Isaya 46:9 - Livulu lya Shukulu Kalunga

⁹ Anukeni vije vyalingiwile ku san̄ulu, taveni ngweni yange lika nji Njambi, co kukwesi weka lalo wakulifwa nange wai.

Isaya 46:9 Iomraidhean Croise

Yombi 10:13

Oloni ololo njazivuka ngeci visimbu vyoshe vije wakele na vutumbe vwa mu vushweke vwakunjivulumuna.

Myaso 111:4

Shukulu Kalunga nanukisa vanu vilinga vyendi vyakukomokesa, Shukulu Kalunga wapwa muka-ngozi na mema ku mbunge.

Kutuuka 15:11

“Yove Shukulu Kalunga, iyajo nalifu nove akati ka vinjambi? Iyajo nalifu nove, wakukomokesa kukujela? Iyajo asa kupanga vikomokeso na vilinga vya nzili ngwe yove?

Kutuuka 8:10

Mwene wakumbulwile ngwendi, “Imene vene ukanjilombelela.” Mosesa wendekele ngwendi, “Njikalinga ngwe omo yove unalombo, asinoni ukazivuka ngwove kuma kukwesi lalo njambi weka wakulifwa na Shukulu Kalunga Njambi yetu.

Kutuuka 9:14

A simbu ino njikatuma mishongo yakukomokesa ali yove, na ali vamyata vove na ali vanu vove, ngeci ukazivuka ngwove kukwesi weka lalo wakufwa ngwe yange muno mu kaye mwoshe.

Isaya 41:26

Iyajo wa ali yeni uje watulekele vin̄anda te kanda vicilingiwe, ngeci tuvizivuke? Naumo wai weni wendekele lijwi, naumo wai wamizivile mwendeka cuma!

Isaya 41:27

Yange Kalunga njapwile wakulivanga kuleka muzimbu Siyone, njatumine muluwa ku Yelusalema nakukendeka ngwendi, ‘Vanu vove valinakwija kwimbo!’

Isaya 42:9

Kenga, vyuma vyoshe vinasholoka ngeci muje njendekele ngwange vikalingiwa, co ololo njambulula vyuma vije vikalingiwa kulutwe.”

Isaya 43:10

“Vanu va Isalele, yeni munapu mu vakaleo vange, njakwangwile kupwa ngamba yange, njishaka ngeci unjizivuke nakunjikulaela, nakuzivisisa ngeci yange lika njapwa nji Njambi. Kukwesi weka lalo njambi, kukwakele njambi weka lalo wai, co kakakalako lalo.

Isaya 45:14

Shukulu Kalunga alinakwendeka kuli Isalele ngwendi, “Vufuko vwa Ingito na Sundane vukapwa vwove, na vanalume vavalaja va ku Semba vakapwa vindungo vove, vakakukavangeya oku vali mu malyenge. Vakatsikama a mavuli nakulitavela kuli yove ngwavo, ‘Njambi ali nove, ikeye lika napu Njambi.

Isaya 45:18

Shukulu Kalunga ikeye watangele melu, ikeye lika Njambi! Ikeye wamungile nakutanga kaye, wakolesele kaye mbe, nakukala ku myaka yoshe. Katangele kaye ngeci kapwe ngwe mambo embwe, oloni apwe akuyoyela vanu. Ikeye nendeka ngwendi, “Yange njapwa Kalunga, kukwesi njambi weka lalo.

Isaya 46:5

Shukulu Kalunga alinakwendeka ngwendi, ‘Iyajo nalyeseka nange? Kuma kwali weka wakulifwa nange ndi?

Isaya 48:3

Shukulu Kalunga alinakwendeka ku Isalele ngwendi, “Laja njambulwile vije vikalingiwa, cooni vinalingiwa.

Isaya 65:17

Shukulu Kalunga alinakwendeka ngwendi, “Njitanga kaye kakaha na melu amaha. Vyuma vyalaja vikahwa, co vakavivala.

Njelemiya 49:19

Njikaija kuli va Endome ngwe ndumba atunda mu shwata yakuzika, ku ngenge ya Ndonga ya Yondau nakuya ku mwila wauvwa wakutonola mukulwisa vimanga, nakuvashekela kulyala kutunda mu lifuti lyavo. Co uje ntwama injinaangula akashwana muyati wa vanu. Iyajo nalifu nange? Iyajo asa kulwa nange? Muka-kushwana iyajo asa kunjiyeluwisa?

Njelemiya 50:44

“ Yange Kalunga njikashekela vaMbambilone kulyala kutunda mu nganda yavo, ngwe ndumba atunda mu shwata yakuzika, ku ngenge ya Ndonga ya Yondau nakuya ku mwila wauvwa wakutonola mukulwisa vimanga. Co uje ntwama injinaangula akashwana muyati wa vanu. Iyajo nalifu nange? Iyajo asa kulwa nange? Muka-kushwana iyajo asa kunjiyeluwisa?

Njelemiya 6:16

Shukulu Kalunga wendekele kuli vanu vendi ngwendi, “Imaneni a masambwa ngila mumone. Kaveni vingila vije vendele vakukulwila veni, co mukakala mu kwoloka.” Oloni vendekele ngwavo, “Embwe kutukaimo!”

Njwele 2:27

Asinoni, Isalele, mukazivuka ngeci yange njili akati keni, ngeci yange Kalunga, njapwa Njambi yeni, co kukwesi weka lalo. Naumo wai akayeluwisa vanu vange lalo.

1 Kolinte 8:6

oloni kuli yetu kwali Njambi umolika, Tatetu, ikeye Ishamatanga wa vyuma vyoshe, muli ikeye mukemwo mutuli nakuyoyela, co kuli Mwene umolika, Yesu Kilistu, muli ikeye vyuma vyoshe vavitangele, co muli ikeye mukemwo mutuli nakuyoyela.

Kwituluka mu Mashiko 32:7

“Yongoleni a matangwa a kunima, ihuleni vaishweni vamileke vije vyalingiwile, ihuleni vakukulwila veni vamileke vije vyalingiwile laja.

Kwituluka mu Mashiko 33:26

“Yeni vanu va Isalele, kukwesi njambi wakulifwa na Njambi yeni, uje endekela mwilu nakumikwasa, uje enda mu vukama vwendi a mashelwa.