Isaya 45:18 - Livulu lya Shukulu Kalunga

¹⁸ Shukulu Kalunga ikeye watangele melu, ikeye lika Njambi! Ikeye wamungile nakutanga kaye, wakolesele kaye mbe, nakukala ku myaka yoshe. Katangele kaye ngeci kapwe ngwe mambo embwe, oloni apwe akuyoyela vanu. Ikeye nendeka ngwendi, “Yange njapwa Kalunga, kukwesi njambi weka lalo.

Isaya 45:18 Iomraidhean Croise

Kushangumuka 1:1

Akulivanga Njambi watangele lilu na kaye.

Kushangumuka 1:2

Kaye kakele kangoco kamupulungwa. Lisusulungu lyafwikile vyuma vyoshe vyakele mu nzinga, oloni Munzinzime wa Njambi wakele nakutengenya akamwa ya mema.

Kushangumuka 1:26

Asinoni Njambi wendekele ngwendi, “Ololo oni tutangeni munu wakulifwa netu na mu cifwa cetu. Ngeci vakakale na moko yakushwana visi, na tuzila, na tusitu voshe, na vimuna vakama na ava vavandondo na ava vakulikoka.”

Kushangumuka 1:28

Wavavezikisile nakwendeka ngwendi, “Kiteni, ngeci vatekulwila veni vakatume ano asi oshe, co mukakala na moko yakushwana visi va mu mema a kalunga, na tuzila, na tusitu voshe.”

Kushangumuka 9:1

Njambi wavezikisile Nowa na vana vendi, co wendekele ngwendi, “Kiteni nakutuma, ngeci vatekulwila veni vakashule ano asi oshe.

Myaso 115:16

Lilu lya melu lyapwa lya Shukulu Kalunga, oloni kaye wakaanene ku vanu.

Visimo 30:4

Iyajo wazivuka mana a mwilu? Iyajo wakwatele lihunzi mu livoko lyendi? Nambe kuzengela mema mu vuzalo vwendi? Nambe kutwa vinginga vya kaye? Nga kwali munu wangacije njilekeni lizina lyendi. Njilekeni lalo na lizina lya munendi.

Isaya 42:5

Njambi watangele melu nakuwajangumuna, ikeye wajalele kaye na vyoshe vije vilimo, ikeye mukakwana mwonyo kuli vanu voshe va mu kaye. Co ololo Shukulu Kalunga Njambi nendeka kuli ngamba yendi ngwendi,

Isaya 44:24

“Yange Kalunga, muyoyesi weni, yange uje wamitangele, yange Kalunga, Ishamatanga wa vyuma vyoshe. Ange lika njajangumwine melu, omo njajalele kaye, naumo wai wanjikwaseleko.

Isaya 45:12

Yange njatangele kaye, nakutanga munu ngeci ayoyeleo. Njajangumwine melu na nzili yange, yange muka-kushika litangwa, na ngonde, na vingongonosi.

Isaya 48:13

Njatangele kaye na mavoko ange, nakujangumuna lilu. Lilu na kaye vyononoka kushika kwange kwoshe.

Isaya 51:13

Kuma munevala Shukulu Kalunga uje wamitangele, uje wajangumwine melu, nakujala luvula lwa asi ndi? Omwo vikajo mukela na lyova lya vaje vamiluvalela nakumishaula simbu yoshe, vaje vashaka kuminyongesa? Vukalu vwavo kuvwasa kuminyongesa embwe.

Njelemiya 10:12

Shukulu Kalunga watangele kaye na nzili yendi, watangele kaye na mana endi, co wajangumwine melu.

Njelemiya 51:15

Shukulu Kalunga watangele kaye na nzili yendi, watangele kaye na mana endi, co wajangumwine melu.