Isaya 48:19 - Livulu lya Shukulu Kalunga

¹⁹ Nga vatekulwila veni vanatumu ngwe vinona vya lishen̄avu, co yange ngwe kunjatavele ngeci vavanyongese.”

Isaya 48:19 Iomraidhean Croise

Kushangumuka 13:16

Njikakwana vatekulwila vavangi vaje naumo wai akasa kuvalava, kuvanga kuli uje asa kulava vinona vyoshe vya livu lya ano asi!

Kushangumuka 22:17

Njikakuvezikisa nakutumisa vatekulwila vove ngwe vingongonosi vya mwilu, nambe ngwe lishen̄avu. Co vatekulwila vove vakafungulula vitozi vavo.

1 Vimyene 9:7

co njikatundisa vanu vange va Isalele ku lifuti lije njavanene. Co lalo njikatunda mu Njuvo eyi injinajelesa kupwa mwela wakunjilemesela. Co vanu voshe kuli na kuli vakajola Isalele nakuvashendumuna.

Yombi 5:25

Ukazivuka ngeci vatekulwila vove vakapwa vavangi, vana vove vakapwa vavangi ngwe mwila wa asi.

Myaso 109:13

Vatekulwila vendi voshe vatse, co lizina lyendi valivale ku visemwa vije vikaija kulutwe.

Myaso 9:5

Uhisa vaka-kujeneka kukulaela, nakunyongesa vaka-vuvi, zimangana mazina avo ku myaka yoshe.

Isaya 10:22

Nameme ngoco ololo vanu va Isalele vanatumu manene ngwe lishen̄avu lya ku cikuma ca mema a kalunga, oloni vavandondo lika vakeluka. Kunyonga vanacitulikila vanu, co mwamuvwa vene cavapande.

Isaya 14:22

Shukulu Kalunga Muka-nzili yoshe nendeka ngwendi, “Njikalwisa Mbambilone nakuyinyongesa. Nacimo cai njikasezamo, nambe vanike, naumo wai akayoyao. Yange Kalunga njinendekamo.

Isaya 44:3

“Njikaka mema mu lifuti lya mema, nakwitisa mita ya vana va vindonga vya mema mu nunda. Njikana vana vove Munzinzime wange, na vivezikiso vyange njikavyana kuli vatekulwila vove.

Isaya 44:4

Vakamena mwamuvwa ngwe mwila wakutukumwina mwamuvwa, ngwe mato aje ali ku vana va vindonga vyakwita mema.

Isaya 48:9

“Ngeci vanu vakashangazale lizina lyange, kunjikaluvala vwasi, co kunjiminyongesa.

Isaya 54:3

Ukambata mitambela ya mafuti eka, vanu vove vakeluka mu lifuti muje muli miyati yeka ololo. Vinganda vije vyapwile vingundu vikashula lalo na vanu.

Isaya 56:5

asinoni lizina lyove vakalyanuka mu Njuvo yange na akati ka vanu vange simbu yoshe kutuvakana nga wakele na vana va vanalume na ava va vanakazi. Naumo wai akakwivala.”

Isaya 66:22

“Ngwe kaye kakaha na melu amaha vikeshwala simbu yakama, ngecivene, vatekulwila vove na lizina lyove vikeshwala.

Isaya 9:14

A litangwa limolika, Shukulu Kalunga akahisa vantwama va Isalele na vanu vayo. Ikeye akavavatozola mutwe wavo na mukila wavo.

Njelemiya 33:22

Njikatumisa manene vatekulwila va ngamba yange Ndaviti nakutumisa vaka-kukombelela va ku muyati wa Levi, ngeci naumo asa kuvalava wai, vakapwa ngwe vingongonosi vya mwilu, nambe ngwe lishen̄avu lya ku cikuma ca mema a kalunga.”

Hoziya 1:10

Vanu va mu Isalele vakapwa ngwe lishen̄avu lya ku mema a kalunga, lije kuvasa kulilava nambe kuseteka. Ngecivene, ololo Njambi alinakwendeka kuli vakevo ngwendi, “Yeni kesi mu vanu vange,” oloni litangwa lilinakwija omo akendeka kuli vakevo ngwendi, “Yeni munapu vana va Njambi wakuyoya!”

Zefaniya 1:4

“Njikanyanyamesa vanu voshe va mu Yelusalema na mu Yunda. Njikanyongesa munu woshe muka-kulemesa Mbale, co naumo wai lalo akanuka vaka-kukombelela va vaka-kujeneka kukulaela vaje vamupangelele.

Loma 9:27

Co Isaya atambeka ali vaIsalele ngwendi, “Nameme vanu va Isalele vanatumu ngwe lishen̄avu lya ku kenge ya mema a kalunga, oloni vavandondo lika vakovoka,

Kwituluka mu Mashiko 9:14

Njecele ngeci njivanyongese nakuzilula lizina lyavo ano asi. Co njikakupwisa muyati wakama na nzili kutuvakana vakevo.’

Yoshwa 7:9

Omo vaKanana na vanu veka va mu lifuti vakaziva vyuma evi, co vakatuzengeleka nakutunyongesa. Cooni yove Shukulu Kalunga cuma mukajo ukalinga mukunyunga lizina lyove lyakama?”

Lute 4:10

Amo na Lute kaMowavi, fwile ya Mahelone, njimwambata oni apwe munakazi wange. Eci cikapwa kunyunga vufuko vwa naanga ya mutsi mu mavoko a vavushoko vwendi, co na naanga yendi anga vakakala akati ka vavushoko vwendi na mu nganda yendi. Co ku litangwa lya lelo yeni voshe munapu vakaleo.”