Isaya 47:14 - Livulu lya Shukulu Kalunga

¹⁴ “Vanu vaje vakulaela mu vingongonosi vanapu vangoco ngwe mwila, uje wenya mu milangi ya tuhya. Aje naumo wai asa kwikao vilya.

Isaya 47:14 Iomraidhean Croise

Kutuuka 5:12

Ngecivene, vanu vaile nakushakezeka vishoni mu Ingito mwoshe kupwisa ngwe mwila.

Isaya 10:17

Njambi, ceke ca Isalele, akemuka tuhya. Njambi wakujela wa Isalele, akemuka mulangi wa tuhya, uje ukenyeka vyuma vyoshe a litangwa lyangongo, nameme mambimbo na mishwena.

Isaya 30:14

Mukatsa ngwe mwikatsi ndeo ya vuma, nakujeneka kuwanao citambi cakulawila manungu a tuhya, nambe cakutekwisa mema mu lisima.”

Isaya 33:14

Vanu vaka-vuvi vaka-Siyone valinakulijajela na lyova. Vendeka ngwavo, “Kusompa kwa Njambi kunapu ngwe tuhya tuje kutwesi kuzima. Kuma ali yetu kuli umo akasalao a tuhya twakufwa ngacije ndi?”

Isaya 40:24

Vanapu ngwe vimena vya njovolwezi, vije vilinakukola, oloni omo Shukulu Kalunga ahwiminao, co vyuma cau nakupekumuka ngwe vishwashwa.

Isaya 41:2

“Iyajo uje wanenele Siluse mwene wa Pelesha kutunda mu ngangela nakumuhyanesa kwoshe kuje aya? Iyajo alinakumwasesa ngeci afungulule vimyene na miyati ya vanu? Mukwale wendi uvapwisa ngwe likungu lyangoco. Mikili yendi ivashandola ngwe mwila ushandoka na lihunzi!

Isaya 44:16

Vitale vikwavo avwekao tuhya, ocao situ, ailya, co nakuta. Ota tuhya nakwendeka ngwendi, “Mwamuvwa manene njazivi shalu! Tuhya twapwa twatuvwa manene!”

Isaya 5:24

Ngecivene, ngwe muvikenye vishati na mwila wakuma mu tuhya, ngecivene, mizi yeni ikavola, na vishani vyeni vikominina nakupekumuka, omwo munavyana vije vyatulongesele Shukulu Kalunga Muka-nzili yoshe, Njambi wakujela wa Isalele.

Njelemiya 51:30

Mashwalale va Mbambilone vanalikela kulwa, co vanatumbama ngoco mu vimpaka vyavo. Kuvesi na nzili yakulwa, vanapu ngwe vanakazi. Vitozi valinakutavozola vikolo vya nganda nakwenyeka vinjuvo vyavo na tuhya.

Njelemiya 51:32

Citozi nafungulula mitambela kwakujavukila, co nenyeka vimpaka. Co mashwalale va Mbambilone vanalishoshomwena.

Njelemiya 51:58

Vivumbe vya Mbambilone vyakukola, vakavisiwila asi, co vikolo vya tuposhi twayo vakavyenyeka njwa. Vipangi vya miyati ya vanu vyoshe vinapu vyangoco, vyoshe vije vanapangela, vikenya na tuhya. Yange Kalunga Muka-nzili yoshe, njinendekamo.”

Ezekiyele 15:7

co njikavahisa. Vanaputumuka ku tuhya tumo, oloni tuhya tukwavo tukavenyeka njwa. Omo njikavahisa, co mukazivuka ngeci yange njapwa Kalunga.

Njwele 2:5

Omo vajombozoka akamwa ya minkinda, misindo yavo yoya ngwe matemba, cililimo cavo cinapu ngwe musindo wa tuhya twa likuna tuje twenyeka mwila wakuma. Venda mu mikana ngwe vaka-nzita vaje vanalivwaesela kulwa.

Ovandiya 1:18

Vanu va Yakomba na vanu va Yosefa, vakapwa ngwe tuhya, vakanyongesa vanu va Isau, ngwe tuhya twenyeka vishati. Naumo wai mutekulwila wa Isau akayoya. Yange Kalunga, njinendekamo.

Nahumi 1:10

Yeni vaka-kupenda vakamyenyeka ngwe mambimbo akulizenga-zenga na vishati vyakuma!

Malakiya 4:1

Shukulu Kalunga Muka-nzili yoshe alinakwendeka ngwendi, “Litangwa lilinakwija omo voshe vaka-kulyalesa na vaka-vuvi vakavenyeka ngwe vishati. A litangwa lije voshe vakenya njwa, co nacimo cai cuma cavo cikasalao.

Mateo 10:28

Kesi muzivile lyova vaje vatsiya muvila oloni kuvasa kutsiya mwonyo, oloni zivileni lyova Njambi, uje asa kunyongesa vyoshe mwonyo na muvila muje mu mbulu ya tuhya.

Mateo 16:26

Omwo nga munu afuka kaye koshe, oloni azimbalesa mwonyo wendi vika awanao? Mwa vushunga vene nacimo cai! Nacimo cai munu asa kwingisamo ngeci awane mwonyo wendi.

Kujombolola 18:21

Asinoni kangelo umo wa nzili wanonele limanya lyakama ngwe limanya lyakulolela vunga walyumbilile mu mema a kalunga, co wendekele ngwendi, “Omu mukemwo muvakombila asi nganda yakama Mbambilone, co kuvakaimono lalo.