Isaya 47:8 - Livulu lya Shukulu Kalunga

⁸ “Yove washaka vyuma vya senga, uyongola ngwove uli mwamuvwa na kwoloka. Ulinakuliyongola ngwove u wakama ngwe Njambi, ngwove kukwesi weka lalo wakulifwa nove. Wayongola ngwove nalumo lwai ukapwa u fwile, nambe kutsisa vana vove.

Isaya 47:8 Iomraidhean Croise

Isaya 14:14

Wendekele ngwove ukalonda mwilu aje asikisila mashelwa, co ukapwa ngwe Muka-nzili yoshe.

Isaya 32:11

Munakele nakuyoya mwamuvwa kujeneka kulishoshomwena, oloni ololo, jajeni na lyova! Shululeni vuzalo vweni, co zaleni vikeleya.

Isaya 32:9

Yeni vanakazi vaje valinakuyoya mwamuvwa, kumwesi nevi vyakulishoshomwena, tolilileni ku vije njilinakwendeka.

Isaya 45:18

Shukulu Kalunga ikeye watangele melu, ikeye lika Njambi! Ikeye wamungile nakutanga kaye, wakolesele kaye mbe, nakukala ku myaka yoshe. Katangele kaye ngeci kapwe ngwe mambo embwe, oloni apwe akuyoyela vanu. Ikeye nendeka ngwendi, “Yange njapwa Kalunga, kukwesi njambi weka lalo.

Isaya 45:5

“Yange Kalunga, kukwesi njambi weka lalo. Njikakwana nzili ije iwushaka, nameme kuunjizivuka.

Isaya 45:6

Njilinakulinga evi ngeci, kutunda ku shongo imo ya kaye kutwala ku shongo ikwavo, munu woshe azivuke ngeci yange njapwa Kalunga, kukwesi njambi weka lalo wai.

Isaya 47:10

“Wavandele mu vuvi vwove vavenya, wayongwele ngwove naumo wai asa kukumona. Mana ove nakuzivuka kwove vyakukwisile, wayongwele ngwove, ‘Yange Njambi, kukwesi weka lalo wakulifwa nange.’

Njelemiya 49:31

‘Ijeni tukalwise vanu ava vayongola ngwavo vali mu kwoloka! Nganda yavo kuyesi na vikolo nambe tupateso, co mwa vushunga vene kuvesi kuyinyunga.’

Njelemiya 50:11

Shukulu Kalunga alinakwendeka ngwendi, “Vanu va Mbambilone, yeni mwapukwile vanu vange. Yeni munavwaelela nakujolela, mulinakwendangana ngwe ngombe wa lwavo alinakujungula vimbuto, nambe ngwe kavalu alinakwoya,

Njelemiya 51:53

Nameme nga Mbambilone yasa kulonda mwilu, nakutungamo vimpaka vyakukola, anga njasa kutumamo vanu nakukayinyongesa. Yange Kalunga, njinendekamo.”

Ezekiyele 16:49

Sondoma na vana vendi valyalesele, omwo vakele na vyakulya vyavingi, co vayoyele mu kwoloka namukuhwima, oloni kuvakwasele tuutu na vanu vaka-kujeneka.

Ezekiyele 28:2

“Muna munu, leka muka-kushwana wa ku Tile evi vinjendeka yange Kalunga wa Akamwa ya Vyoshe ngwove, ‘Mu kulyalesa kwove ulinakwendeka ngwove u njambi. Ulinakwendeka ngwove unatumbama a litanda ngwe njambi mu mema a kalunga. Wasa kuyongola ngwove u njambi oloni yove unapu lika munu kesi u njambi nameme wayongwele ngwove u njambi.

Ezekiyele 30:9

“Omo litangwa lije lyeta, co Ingito ikanyonga, njikatuma miluwa mu mato akama mukunyangumuna vanu va ku Sundane, co vakavazivisa lyova manene. Litangwa lije lilinakwija!”

Ndanyele 11:36

“Mwene wa Silya akalinga cizango cendi. Ikeye akalishasha ngwendi napu wakama kutuvakana njambi woshe-iwoshe, co lalo ngwendi ikeye napu wakama kutuvakana Njambi wa Akamwa ya Akamwa. Akalinga eci noo simbu iketa ije Njambi akamunyanyamesa. Njambi akalinga vije vyanayongola.

