Isaya 45:14 - Livulu lya Shukulu Kalunga

¹⁴ Shukulu Kalunga alinakwendeka kuli Isalele ngwendi, “Vufuko vwa Ingito na Sundane vukapwa vwove, na vanalume vavalaja va ku Semba vakapwa vindungo vove, vakakukavangeya oku vali mu malyenge. Vakatsikama a mavuli nakulitavela kuli yove ngwavo, ‘Njambi ali nove, ikeye lika napu Njambi.

Isaya 45:14 Iomraidhean Croise

Kushangumuka 27:29

Miyati yoshe vakapwe vangamba vove, co vanu voshe vakakulemese. Ukashwane vavushoko vwove voshe, na vatekulwila va vaka-nyoko vakakulemesa. Vaje vakakusinga, navo vakasingiwe, co vaje vakakuvezikisa, vakapwe vakuvezika.”

2 Samwele 21:20

Co lalo kwakele nzita ikwavo ku Ngate, kwakele likisi-kisi wazemene manene kulwa, wakele na milavo itanu na umo ku livoko limo na limo, na milavo itanu na umo ku cilyato cimo na cimo.

Esita 8:17

Co mu vinganda vyoshe na mu lifuti lyoshe, kuje kuvalavele lishiko lya mwene, vaYunda valingile ciwano cakuhwima nakulikela kulya nakuvwaelela. Co mu ngila eyi, vanu vavangi veka vemukile kupwa vaYunda, omwo vakele na lyova ali vakevo.

Yombi 1:15

Co ngecomu vaSavene vatulwisile nakwiva vimuna voshe. Co vangamba vove voshe vanavatsii kuvanga ange lika njinaputumukao ngeci njinaija nakukuleka.”

Yombi 11:19

Kuukatewe vitozi vove embwe, vanu vavangi vakakulomba ngeci uvakwase.

Myaso 149:6

Valisambe nakutambeka manene omo vashangazala Njambi, amo na mikwale yavo yakuvambuka mu mavoko avo,

Myaso 149:8

kukuta vimyene vavo na malyenge, na vantwama vavo lalo na malyenge,

Kutuuka 11:8

Mosesa wendekele lalo ngwendi, “Vamyata vove voshe vakaija kuli yange nakunjitsikamena, co vakanjilomba ngeci njiye na vanu vange voshe. Co munima yevi, njikaya.” Asinoni Mosesa waluvalele manene, co watundile kuli mwene.

Isaya 10:33

Shukulu Kalunga Muka-nzili yoshe akavawisila asi ngwe minango yakushaja ku muti. Co vaka-kulyalesa na vaka-kulijundula vakevo vavenya vakavashinjila asi nakuvazivisa shwamwa.

Isaya 18:1

Musambwa ya vindonga vya Sundane, kuli lifuti tulinakuziva cilumo ca mambava.

Isaya 18:7

Simbu ilinakwija omo Shukulu Kalunga Muka-nzili yoshe akatambula milambu yakutunda ku lifuti lije lya kushango ya vindonga, ku muyati uje wa nzili na muuka, ku vanu vaje vavalaja va cikonde cakuseneta, vanu vaje vavatewa mu kaye mwoshe. Vakaija ku Munkinda wa Siyone, kuje kuvakalemesela Shukulu Kalunga Muka-nzili yoshe.

Isaya 19:21

Shukulu Kalunga akalisholola ikeye vavenya kuli vaka-Ingito, co vakamuzivuka nakumulemesa, vakamukombelela nakumulambwila. Vakalisinga cikulaeso ca cikumiiyo kuli ikeye nakulinga vije vivanakulaesa.

Isaya 19:22

Omo Shukulu Kalunga namanesa kunyanyamesa vaka-Ingito, co vakatengulukila kuli ikeye. Akaziva malombelo avo, nakuvakangwisa.

Isaya 23:18

Vimbongo vyakawana akulandulula vakavikundika kuli Shukulu Kalunga. Kuvakavitulikila mu nganda embwe, oloni vaje vaka-kulemesa Shukulu Kalunga vakapangesa vimbongo evi mukulanda vyakulya na vuzalo.

Isaya 43:3

Yange njapwa Kalunga Njambi yeni, Njambi wakujela wa Isalele, uje amyovola. Njikecela Ingito ngeci vamikule, Sundane na Semba ngeci vamiinge.

