Isaya 46:6 - Livulu lya Shukulu Kalunga

⁶ Vanu vafukula mu vingonga vyavo, nakwitila kuti ngolinde, vapeselesa siliva a vipeseleso. Vakumuna muka-kufula ngolinde ngeci alinge kamponya, asinoni vamukulamena nakumulemesa.

Isaya 46:6 Iomraidhean Croise

1 Vimyene 12:28

Omo Yelovowame wamanesele kuyongola evi, co wafulile vingombe vavali va ngolinde, co wendekele kuli vanu vendi ngwendi, “Simbu yoshe munakala nakuya ku Yelusalema mukulemesa. Eni vanu va Isalele, ava vakevo vinjambi veni vaje vamitundisile ku Ingito!”

Myaso 115:7

Vali na mavoko, oloni kuvasa kukwata, vali na mendi, oloni kuvasa kwenda, co lalo kuvasa kutuula lijwi.

Kutuuka 32:8

Lajoko vanaseza ngila ije njavashikile kuyikava, vakevo vanamungu ngolinde kuyipwisa muna ngombe wa nkomba, co ikeye valinakulemesa nakukombelelako vin̄ombelo. Co valinakwendeka ngwavo ikeye njambi yavo, uje wavatwamenenene nakuvatundisa mu Ingito.

Isaya 2:8

Mu lifuti mwoshe munashulu na tumponya, co valinakulemesa vyuma vije vivanapanga na mavoko avo.

Isaya 30:22

Mukambata tumponya tweni twakufwika na siliva, na tumponya tweni twakufwika na ngolinde, mukatumbila kuti ngwe mazilo, co mukatambeka ngweni, “Tundeni kuli yetu!”

Isaya 45:20

Shukulu Kalunga alinakwendeka ngwendi, “Likungululeni amo, yeni vanu va mu mafuti, voshe vaje vanasalao ku miyati ijeni ngeci vamisompe! Vanu vaje valemesa tumponya twavo twa viti, co valombela kuli vinjambi vaje kuvasa kuvovola, vanu ava kuvesi na mana!

Njelemiya 10:14

Vanu voshe vaje vaka-kufula tumponya twa ngolinde vanapu vilema, voshe vakaziva shwamwa, omwo tumponya tuje tuvakafulu tunapu twa makuli, co kuvesi na mwonyo.

Njelemiya 10:9

Tumponya twavo twakucakeya siliva ya ku Sipeini na ngolinde ya ku Ufaze, nakutuzika vinanga vyakuzivuluka nevi vya linyu vyakuvenguluka, vyakushela kuli vatongwe, twapwa vipangi vya vaka-kushonga.

Njelemiya 50:38

Lilanga liije mu lifuti lyendi lyumise vindonga vyamwo, Mbambilone lyapwa lifuti lya tumponya twakukomokesa, tuje twalingisa vanu vulema.

Ndanyele 3:1

Mwene Nevukaneza wapangele kamponya ka ngolinde, mu vulaja kapwile mamita makumi avali na atanu na avali, mu vwihi kapwile mamita atanu, co wakaakele mu cana ca Ndula, mu lifuti lya Mbambilone.

Hoziya 13:2

Oloni vacili nakutwalao kulinga vuvi, akulinga vifwa vya vutale nakuvilemesa, tumponya otu twa siliva vanatulingi na mana a vanu, na mavoko a vanu. Asinoni vendeka ngwavo, “Tukombeleleni n̄ombelo kuli vakevo!” Vatijo vanu vasa kukandelela kamponya, kamponya uje wa cifwa ca ngombe!

Vilinga vya Miluwa 17:29

“Ngecivene, omo tunapu tu vana vendi, kutwapandele kuyongola ngwetu cifwa cendi ca vuNjambi cinapu ngwe cifwa ca ngolinde nambe siliva nambe limanya lyakushonga na vutongwe na mana a munu.