Isaya 47:11 - Livulu lya Shukulu Kalunga

¹¹ Tuyando twakama tukaija ali yove vwasi-vwasi kujeneka yove kuzivuka, co manseno ove oshe kuwakakukwasa.

Isaya 47:11 Iomraidhean Croise

Nehemiya 4:11

Vitozi vetu vayongwele ngeci kutwasa kuvamona nambe kuzivuka vije vilinakulingiwa, kuvanga noo vanaija kuli yetu, nakututsiya nakwimika vipangi vyetu.

Myaso 35:8

Oloni vakanyonga vwasi-vwasi, co vakatsa mu linimbwa lyavo vavenya! Vakawila mu mbulu nakunyonga!

Myaso 50:22

“Yeni vaka-kwivala Njambi tolilileni vyuma evi, kutewa njikaminyongesa, kukwesi weka lalo wakumyamena wai.

Myaso 55:15

Vitozi vange vatse vwasi omo kanda simbu yavo ya kutsa yete, vanapande kuya mu vukalo vwa vatsi oku vaciyoya! Nzili ya vuvi ikeyo ilinakuvapangesa.

Myaso 73:19

Vakaziva lyova lyakama, vakavanyongesa voshe njwa naumo wai akasalao.

Visimo 13:21

Tuyando tukavangeya vaka-vuvi kwoshe-ikwoshe kuvaya, oloni vaka-vushunga vakavana cikandelela ca vyuma vyavivwa.

Isaya 13:6

Lileni, nakukangoka! Litangwa lili muyehi, omo Shukulu Kalunga Muka-nzili yoshe akaija mukunyongesa.

Isaya 29:5

Yelusalema vitozi vove voshe vaje vakulwisile vakapekumuka ngwe likungu, na mbunga ya mashwalale vavo vakujujwisa vakavapekumuna ngwe vishati. Vwasi-vwasi, kuzivuka,

Isaya 30:13

Ngecivene, mulonga weni unapu ngwe civumbe cacilaja cije cili na mwanzi wakutunda kwilu nakweta kwisi, co vwasi-vwasi ciwila asi.

Isaya 37:36

Co a vutsiki vuje vene kangelo ka Shukulu Kalunga waile ku cilombo ca vaAsilya, watsiile mashwalale vakupwa 185,000. Co alikaki mutondo, vavawanene voshe vanatsi!

Isaya 45:7

Yange njitanga ceke na lisusulungu, njinena vivezikiso nakuvindama na tuyando. Yange Kalunga, muka-kulinga vyuma evi vyoshe.

Isaya 47:9

Oloni tolilila ku vyuma evi. Litangwa lilinakwija omo vyuma evi njinendeka vikalingiwa. Manseno ove oshe apwa angoco, ukapwa u fwile, co vana vove vakatsa.

Isaya 48:8

Njazivukile ngeci kumwakele cikulaeso muli yeni, simbu yoshe vamizivukile ngeci mwapwa muvaka-kutengulukila. Mukemwo kumwazivile evi, kumwazivileko nambe lijwi limo.

Isaya 57:1

Vaka-vushunga valinakuvakokangeya nakuvatsiya, oloni naumo wai ombako mbunge. Vuvi vulinakuvapekumwina kulyala.

Njelemiya 51:29

Ano asi ali na lyova nakujaja omwo Shukulu Kalunga alinakutumba vutumbe vwakwimwisa Mbambilone mambo, muje mukajeneka kukala vanu.

Njelemiya 51:43

Vinganda vinemuka cimweso ca vunyengwe, co vinapu ngwe mambo muje kumwesi mema, muje kumwesi kukala vanu, nambe kwendelamo.

Njelemiya 51:8

Vwasi-vwasi Mbambilone inau nakuyinyongesa! Yeni vaka-kwija lileni Mbambilone! Ishakezekeleni vumbanda vwa vimbandu vyayo amo yasa kukanguka.

Mbimbi 1:21

“Vanu vazivile kukemanga kwange, oloni naumo wai wanjizembelekele. Vitozi vange voshe vanavwaelela omo yove unanena tuyando ali yange. Nena vwasi litangwa lije liwakulaesele, yandesa vitozi vange ngwe munjilinakuyanda yange.

Ezekiyele 7:26

Tuyando twakama tukalikavasana, co muzimbu wauvi ukakavasana ukwavo. Mukalomba vaka-kwimanena ngeci vamijombolwela vya kulutwe. Vaka-kakukombelela cuma nacimo cai civakalongesa vanu, co vakulunu cuma nacimo cai civakanangula.

Mateo 18:34

Co uje mwene waluvalele manene, wamwakele mu kamenga kuli vaka-kuyandesa noo wafwetele makongo endi oshe.”

Luka 12:59

Mwa vushunga njikuleka ngwange, kuukatundumo kuvanga unafwete vimbongo kumanesa mulonga wove.”

Luka 17:27

Voshe valile vanwile, vashombwesele na kulyambatela, noo ku litangwa lije Nowa wakovelele mu vwato, co livazi lyezile nakuvanyongesa voshe.

1 Tesalonika 5:3

Omo vanu vendeka ngwavo, “Vyuma vyoshe vili mwamuvwa kunoloka kuluu,” asinoni vwasi-vwasi kunyonga kuvawana! Kukaija vwasi-vwasi ngwe mushongo ali munakazi ashaka kukita, co vanu kuvakasa kuputumuka.

Kujombolola 3:3

Ngecivene, anuka vije vivakulongesele na vije viwazivile, vyononoke, co tenguluka ku vivi vyove. Nga shove kwinduka, njikaija kuli yove ngwe mwizi, co kuukazivuka nameme simbu ije njikaija kuli yove.