Ndanyele 4:22

“Ngecivene, yove shukulu, yove unapu muti uje waulaja na nzili. Yove unapu uwakama ngeci nzili yove kuyesi naa ayahwila, vukama vwove vunete ano a kaye oshe.

Ndanyele 4:27

Ngecivene, yove shukulu, tava kunangula kwange. Likele kulinga vuvi, co linga vije vya vushunga. Zivila mema ku mbunge vaka-kuutwa. Co ukakala mwamuvwa simbu yoshe.”

Ndanyele 4:30

co wendekele ngwendi, “Kengeni vukama vwa Mbambilone! Njaitungile kupwa nganda yange yakama mukumwesa vukama vwange na nzili yange na vumpau vwange na kasingimiko kange.”

Ndanyele 4:4

“Yange Nevukaneza, njakele mwamuvwa mu lipela lyange, njajolelele nakuvwaelela manene.

Ndanyele 5:23

Walingile mwamuvi ku mesho a Shukulu Kalunga wa mwilu akunena vinganja na malonga vya mu Njuvo ya Shukulu Kalunga. Yove, na vanu vove va vulemu, na mashano vove, na mashano vove va mbanja mwanwilililemo vinyu nakushangazala tumponya vakupanga na ngolinde, na siliva, na vunengu, na vutale, na viti, na mamanya, na tumponya vaje kuvesi kumona nambe kuziva, nambe kuzivuka cuma cimo. Oloni kuwasingimikile Njambi uje wanyunga mwonyo wove na vyuma vyoshe vije viwukalingi.

Ndanyele 5:30

Co ku vutsiki vuje vene Mbeleshazale mwene wa Mbambilone, vamutsiile,

Nahumi 1:10

Yeni vaka-kupenda vakamyenyeka ngwe mambimbo akulizenga-zenga na vishati vyakuma!

Nahumi 3:4

Cikwizi Nenevayi valinakumunyanyamesa. Wapwile wamuvwa akumukenga, wakele na vyemba vyavushungu wakokweyeye miyati nakuvapwisa vindungo.

Hambakuke 1:7

Vakevo valingisa vanu kwoshe-ikwoshe kujaja na lyova, co valyalesa nakuliziva ngeci vyoshe vali na kulinga vinapu vya vushunga, co lalo valinakukava lishiko.

Zefaniya 2:15

Evi vikevyo vivakalinga ku nganda ije ya vaka-kulyalesa a nzili yavo vavenya nakuyongola ngeci valimwamuvwa. Vanu vamwo vayongola ngwavo nganda yavo yapwa yakama manene muno mu kaye koshe, oloni ikemuka ngundu, mutambela uje vakakala tusitu! Co vanu voshe vaje vakaitilamo vakalipika ku mitwe yavo mukumwesa kayengu kavo na vunyengwe vwavo a nganda ije.

2 Tesalonika 2:4

Ikeye akalwisa vyuma vyoshe vije vilitumbula ngwavyo vinjambi na cuma coshe-icoshe civakalemesa, akalyaka akamwa yavyo vyoshe. Co lalo akakovela nakutumbama mu Njuvo ya Shukulu Kalunga nakulitumbula ikeye vavenya ngwendi Njambi.

Maako 18:27

Vanalume va ku Ndani vambatele vyuma vije vyapangele Mika, co lalo vambatele muka-kukombelela wendi. Vaile nakulwisa Laishe, membo a vanu va kwoloka. Co vatsiilemo vaje vatungilemo nakwenyeka nganda.

Maako 18:7

Ngecivene, vaje vanalume vatanu vaile ku limbo lya Laishe. Co vamwene vati valinakuyoya vanu vaje vakelemo, ngwe ku cilika ca Sindone. Vapwile vanu va kwoloka nakushungama, kuvakele na vimata kuli vanu veka embwe, vakele na vyoshe vije vivashakele. Vakele nakulya vyakulya vyakutunda ku Sindone, co kuvapangele na vanu veka embwe.