Isaya 48:17 - Livulu lya Shukulu Kalunga

¹⁷ Njambi wakujela wa Isalele, Shukulu Kalunga muka-kumyamena alinakwendeka ngwendi, “Yange Kalunga Njambi yeni, uje amilongesa vyuma vyavivwa, nakumitwamenena mu ngila yaivwa muje mumunapande kuya.

Isaya 48:17 Iomraidhean Croise

Kushangumuka 24:48

Asinoni njatsikamene nakulemesa Shukulu Kalunga. Co njashangazalele Shukulu Kalunga, Njambi ya shukulu yange Avilahama, uje nanjitwamenenene vushunga-shunga kuli vavushoko vwa shukulu yange, ngeci njawana mumbanda apwe munakazi wa muna shukulu yange.

1 Vimyene 8:36

co vatolilile omo mwilu muwakala. Sambesa vuvi vwa mwene na vwa vanu vendi va Isalele. Valongese kulinga vije vyavivwa. Cooni, Shukulu Kalunga, nyokesa nyonzi mu lifuti lyove, eli waanene kuli vanu vove kupwa vufuko vwa myaka yoshe.

Yombi 36:22

“Anuka vukama vwa nzili ya Njambi, ikeye mulongisi wakama ku vyoshe.

Myaso 25:12

Vaje vakomoka Shukulu Kalunga vakavalongesa ngila ije ivanapande kwendelamo.

Myaso 32:8

Shukulu Kalunga nendeka ngwendi, “Njikakulongesa ngila ije iwunapande kwendelamo, co njikakulongesa nakukunangula.

Myaso 71:17

Yove Njambi wanjilongesele tunde ku vwanike vwange, kweta na simbu ino njicili nakwambulula vilinga vyove vyakukomokesa.

Myaso 73:24

Yove unjitwamenena na mana ove, co akukotoka ukanjitambula na kasingimiko.

Isaya 2:3

Vanu vavangi vakendeka ngwavo, “Tulamateni a lilundu lya Shukulu Kalunga, ku Njuvo ya Shukulu Kalunga Njambi ya Yakomba, akatulongese vije ashaka ngeci tuvilinge, ngeci twende mu vingila vyendi. Omwo vilongesa vya Shukulu Kalunga vitundilila ku Yelusalema, Shukulu Kalunga akendeka ku vanu vendi kutundilila ku Siyone.”

Isaya 28:9

Valinakulinyenga ali yange ngwavo, “Iyajo yakalongesa mana? Iyajo yakalongesa majwi endi? Vilongesa vyendi vinafwila lika vanike, vaje vanashumuka ku mavele!

Isaya 30:20

Shukulu Kalunga akamiitisa mu visimbu vyavikalu, oloni ikeye vavenya akakalako mukumilongesa, co kumukamushakezeka lalo embwe.

Isaya 30:21

Nga mutengulukila ku cilyo nambe ku cimoshwe, co mukaziva lijwi lyendi ngwalyo, “Ngila eyi yenimo.”

Isaya 41:14

Shukulu Kalunga nendeka ngwendi, “Isalele nameme munapu muvavandondo, kesi muzive lyova. Yange Njambi wakujela wa Isalele, njikamyamena nakumyovola.

Isaya 43:14

Njambi wakujela wa Isalele, Shukulu Kalunga uje wamipatwile, alinakwendeka ngwendi, “Akumyamena, njikatuma nzita yakulwisa Mbambilone, njikapokozola vikolo vya nganda, co muyoyo wa vanu valimo ukatenguluka kulila.

Isaya 43:16

Ku san̄ulu Shukulu Kalunga wamangele ngila mu mema a kalunga, mema a cingungu-muta.

Isaya 45:11

Shukulu Kalunga, Njambi wakujela wa Isalele, uje muka-kuvwaesa vyuma vya kulutwe, alinakwendeka ngwendi, “Kumwapandele kunjihula ali vana vange, nambe kunjileka vinjinapande kulinga!

Isaya 48:20

Tundeni mu Mbambilone! Lisambeni omo muya. Joleleni nakutambeka ngeci vanu voshe vazive ngwavo, “Shukulu Kalunga namena Isalele ngamba yendi!”

Isaya 49:26

Vaje vakakuyandesa vakalitsiya umo na mukwavo, vakapenda nakunwa maninga avo vavenya. Asinoni munu woshe akazivuka ngeci yange njapwa Kalunga, Njambi wa nzili wa Isalele, uje muka-kumyamena nakumipatula.”

Isaya 49:7

Njambi wakujela wa Isalele na muyoyesi nendeka kuli uje uvayengula vanu, uje ivazinda vaka-mafuti, nakupwa ngamba ya vaka-kushwana ngwendi, “Vimyene vakakumona omo ukapatuka, co vakemana mukumwesa kasingimiko kavo, na vana va vimyene lalo vakacimona, co vakakulama nakukusingimika.” Eci cikalingiwa omwo Shukulu Kalunga, naangula ngamba yendi, Njambi wakujela wa Isalele, muka-kunyunga cikulaeso cendi.

Isaya 54:13

“Yange vene njikalongesa vanu vove, nakuvavezikisa na kwoloka.

Isaya 54:5

Ishamatanga wove akapwa ngwe munalume wove, ikeye Shukulu Kalunga Muka-nzili yoshe, Njambi wakujela wa Isalele, ikeye muka-kushika a kaye koshe, co akakwamena.

Isaya 54:8

Omwo njaluvalele njakusezele kasimbu kakandondo lika, oloni njikakumwesa cizemo cange ku myaka yoshe. Ngwendi Shukulu Kalunga uje muka-kukwamena.

Njelemiya 6:16

Shukulu Kalunga wendekele kuli vanu vendi ngwendi, “Imaneni a masambwa ngila mumone. Kaveni vingila vije vendele vakukulwila veni, co mukakala mu kwoloka.” Oloni vendekele ngwavo, “Embwe kutukaimo!”

Mika 4:2

co vanu vawo vakendeka ngwavo, “Tulamateni a lilundu lya Shukulu Kalunga, ku Njuvo ya Shukulu Kalunga Njambi ya Isalele. Omwo akatulongesa vije vyashaka ngeci tuvilinge, tukenda mu vitapalo vyanaangula. Omwo vilongesa vya Shukulu Kalunga vitundilila mu Yelusalema, akendeka ku vanu vendi kutundilila mu Siyone.”

Yowano 6:45

Vaka-kwimanena vasonekele ngwavo, ‘Voshe Njambi akavalongesa.’ Woshe aziva Tate nakulilongesa kuli ikeye aija kuli yange.

Efeso 4:21

Mwa vushunga yeni mwaziva laja vya ali ikeye, co akupwa vaka-kumukava vamilongesele vushunga vuje vuli muli Yesu.

Yoshwa 3:4

Vakamimwesa ngila imukaya omo kanda mucikalemo muno. Oloni kesi mushwenye kuyehi na Cikasa ca Cikumiiyo, mukashondoloka nakuseza lyaana lyakama munima yaco.”