Isaya 44:8

Kesi muzive lyova vanu vange! Mwazivuka ngeci kutunda ku san̄ulu, nakweta ku visimbu vino vya ololo, njinendeka vyoshe vije vikalingiwa, co yeni munapu mu vakaleo vange! Kuma kuli njambi weka lalo ndi? Kuma kuli njambi weka lalo muka-nzili, uje kanda njizive ndi?”

Isaya 45:24

Vakendeka ngeci muli yange lika mukemwo muli kuhyana na nzili, oloni voshe vaje vanjizinda vakaziva shwamwa.

Isaya 49:23

Vimyene vakapwa ngwe vaisho, na vamwene vakapwa ngwe vanyoko. Vakakutsikamena nakukusingimika, vakalikeesa mukumwesa kasingimiko kavo kuli yove. Asinoni ukazivuka ngwove kuma yange njapwa Kalunga, vaje vanjikulaela, kuvakazivi shwamwa.”

Isaya 54:3

Ukambata mitambela ya mafuti eka, vanu vove vakeluka mu lifuti muje muli miyati yeka ololo. Vinganda vije vyapwile vingundu vikashula lalo na vanu.

Isaya 55:5

Ololo mukasana miyati yeka, ije kumwazivukile akulivanga, oloni vakaija lumbisi nakulipandakana neni! Yange Kalunga, Njambi yeni, Njambi wakujela wa Isalele, njikalinga ngeci vyoshe evi vinapande kulingiwa, njikamishangazala nakumyana vumpau.”

Isaya 60:3

Miyati ya vanu vakavashwenyesa ku ceke cove, co vimyene vakavashwenyesa ku litangwa lyove lyaliha.

Isaya 61:9

Vakatsimana akati ka miyati ya vanu, munu woshe uje akavamona akavazivuka ngeci vanapu vanu vaje vanjinavezikisa.”

Njelemiya 16:19

Yove Shukulu Kalunga, u muka-kunjinyunga nakunjana nzili, u muka-kunjikwasa a visimbu vya tuyando. Miyati vakaija kuli yove kutunda ku shongo ya kaye nakwendeka ngwavo, “Vakukulwila vetu vakele lika na vinjambi va makuli, tumponya twakujeneka seo.

Ezekiyele 23:42

Co vazivile muyoyo wa mbunga ya vanu vavangi vakele kuje, yapwile mbunga ya vanalume vaje vatundile mu mambo. Vazikile vaje vanakazi makai ku mavoko avo na vilongo vyavivwa ku mitwe yavo.

Ezekiyele 31:3

Yove unalifu ngwe muti wa kendale wa ku Lembanone, uli na minango na munzinze wauvwa. Muti waulaja manene unete na ku mashelwa.

Njwele 3:8

Co njikakundika vana veni va vanalume na ava va vanakazi ku mavoko a vanu va mu Yunda, co vakevo vakavalandesela kulyala kuli vaSavene. Yange Kalunga, njinendekamo.

Kulava 13:32

Ngecivene, vashandwele vukaleo vwavuvi vwa makuli akati ka vanu va Isalele a lifuti lije livakanengele. Co vakevo vendekele ngwavo, “Lifuti lije litunakanengele kulyesi na vwilo vwakumenesa vyakulya vyakuyoyesa vaje vatungamo. Vanu voshe twakawanene muje vapwa vakutunuka lika.

1 Kolinte 14:25

viyongola vyavo vyakushweka vikasholoka akujela, co vakatsikama a mavuli nakulemesa Njambi nakulitavela ngwavo, “Mwa vushunga Njambi ali neni kuno!”

1 Tesalonika 1:9

Vanu voshe valinakwendeka vati yeni mwatutambwile omo twezile nakumimona, co lalo vati mwatengulukile kutunda ku tumponya nakwija kuli Njambi, nakupangela Njambi wa vushunga wakuyoya,

Kujombolola 3:9

Tolilila! Ngwe ku munga ije yakundama kuli Satana, vaka-makuli vaje valitumbula vakevo vavenya ngwavo vanapu vaYunda oloni kesi vakevo embwe, njikavalingisa ngeci vakaije kuli yove nakukulama ku myanja yove. Voshe vakazivuka ngeci kuma njakuzema.