Isaya 48:14 - Livulu lya Shukulu Kalunga

¹⁴ “Kungulukeni yeni voshe mutolilile! Kukwesi vinjambi vayongwele ngwavo munu ou injinaangula asa kulwisa Mbambilone, nakulinga vije vinjishaka ngeci avilinge.

Isaya 48:14 Iomraidhean Croise

Kushangumuka 49:1

Asinoni Yakomba wasanene vana vendi va vanalume wendekele kuli vakevo ngwendi, “Ijeni njimileke evi vikalingiwa ali yeni kulutwe.

Kushangumuka 49:2

“Ijeni mutolilile yeni vana va Yakomba, tolilileni kuli ishweni Isalele.

Isaya 13:19

Vumwene vwa Mbambilone vwapwa vwavuvwa manene na nzili kutuvakana vumwene vwoshe, vavenya vumwene valyaleselavwo. Oloni yange Kalunga, njikanyongesa Mbambilone ngwe munjanyongesele Sondoma na Ngomola!

Isaya 21:9

Kengeni, vaka-kulonda a tuvalu valinakwija! Vavali-vavali. Co muka-kunyunga watambekele ngwendi, “Mbambilone inau! Na tumponya twoshe tuje vakele nakulemesa vanashandokela mu livu.”

Isaya 41:22

Ijeni kuno, co simutwiyeni vije vikalingiwa, tulekeni vyuma vya kunima, co tukaviyongola. Tulekeni vuma vya kulutwe, ngeci tuzivuke vika vije vikalingiwa.

Isaya 43:9

Saneni miyati ya vanu vaije kuno. Iyajo wa ali vinjambi vavo asa kwendeka vyuma vya kulutwe? Iyajo umo wavo wambulwile vije vilinakulingiwa ololo? Vinjambi ava vanene vakaleo vavo, mukumwesa ngeci vanendeka vushunga, mukushulisa vushunga vwa majwi avo.

Isaya 44:28

Njendeka kuli Siluse ngwange, ‘Yove ukatwamenena vanu vange, ukalinga vije vinjinashakele kulinga, ukashika ngeci Yelusalema vaitungulule, na luvula lwa Njuvo ya Shukulu Kalunga valujale.’ ”

Isaya 44:7

Kuma kwali munu weka lalo nalingi vije vinjinalingi yange ndi? Kuma kuli umo asa kwendeka vije vyalingiwile laja? Nakwendeka lalo vije vikalingiwa kulutwe?

Isaya 45:13

Yange njinaana Siluse nzili, mukushulisa vutumbe vwange nakuvwaesa vyuma mwamuvwa. Njikolola ngila yoshe ije yakendela. Akatungulula nganda yange ya Yelusalema, nakupatula vinzinda vange. Naumo wai namukumuna nambe namwana lizika-kanwa ngeci alinge evi vyuma.” Shukulu Kalunga Muka-nzili yoshe, ikeye nendekamo.

Njelemiya 50:44

“ Yange Kalunga njikashekela vaMbambilone kulyala kutunda mu nganda yavo, ngwe ndumba atunda mu shwata yakuzika, ku ngenge ya Ndonga ya Yondau nakuya ku mwila wauvwa wakutonola mukulwisa vimanga. Co uje ntwama injinaangula akashwana muyati wa vanu. Iyajo nalifu nange? Iyajo asa kulwa nange? Muka-kushwana iyajo asa kunjiyeluwisa?

Mako 10:21

Co Yesu wamukengele na cizemo, co wendekele kuli ikye ngwendi, “Cuma cimolika cinasalako. Ya ukalandese vyoshe ulinavyo co ukaane vimbongo ku tuutu, co ukakala na vufuko mwilu, asinoni wije unjikave.”