Isaya 45:21 - Livulu lya Shukulu Kalunga

²¹ Ambululeni vin̄anda vyeni ku mbanja, vaje vashaka kulyamena valihule umo na mukwavo. Iya wambulwile vyuma vya ku san̄ulu ngeci vikalingiwe? Kuma kesi yange Kalunga, Njambi muka-kwamena vanu vendi ndi? Kukwesi njambi weka lalo wai.

Isaya 45:21 Iomraidhean Croise

Myaso 26:7

Njikaimba mwaso wa cikandelela, nakwambulula vilinga vyove vyakukomokesa.

Myaso 83:18

Vazivuke ngeci yove lika wapwa Shukulu Kalunga, muka-kushwana kaye koshe!

Myaso 96:10

Endekeni kuli vanu voshe ngweni, “Shukulu Kalunga ikeye mwene! Kaye anga vakemikilile mu mwela wako kukesi kushwenya embwe, ikeye akasompa vanu voshe mu vushunga.”

Isaya 19:20

Vyuma evi vikapwa vimweso kuli vanu va mu Ingito ngeci Shukulu Kalunga Muka-nzili yoshe ali amo navo. Omo vanu vaIngito vakakala mu vukalu, co vakatambeka kuli Shukulu Kalunga ngeci avakwase, co ikeye akatuma umo mukuvapatula ku vitozi vavo.

Isaya 41:26

Iyajo wa ali yeni uje watulekele vin̄anda te kanda vicilingiwe, ngeci tuvizivuke? Naumo wai weni wendekele lijwi, naumo wai wamizivile mwendeka cuma!

Isaya 43:11

“Yange lika njapwa Kalunga, uje asa kumyamena.

Isaya 43:3

Yange njapwa Kalunga Njambi yeni, Njambi wakujela wa Isalele, uje amyovola. Njikecela Ingito ngeci vamikule, Sundane na Semba ngeci vamiinge.

Isaya 43:9

Saneni miyati ya vanu vaije kuno. Iyajo wa ali vinjambi vavo asa kwendeka vyuma vya kulutwe? Iyajo umo wavo wambulwile vije vilinakulingiwa ololo? Vinjambi ava vanene vakaleo vavo, mukumwesa ngeci vanendeka vushunga, mukushulisa vushunga vwa majwi avo.

Isaya 45:14

Shukulu Kalunga alinakwendeka kuli Isalele ngwendi, “Vufuko vwa Ingito na Sundane vukapwa vwove, na vanalume vavalaja va ku Semba vakapwa vindungo vove, vakakukavangeya oku vali mu malyenge. Vakatsikama a mavuli nakulitavela kuli yove ngwavo, ‘Njambi ali nove, ikeye lika napu Njambi.

Isaya 45:18

Shukulu Kalunga ikeye watangele melu, ikeye lika Njambi! Ikeye wamungile nakutanga kaye, wakolesele kaye mbe, nakukala ku myaka yoshe. Katangele kaye ngeci kapwe ngwe mambo embwe, oloni apwe akuyoyela vanu. Ikeye nendeka ngwendi, “Yange njapwa Kalunga, kukwesi njambi weka lalo.

Isaya 45:25

Yange Kalunga, njikapatula vatekulwila voshe va Yakomba, co vakanjishangazala.

Isaya 45:5

“Yange Kalunga, kukwesi njambi weka lalo. Njikakwana nzili ije iwushaka, nameme kuunjizivuka.

Isaya 48:14

“Kungulukeni yeni voshe mutolilile! Kukwesi vinjambi vayongwele ngwavo munu ou injinaangula asa kulwisa Mbambilone, nakulinga vije vinjishaka ngeci avilinge.

Isaya 48:3

Shukulu Kalunga alinakwendeka ku Isalele ngwendi, “Laja njambulwile vije vikalingiwa, cooni vinalingiwa.

Isaya 60:16

Miyati ya vanu voshe na vimyene vakakunyunga ngwe cisemi alela munendi. Co ukazivuka ngeci yange, Kalunga Muka-nzili yoshe Njambi wa Isalele, njinakwamena nakukupatula.

Isaya 63:1

“Iyajo ou alinakwija atunda ku nganda ya Mbozile mu Endome nazala vuzalo vwavuvwa manene vwakuvenga? Ou alinakuya kulutwe na nzili?” “Ikeye Shukulu Kalunga, uje ali na nzili yakwamena, alinakwija mukwambulula kuhyana kwendi.”

Njelemiya 50:2

“Leka muzimbu ou akati ka miyati ya vanu! Co wambulule! Jundula pandelo nakuwambulula! Kesi uushweke embwe, oloni wambulule ngwove, Mbambilone vakaifungulula, njambi yendi Manduke akaziva shwamwa, akashula na lyova. Tumponya twa Mbambilone tukaziva shwamwa, tumponya twendi twa vunyengwe vakatupujula!

Hoziya 13:4

Shukulu Kalunga alinakwendeka ngwendi, “Yange Kalunga Njambi yeni, uje wamitundisile mu Ingito. Kesi mukakale lalo na Njambi weka kuvanga ange lika. Yange lika njapwa muyoyesi weni.

Zefaniya 3:17

Shukulu Kalunga Njambi yeni ali amo neni, nzili yendi ikamihyanesa. Shukulu Kalunga akavwaelela neni, co akamyana mwonyo wauha omwo ikeye wamizema! Akaimba nakujolela ali yeni,

Zefaniya 3:5

Oloni Shukulu Kalunga anga acili mu nganda, co akalingi vije vya vushunga, co kesi kulinga vije vyavivi embwe. A mutondo na mutondo kesi kwonwa mukunena vushunga kuli vanu vendi. Oloni vaka- vushunga anga vacili nakulinga vuvi kuvesi na shwamwa.

Zakaliya 14:7

nambe lisusulungu, likapwa litangwa lya ceke nameme ku simbu ya vutsiki. Vavenya Shukulu Kalunga ikeye lika azivuka litangwa eli.

Zakaliya 14:9

Asinoni Shukulu Kalunga akapwa mwene wa ano asi oshe, co munu woshe akalemesa kupwa Njambi nakumuzivuka a lizina lyendi.

Zakaliya 9:9

Joleleni, joleleni, yeni vanu va mu Siyone! Tambekeni nakujolela, yeni vanu va mu Yelusalema! Kengeni, mwene yeni alinakwija kuli yeni! Aija mu vumpau nakuhyana, oloni wa kulikeesa nalondo a cimulu, a muna cimulu, wamundondo.

Vilinga vya Miluwa 15:18

Mukemwo mwalinakwendeka Shukulu Kalunga, uje washolwele vyuma evi ku san̄ulu.’ ”