Isaya 45:9 - Livulu lya Shukulu Kalunga

⁹ Ngongo ya munu uje alwa na Ishamatanga yendi, munu napu citambi ca ku vitambi vyoshe vya ano asi! Kuma vuma vwasa kwihula muka-kushonga ngwavwo vika ushonga? Nambe kwendeka ngwavwo, eci ulinakushonga kucesi na mavoko?

Isaya 45:9 Iomraidhean Croise

Yombi 10:9

Anuka ngeci wanjimungile ngwe vuma, co ushaka kunjitsena nakunjiilwisila lalo ku livu ndi?

Yombi 33:13

Omwo vikajo wana mulonga Njambi, akujeneka kukumbulula kukulinyenyeta kwa munu?

Yombi 40:2

“Kuma uje muka-kuwanena vakwavo milonga asa kusompa na Muka-nzili yoshe ndi? Woshe uje ali na vimata na Njambi, mweceleni akukumbulule.”

Yombi 9:12

Ambata vije ashaka, co naumo wai amuvindika, naumo wai asimpa nakumwihula ngwendi, ‘Vikajo ulinakulinga?’

Yombi 9:4

Njambi muka-mana na nzili, munu naumo wai emana nakumulwisa.

Visimo 21:30

Mana a vunu nakunyanyama nakuzivuka, kuvikwasa nga Shukulu Kalunga nakuvyana.

Muka-kwambulula 6:10

Vyuma vyoshe vije vilingiwa lelo vavimangele laja ku san̄ulu, co yetu voshe tuzivuka ngeci munu kasa kulinga vimata na uje namutuvakana nzili.

Isaya 10:15

Oloni Shukulu Kalunga endeka ngwendi, “Kuma njaviti yasa kukala na nzili kutuvakana uje munu alinakuyipangesa ndi? Kuma saha yasa kupwa ya vulemu kutuvakana munu uje alinakuyisaesa ndi? Mulamu kuwesi kujundula munu, oloni munu ikeye akajundula mulamu.”

Isaya 29:16

Yeni mukatengulula vyuma vyoshe nakuvitwala mweka. Cuma mukajo cili na seo, muka-kushonga vuma indi vuma vukevwo vavenya? Kuma ndeo ya vuma yasa kwendeka kuli uje naishongo ngwayo, “Kesi yove wanjishongele, yove kuuzivukamo kushonga?”

Isaya 45:10

Ngongo ya mwana uje ehula visemi vendi ngwendi, “Vikajo mwanjikitilile ngeci?”

Isaya 64:7

Naumo wai ali na kukulemesa, co naumo wai alinakumwesa kulongwa kwendi kuli yove. Yove unatukengesa nima, co unatuseze ngeci vuvi vwetu vutunyongese.

Isaya 64:8

Oloni yove Shukulu Kalunga wapwa u tatetu. Yetu tunapu ngwe vuma, co yove unapu ngwe muka-kushonga. Yove watutangele,

Njelemiya 18:6

“Kuma kunjasa kulinga kuli vanu va mu Isalele vije vyanalingi muka-kushonga vindeo ndi? Yeni muli mu mavoko ange, ngwe vuma vuli mu mavoko a muka-kushonga.

Njelemiya 36:29

Shukulu Kalunga wanjilekele kwendeka kuli mwene ngwange, “Unenyeka livulu, co unehula Njelemiya ngwove omwo vikajo wasonekele ngwove mwene wa Mbambilone akaija nakunyongesa eli lifuti, nakutsiya vanu vamwo na tusitu vamwo.

Njelemiya 50:24

Mbambilone, yove wanjilwisile, ololo njinakukwata mu mweto uje njakutelelele, nameme kuwauzivukile.

Ndanyele 4:35

Akakenge a vanu va ano asi kupwa vangoco, tungelo va mwilu na vanu va ano asi vali mwisi yendi. Naumo wai asa kumuvindika nambe kwihula vije vyalinga.

1 Kolinte 10:22

Kuma tushaka kulingisa Mwene lifuwa ndi? Kuma tuyongola ngwetu tuli na nzili kutuvakana ikeye ndi?