Isaya 45:23 - Livulu lya Shukulu Kalunga

²³ Cikulaeso cange capwa ca vushunga, kucikatenguluka embwe. Njalikumiiya omwo yange njapwa munjapwa ngwange, munu woshe akaija nakutsikama ku mesho ange, co akalisinga kupwa wa kulongwa kuli yange.

Isaya 45:23 Iomraidhean Croise

Kushangumuka 31:53

Njambi ya Avilahama na Njambi ya Nahole, ikeye Njambi akasompa akati ketu.” Co Yakomba walisingile mukunyunga cikumiiyo mu lizina lya Njambi uje yalemesele ishe Isake.

Nehemiya 10:29

tunalipandakana na vantwama vetu nakulisinga cisingo mukukava Mashiko a Njambi, aje avaanene ali ngamba yendi Mosesa, nakwononoka Mashiko oshe, na vilongesa vya Shukulu Kalunga, Shukulu yetu.

Myaso 132:2

Shukulu Kalunga anuka vije vyakulaesele Ndaviti, cisingo cije calisingile nove, Njambi ya Yakomba Muka-nzili yoshe omwo ikeye Ndaviti wendekele ngwendi,

Myaso 63:11

Mwene akavwaelela muli Njambi, voshe vaje vanakulaela mu lizina lya Njambi vakajolela, oloni vaka-makuli vakoloka kuluu.

Myaso 98:2

Shukulu Kalunga nambulula kuhyana kwendi, nasholola nzili yendi yakwamena.

Isaya 21:17

Vanalume vaka-mata a lusipa va mu Kendale vakasalao lika vavandondo. Yange Kalunga Njambi ya Isalele, njinendekamo.”

Isaya 45:19

Kunjendekele mu vushweke embwe, nambe kushweka vutumbe vwange. Kunjashakele vanu va Isalele ngeci vanjishakezeke mu vingundu vyangoco embwe. Yange njapwa Kalunga, muka-kwendeka vushunga, njizivuka vyuma vije vinapu vya vushunga.”

Isaya 48:1

Yeni vanu va Isalele tolilileni evi, yeni mwatunda kuli Yunda, yeni mukalisingi na lizina lya Shukulu Kalunga, co mulitumbula kupwa vaka-kulemesa Njambi ya Isalele, oloni kumwesi kulinga vije mwendeka.

Isaya 49:18

Kenga mesho ove noku-noku umone vije vilinakulingiwa! Vanu vove valinakukunguluka, veluke kwimbo! Mwa vushunga ngwe omo njapwa Njambi wakuyoya, ukalyalesela ali vanu vove, ngwe mwakalyalesela shombolwa a vuzalo vwendi vwa seo.

Isaya 55:11

Omu mukemwo muwapwa majwi ange, majwi ange kuwakeluka kuli yange, kujeneka kulinga vije njawatumine ngeci awalinge.

Isaya 60:14

Vatekulwila va vaje vakuyandesele vakaija nakutsikama kuli yove mukumwesa kasingimiko kavo. Voshe vaje vakuyeluwisile vakatsikama kuli yove, nakwendeka ngwavo, ‘Yove Siyone nganda ya Shukulu Kalunga, Njambi wakujela wa Isalele.’

Isaya 61:11

Mwa vushunga ngwe vimbuto vilinakumena nakukola, Shukulu Kalunga wa Akamwa ya Vyoshe akaamena vanu vendi, co miyati ya vanu voshe vakamushangazala.

Isaya 62:8

Shukulu Kalunga nalingi cikulaeso, na nzili yendi ngwendi, “Vimbuto vyeni kuvikapu lalo vyakulya vya vitozi vyeni. Na vaka-kwija kuvakanu lalo vinyu veni embwe.

Isaya 65:16

Woshe uje ali mu lifuti ashaka civezikiso, vakamuvezikisa kuli Njambi wa kulongwa. Woshe uje alisinga, alisinge a lizina lya Njambi wa kulongwa. Tuyando twa kunima tukahwa, co vakatwivala.”

Njelemiya 22:5

Oloni nga kumwononoka mashiko ange, co njilisinga ngwange lipela eli likasiwuka nakunyonga. Yange Kalunga, njinendekamo.

Njelemiya 4:2

cikapwa ca vushunga kulisinga mu lizina lyange. Asinoni miyati ya vanu voshe vakanjilomba ngeci njivavezikise, co vakanjishangazala.”

Njelemiya 49:13

Yange njinalisingi ngwange nganda ya Mbozile ikemuka cimweso ca vunyengwe, nakupwa mambo, co vanu vakalishendumuna na kupwisa lizina lya nganda cisingo. Co mambweli oshe akapwa vingundu ku myaka yoshe. Yange Kalunga, njinendekamo.”

Amose 6:8

Shukulu Kalunga wa Akamwa ya Vyoshe Muka-nzili yoshe alinakunangula ngwendi, “Yange njazinda kulyalesa kwa vanu va Isalele, njiyengula vinjuvo vyavo vyakama. Co njikana nganda yavo yakama na vyuma vyoshe vilimo kuli vitozi vavo.”

Zakaliya 14:9

Asinoni Shukulu Kalunga akapwa mwene wa ano asi oshe, co munu woshe akalemesa kupwa Njambi nakumuzivuka a lizina lyendi.

Kulava 23:19

Njambi kapwile munu ngeci ikeye akwise embwe, nambe kapwile muna munu ngeci atengulule viyongola vyendi embwe. Coshe canakulaesa kuvanga acilinge, coshe endeka kuvanga cilingiwe.

Loma 11:4

Njambi wamukumbulwile vatijo? Wamukumbulwile ngwendi, “Njinatulika vanalume vakupwa 7,000 vaje kanda valemese kamponya Mbale.”

Kwituluka mu Mashiko 6:13

Mukasingimika Shukulu Kalunga Njambi yeni, nakupangela ikeye lika, nakulisinga a lizina lyendi lika.

Filipu 2:10

Ngecivene, vyuma vyoshe vili mwilu, nevi vili ano asi, nevi vili mwisi ya kaye, vikatsikama a mavuli, mukwana kalemeso lizina lya Yesu,