Isaya 47:13 - Livulu lya Shukulu Kalunga

¹³ Unalijukisa yove vavenya, akwihula vaka-kulilongesa vingongonosi, na vaka-kwambulula vyuma vya kulutwe, ngeci vakunangule ngonde na ngonde. Yako ukavehule vakuleke vije vikalingiwa ali yove.

Isaya 47:13 Iomraidhean Croise

Isaya 44:25

Vaka-kutaa njivapwisa vilema, nakuvindika vimona vya vaka-makuli. Majwi a vaka-kunyanyama, njikawapwisa angoco, nakumwesa ngeci mana avo anapu vulema.

Isaya 47:15

Vuje vukevwo vuvwa vwoshe vuvakalinga kuli yove, vaje vaka-kukunangula vawakele nakwihula simbu yoshe yakuyoya kwove. Voshe vakakuseza, nakuya kwoshe kuvashaka, co naumo wai akakwamena.”

Isaya 47:9

Oloni tolilila ku vyuma evi. Litangwa lilinakwija omo vyuma evi njinendeka vikalingiwa. Manseno ove oshe apwa angoco, ukapwa u fwile, co vana vove vakatsa.

Isaya 57:10

Mulinakuliyandesa yeni vavenya nakushakezeka vinjambi veka, oloni kumwesi kujuka. Muyongola ngweni tumponya tweni vamyana nzili, ngeci kumwesi kuzeya.

Isaya 8:19

Oloni vanu vakamileka kwihula majwi kuli vaka-kulukiya na kuli vaka-kwendeka na vakulu, na vaka-kuningita. Vakendeka ngwavo, “Vanu vanapandele kwihula majwi akutunda ku minzinzime nakwihula vatsi kwimanenako vaka-kuyoya.”

Njelemiya 51:58

Vivumbe vya Mbambilone vyakukola, vakavisiwila asi, co vikolo vya tuposhi twayo vakavyenyeka njwa. Vipangi vya miyati ya vanu vyoshe vinapu vyangoco, vyoshe vije vanapangela, vikenya na tuhya. Yange Kalunga Muka-nzili yoshe, njinendekamo.”

Njelemiya 51:64

co endeka ngwove, ‘Evi vikevyo vikalingiwa ku Mbambilone, ikavombela, co nalumo lwai lalo ikatumuka, omwo a cihiso cije cakanena Shukulu Kalunga a Mbambilone.’ ” Majwi a Njelemiya anahwila ano vene.

Ezekiyele 24:12

nameme ngoco n̄alawe yoshe kuyikenye mu milangi.

Ndanyele 5:30

Co ku vutsiki vuje vene Mbeleshazale mwene wa Mbambilone, vamutsiile,

Hambakuke 2:13

Miyati ya vanu vaje mwafungulwile valipakesele ngoco vipangi vyakujeneka seo, co vyoshe vije vivatungile vinenye na tuhya. Shukulu Kalunga Muka-nzili yoshe ikeye walingile vyuma evi.