Isaya 45:24 - Livulu lya Shukulu Kalunga

²⁴ Vakendeka ngeci muli yange lika mukemwo muli kuhyana na nzili, oloni voshe vaje vanjizinda vakaziva shwamwa.

Isaya 45:24 Iomraidhean Croise

Kushangumuka 49:10

Mulamu wa vumwene kuukatundu kuli Yunda, nambe mulamu wa muka-kushwana kuukatundu ku vatekulwila vendi, noo vavenyawo naija, miyati ya vanu vakamwononoka.

Myaso 110:2

Shukulu Kalunga akatava nzili yove kutunda ku Siyone, co ukashwana akati ka vitozi vove.

Myaso 71:16

Shukulu Kalunga Njambi, njikaya mu nzili yove yakama, njikambulula vushunga vwove lika.

Myaso 72:9

Vanu va mu mambo vakalemesa vumwene vwendi, co vitozi vendi vakalimbondinga mu livu.

Myaso 89:17

Vumpau vwove vwakama vulinakutwana nzili, omwo akutetela kwove nzili yetu ilinakuwezelelako.

Isaya 26:4

Kulaela kuli Shukulu Kalunga myaka yoshe, akatunyunga simbu yoshe.

Isaya 41:11

“Voshe vaje vanamiluvalela, vakaziva shwamwa nakukomoka. Vaje valinakumilwisa vakanyonga,

Isaya 44:8

Kesi muzive lyova vanu vange! Mwazivuka ngeci kutunda ku san̄ulu, nakweta ku visimbu vino vya ololo, njinendeka vyoshe vije vikalingiwa, co yeni munapu mu vakaleo vange! Kuma kuli njambi weka lalo ndi? Kuma kuli njambi weka lalo muka-nzili, uje kanda njizive ndi?”

Isaya 45:25

Yange Kalunga, njikapatula vatekulwila voshe va Yakomba, co vakanjishangazala.

Isaya 54:17

Oloni kukwesi citwa cikasa kukuvulumuna, ukasa kukumbulula vaje voshe vakendeka majwi a makuli ali yove. Njikemanena vangamba vange nakuvahyanesa.” Mwanendeka Shukulu Kalunga.

Isaya 55:5

Ololo mukasana miyati yeka, ije kumwazivukile akulivanga, oloni vakaija lumbisi nakulipandakana neni! Yange Kalunga, Njambi yeni, Njambi wakujela wa Isalele, njikalinga ngeci vyoshe evi vinapande kulingiwa, njikamishangazala nakumyana vumpau.”

Isaya 60:21

Vanu vove voshe vakapwa vaka-vushunga, vakashwana lifuti ku myaka yoshe. Njavakunine, nakuvatanga, ngeci vasholole vukama vwange ku vanu voshe.

Isaya 60:9

Anapu mato aje atunda ku mafuti a kulyala, ali na kwilwisa vanu va Njambi kwimbo lyavo. Valinakwiluka na siliva na ngolinde, mukusingimika lizina lya Shukulu Kalunga, Njambi wakujela wa Isalele, uje nalingisa miyati ya vanu voshe ngeci vasingimike vanu vendi.

Isaya 61:10

Yelusalema ijolela omwo vije vyanalingi Shukulu Kalunga. Shukulu Kalunga nafu ngwe shombolwa nazala vuzalo vwa vushombolwa. Njambi namwamena nakumuhyanesa.

Isaya 61:11

Mwa vushunga ngwe vimbuto vilinakumena nakukola, Shukulu Kalunga wa Akamwa ya Vyoshe akaamena vanu vendi, co miyati ya vanu voshe vakamushangazala.

Njelemiya 33:16

Vanu va mu Yunda na vanu va mu Yelusalema vakapatuka nakuyoya mwamuvwa. Co nganda ya Yelusalema vakaitumbula ‘Shukulu Kalunga Ikeye Kwamena Kwetu.’

Hambakuke 3:19

Shukulu Kalunga wa Akamwa ya Vyoshe ikeye muka-kunjana nzili. Ikeye muka-kuzambwisa mendi ange ngwe shonge, nakunjikwasa ngeci njishatuke a minkinda.

