Isaya 46:3 - Livulu lya Shukulu Kalunga

³ “Njitolilileni, yeni vatekulwila va Yakomba, yeni voshe mwasalao kuli vanu vange. Njinamilele tunde ku simbu ije mwasemukile.

Isaya 46:3 Iomraidhean Croise

Myaso 28:9

Shukulu Kalunga amena vanu vove, co vezikisa vaje voshe vanapu vove. Pwa kanyungi kavo, vanyunge ku myaka yoshe.

Myaso 71:6

Mukuyoya kwange kwoshe njayoyela muli yove, unanjinyungu tunde akusemuka kwange, simbu yoshe njikakushangazala!

Kutuuka 19:4

“Yeni mwamwene vije vinjalingile yange Kalunga kuli vaka-Ingito, na muje njamyambatele ngwe mwakambata ngonga vana vendi vavandondo a mambava endi, nakuminena kuli yange vavenya.

Isaya 1:9

Nga Shukulu Kalunga Muka-nzili yoshe kasezeleo vanu vamo, nga Yelusalema yoshe yanyongele, ngwe muvyanyongele vinganda vya Sondoma na Ngomola.

Isaya 10:20

Simbu ilinakwija omo va Isalele vaje vanasalao kuyoya kuvakakulaela a muyati uje wavayandesele. Oloni mwa vushunga vakakulaela lika kuli Shukulu Kalunga, Njambi wakujela wa Isalele.

Isaya 10:21

Vanu va Isalele vavandondo likae vakeluka kuli Njambi yavo Muka-nzili yoshe.

Isaya 10:22

Nameme ngoco ololo vanu va Isalele vanatumu manene ngwe lishen̄avu lya ku cikuma ca mema a kalunga, oloni vavandondo lika vakeluka. Kunyonga vanacitulikila vanu, co mwamuvwa vene cavapande.

Isaya 11:11

Omo litangwa lije likaija, Shukulu Kalunga akapangesa nzili yendi nakwilwisa vanu vendi vaje vasalele ku Asilya na ku Ingito, na ku Patelose, na ku Sundane, na ku Elame, na ku Mbambilone, na ku Hamate, na ku man̄anda ku mema a kalunga.

Isaya 37:4

Mwene wa vaAsilya natumu mwata wakama kushaula Njambi wakuyoya. Shukulu Kalunga Njambi yove azive kushaula oku nakuhisa vaje vanendekelemo. Ngecivene, lombela kuli Njambi ali vanu vetu vaje vacili nakuyoya.”

Isaya 4:3

Munu woshe uje nasalao mu Yelusalema, uje yanaangula Njambi ngeci ayoye vakamutumbula wakujela.

Isaya 44:21

Shukulu Kalunga alinakwendeka ngwendi, “Isalele, anukeni eci, njakutangele ngeci upwe u ngamba yange, co nalumo lwai lunjikakwivala.

Isaya 46:12

“ ‘Njitolilileni, yeni vanu vaka-kukaluwisa vimbunge, yeni muli kulyala nakwamena.

Isaya 48:1

Yeni vanu va Isalele tolilileni evi, yeni mwatunda kuli Yunda, yeni mukalisingi na lizina lya Shukulu Kalunga, co mulitumbula kupwa vaka-kulemesa Njambi ya Isalele, oloni kumwesi kulinga vije mwendeka.

Isaya 51:1

Shukulu Kalunga alinakwendeka ngwendi, “Tolilileni kuli yange, yeni mushaka kumyamena, yeni mwija kuli yange mukumikwasa. Yongoleni limanya kuje kumwatundile, na ku mbulu kuje kuvamiindile.

Isaya 51:7

“Tolilileni kuli yange, yeni muzivuka vije vya vushunga, yeni vanu vange munanyungu vilongesa vyange mu vimbunge vyeni. Kesi muzive lyova omo vanu vamishaula,

Isaya 63:9

ku tuyando twavo twoshe. Kesi kangelo embwe, oloni Shukulu Kalunga vavenya wavamenene. Mu cizemo cendi na mukutetela kwendi ngeci wavapatwile. Simbu ya kunima wakele nakuvanyunga,

Kwituluka mu Mashiko 1:31

na mu mambo lalo. Co munamono muje Shukulu Kalunga Njambi yeni wamyendesele mu vungenzi vweni vwoshe kweta na ku mutambela uno, ngwe muje munu mwakalele munendi.’