Isaya 46:7 - Livulu lya Shukulu Kalunga

⁷ Uje kamponya vamwambata a vitsili vyavo, vamwaka mu mutambela umo, co kemana aje vene, kukasa kutunda aje vanakaka. Nga munu alombela ku kamponya, kukasa kumukumbulula, nambe kumwamena ku tuyando.

Isaya 46:7 Iomraidhean Croise

1 Vimyene 18:26

Vanonele uje ngombe vavanenele, vamutsiile vamwakele a mutula, valombelele kuli Mbale ngeci ashwameke tuhya kushangumuka mutondo noo mukati ka mutwe. Vakinine kuzengeleka mutula, co vatambekele ngwavo, “Tukumbulule, Mbale!” Oloni Mbale kavakumbulwile.

1 Vimyene 18:29

Co vatwaleleo nakulitavozola nakuyambangela noo kuteuka kwa litangwa, oloni Mbale kavakumbulwile, nambe lijwi lyai vazivile.

1 Vimyene 18:40

Elinja washikile ngwendi, “Kwateni vaka-kwimanena va Mbale, kesi mutave nambe umo wavo atewe!” Co vanu vavakwatele voshe, Elinja wavashelumwisile ku Ndonga ya Kishone, co wavatsiile.

Isaya 37:38

A litangwa limo, omo wakele nakulemesa mu njuvo ya njambi yendi Nisoloke, vana vendi vavali va vanalume, Andalameleke na Shalezele, vamutsiile na mikwale yavo, co vatewelele ku lifuti lya Alalate. Munendi Esalehandone wamushwanene kupwa mwene.

Isaya 40:20

Munu uje kasa kuwana siliva nambe ngolinde aangula citi cije kucesi kusukuwa. Ashakezeka mutongwe ngeci a shonge kamponya kaje kukasa kuwila asi.

Isaya 41:28

Omo njakengele mukati ka vinjambi, naumo wai wakele na cuma cakwendeka, naumo wai wakumbulwile vihula vinjehwile.

Isaya 41:29

Voshe vinjambi ava vanapu vangoco, nacimo cai civasa kulinga, vanapu vakuzeya, co kuvesi na nzili.”

Isaya 41:7

Vaka-kushonga vatakamesa vaka-kufula ngolinde. Vaka-kufula vikuvo vatakamesa vaka-kutokeka vimbambo. Vendeka ngwavo, ‘Vanavitokeka mwamuvwa,’ co vapameya vyuma na vimbambo ngeci kesi vishwenye.

Isaya 44:12

Muka-kufula ambata cisempu ca vutale nakucaka a liko mukucifula. Ajundula muveto na livoko lyendi lya nzili mukupasha vutale. Oloni omo alinakupanga, aziva njala, na lihwila, nakujuka.

Isaya 45:20

Shukulu Kalunga alinakwendeka ngwendi, “Likungululeni amo, yeni vanu va mu mafuti, voshe vaje vanasalao ku miyati ijeni ngeci vamisompe! Vanu vaje valemesa tumponya twavo twa viti, co valombela kuli vinjambi vaje kuvasa kuvovola, vanu ava kuvesi na mana!

Isaya 46:1

“Awa akewo mamaneselelo a vinjambi va Mbambilone! Akulivanga valemesele Mbele na Nembo, oloni ololo vanavalondeka a vimulu, vanapu citele a myongo ya tusitu vaje vanajuka.

Isaya 47:15

Vuje vukevwo vuvwa vwoshe vuvakalinga kuli yove, vaje vaka-kukunangula vawakele nakwihula simbu yoshe yakuyoya kwove. Voshe vakakuseza, nakuya kwoshe kuvashaka, co naumo wai akakwamena.”

Njelemiya 10:5

Tumponya twa cifwa cangacije twafwa ngwe tumponya twa makwisiso twa mu lihya lya matanda, kutwasa kwendeka nambe kwenda kuvanga kutwambata. Kesi mutuzivile lyova embwe, kutwasa kumivulumuna, co lalo kutwesi na seo kuli yeni.”

Njelemiya 11:12

Asinoni vanu va mu Yunda na vanu va mu Yelusalema vakatambeka ku vinjambi vaje vavanakala nakukombelela. Oloni vinjambi vaje kuvakavamena omo vali mu vukalu.

Njelemiya 2:28

“Vali kulijo vinjambi vaje mwalishongelele? Vanapande kumyamena, omo muli mu tuyando! Yunda, yove uli na vinjambi vavangi ngwe muuli na vinganda vyavingi.

Ndanyele 3:1

Mwene Nevukaneza wapangele kamponya ka ngolinde, mu vulaja kapwile mamita makumi avali na atanu na avali, mu vwihi kapwile mamita atanu, co wakaakele mu cana ca Ndula, mu lifuti lya Mbambilone.

Yona 1:5

Co vaka-kujavula voshe vazivile lyova manene, ngeci munu na munu watambekele kuli njambi yendi. Co vombangelele vivala mu ndonga ngeci vwato vwehuke. Oloni a simbu ije, Yona nakovela laja mukati-kati ka vwato nalala mbolila.

1 Kolinte 12:2

Mwazivuka ngeci omo laja mwakele vaka-kujeneka kukulaela, vamitwamenenene nakumisevwisa mu vingila vyavingi mukulemesa tumponya kutwesi na mwonyo.

1 Samwele 5:3

Alikaki mutondo-tondo, vanu va mu Ashendonde vamwene ngeci Ndangone nawila asi navulumana kulutwe lwa Cikasa ca Cikumiiyo ca Shukulu Kalunga. Ngecivene, vamwindwile nakumwaka mu mwela muje mwakele.