kaye voshe vovoke.”

Isaya 51:14

Vaje vanapu vinzinda ololo vakapwa vaka-kupatuka, vakayoya myaka yaingi, nakukala na vyakulya vyoshe vije vanajeneka.

Isaya 52:10

Shukulu Kalunga akapangesa nzili yendi yakama mukwamena vanu vendi, co vaka-kaye voshe vakamona kwamena kwa Njambi yetu.

Isaya 52:11

Tundeni mu Mbambilone, yeni voshe vaka-kwambata vivala vya mu Njuvo ya Shukulu Kalunga. Kesi mukwate cuma cakujwala, lijeleseni ngeci muye.

Isaya 52:9

Yeni vingundu vya Yelusalema, shangumukeni kwimba myaso yakujolela! Shukulu Kalunga napatula Yelusalema nganda yendi nakuzembeleka vanu vendi.

Isaya 62:11

Shukulu Kalunga alinakwendeka ku vanu voshe va mu kaye ngwendi, “Lekeni vanu va Yelusalema ngweni, Shukulu Kalunga alinakwija nakwovola nganda ya Siyone, nakwana vanu vamwo cikandelela.”

Isaya 63:9

ku tuyando twavo twoshe. Kesi kangelo embwe, oloni Shukulu Kalunga vavenya wavamenene. Mu cizemo cendi na mukutetela kwendi ngeci wavapatwile. Simbu ya kunima wakele nakuvanyunga,

Njelemiya 31:10

Shukulu Kalunga alinakwendeka ngwendi, “Yeni miyati tolilileni kuli yange, ambululeni majwi ange na ku vikuma vyakulyala. Njashandwele vanu vange, oloni njikavakungulula lalo, nakuvatwamenena ngwe kanyungi atwamenena vutanga vwendi.

Njelemiya 31:11

Njinapatula vanu va Isalele, co njinavamena ku muyati wa vanu va nzili.

Njelemiya 31:21

Aka vimweso, twa vipalo mu ngila, co wana ngila ije iwaililile. Ilukeni, yeni vanu va Isalele, ilukeni kwimbo ku vinganda vije mwasezele.

Njelemiya 50:2

“Leka muzimbu ou akati ka miyati ya vanu! Co wambulule! Jundula pandelo nakuwambulula! Kesi uushweke embwe, oloni wambulule ngwove, Mbambilone vakaifungulula, njambi yendi Manduke akaziva shwamwa, akashula na lyova. Tumponya twa Mbambilone tukaziva shwamwa, tumponya twendi twa vunyengwe vakatupujula!

Njelemiya 50:28

(Vaka-kwija vanatewe ku Mbambilone vanaija ku Yelusalema, co vanambulula omo Shukulu Kalunga Njambi yetu walingile shambandinga a vije vaMbambilone valingile ku Njuvo yendi.)

Njelemiya 50:8

“Vanu va Isalele, tundeni mu Mbambilone! Sezeni lifuti lya vaMbambilone! Pweni yeni vakulivanga kutundamo!

Njelemiya 51:45

Vanu va Isalele, teweni mutundemo! Teweseni myonyo yeni kutunda ku vukalu vwange vwakama.

Njelemiya 51:48

Asinoni lilu na asi na vyoshe vilimo vikatambeka nakujolela ngwe vanu, omo vanu vakatunda ku kunto vakawisa nakunyongesa Mbambilone.

Njelemiya 51:6

Teweni mutunde mu Mbambilone! Teweseni myonyo yeni! Kesi vamitsiye omwo vuvi vwa vaka-Mbambilone. Yange ololo njilinakulinga shambandinga, nakuvahisa ngwe mucinavapande.

Zakaliya 10:8

“Njikasana vanu vange nakuvakungulwila amolika. Njikavapatula, co njikavapwisa vavangi ngwe muvapwile laja.

Zakaliya 2:10

Shukulu Kalunga wendekele ngwendi, “Imbeni nakujolela, yeni vanu va mu Yelusalema! Njikaija nakukala akati keni!”

Kwituluka mu Mashiko 30:4

Nameme nga yeni mwashandokelele ku mafuti a kulyala, Shukulu Kalunga Njambi yeni akamikungulwila amolika nakumiilwisa lalo,

Kujombolola 18:20

“Lilu vwaelela, omwo nau! Yeni vanu va Njambi vwaeleleni, neni miluwa na vaka-kwimanena! Omwo Njambi namuhisa a vije vyalingile kuli yeni!”

Kujombolola 18:4

Co njazivile lalo lijwi likwavo lyatundile mwilu lyendekele ngwalyo, “Eni vanu vange! Tundeni kuli ikeye! Kesi mulipandakane nendi mu vuvi vwendi, kesi mukundame ku cihiso cendi!