Zakaliya 10:12

Vanu vange vakapwa vaka-nzili, vakanjilemesa nakunjononoka.” Mwanendeka Shukulu Kalunga.

Zakaliya 10:6

“Vanu va mu Yunda njikavapwisa vaka-nzili, njikapatula vanu va mu Isalele. Njikavazivila ngozi, co voshe njikavelwisa kwimbo. Vakapwa ngwe vaje kunjavyanene. Yange njapwa Kalunga Njambi yavo, njikakumbulula malombelo avo.

Zakaliya 12:5

Asinoni vikota vya Yunda vakalyendekesa vakevo vavenya ngwavo, ‘Shukulu Kalunga Njambi Muka-nzili yoshe akana nzili kuli vanu vendi vaje vakala mu Yelusalema!’

Zakaliya 8:23

A matangwa aje vaka-kwija likumi vakaija kuli kaYunda umo nakwendeka ngwavo, ‘Tuya amolika nove, omwo tunazivi ngeci Njambi ali amo nove.’ ”

Luka 13:17

Kukumbulula kwendi kwazivisile vitozi vendi voshe shwamwa, co vanu voshe vajolelelele a vyuma vyakukomokesa vije vyalingile.

Luka 19:27

Ngecivene, ngwe ava vitozi vange vaje kuvashaka ngeci yange njipwe mwene yavo, vaneneni kuno nakuvatsiila ku mesho ange!’ ”

Yowano 12:32

Co omo vakanjijundula kunjitundisa ano asi, njikakokela vanu voshe kuli yange.”

Yowano 7:37

Alitangwa lyakumaneselela likelyo litangwa lyakama lya ciwano, Yesu wemanene, co wendekele na lijwi lyakama ngwendi, “Woshe ali na lihwila aije kuli yange anwe.

1 Kolinte 1:30

Oloni Njambi namyaka amo muli Kilistu Yesu, co Njambi napwisa Kilistu mana etu. Ali ikeye tunapu vaka-vushunga ku mesho a Njambi, tunapu vana va Njambi vakujela, co vanatupatula.

2 Kolinte 5:21

Kilistu kalingile vuvi, oloni Njambi wamupwisile vuvi omwo yetu, co akukala muli ikeye, vanatupwisa vaka-vushunga vwa Njambi.

Efeso 3:16

Njilomba kuli Njambi a vufuko vwa vumpau vwendi ngeci amyane nzili ali Munzinzime wendi ngeci mukale na nzili mukati ka mivila yeni,

Efeso 6:10

Akukotoka, koleseniko muli Mwene na mu nzili ya vukama vwendi.

Filipu 4:13

Njasa kulinga vyuma vyoshe a nzili ije yananjana Kilistu.

Kolose 1:11

Mupwe vaka-kukola na nzili yoshe yakutunda ku vumpau vwa nzili yendi, ngeci mukase kukakateya mu vyuma vyoshe na kusimpa.

2 Petulu 1:1

Mukanda wakutunda kuli yange Simoni Petulu, ngamba na muluwa wa Yesu Kilistu. Njilinakusoneka kuli vaje, a vushunga vwa Njambi yetu na Muyoyesi wetu Yesu Kilistu vanavana kukulaela kwa seo yakama manene ngwe yetu vene.

Kujombolola 11:18

Vaka-kujeneka kukulaela vashulile na vukalu, omwo simbu ya vukalu vwove inete, simbu yakusompa vatsi. Simbu inete yakwana cikandelela kuli vangamba vove vaka-kwimanena, na kuli vanu vove voshe, voshe vaje vakukomoka, vakama na ava vavandondo. Simbu inete yakunyongesa vaje vanyongesa kaye!”

Kujombolola 22:17

Munzinzime na Shombolwa vendeka ngwavo, “Ija!” Woshe uje aziva evi napande lalo kwendeka ngwendi, “Ija!” Woshe uje ali na lihwila aije, woshe uje ashaka, atambule mema a mwonyo a vwana.