Isaya 45:13 - Livulu lya Shukulu Kalunga

¹³ Yange njinaana Siluse nzili, mukushulisa vutumbe vwange nakuvwaesa vyuma mwamuvwa. Njikolola ngila yoshe ije yakendela. Akatungulula nganda yange ya Yelusalema, nakupatula vinzinda vange. Naumo wai namukumuna nambe namwana lizika-kanwa ngeci alinge evi vyuma.” Shukulu Kalunga Muka-nzili yoshe, ikeye nendekamo.

Isaya 45:13 Iomraidhean Croise

Ezela 1:3

Ngecivene, ololo, yeni voshe vaje munapu vanu va Njambi, yeniko, co Shukulu Kalunga Njambi ya Isalele, Njambi uje ivalemesa mu Yelusalema akale amo neni.

Myaso 65:5

Yove ukatukumbulula nakutuhyanesa, unalingi vyuma vyakukomokesa mukutwamena. Vanu voshe vali ano asi, nameme vali kulyala ku mema a kalunga vanakulaela kuli yove.

Visimo 3:6

Simbu yoshe tava Shukulu Kalunga ngeci akutwamenene, co akakumwesa vingila vya vushunga.

Isaya 13:17

“Njilinakushangumuna vaMende kulwisa Mbambilone, VaMende vaje kuvesi kuvalanda na siliva, nambe na ngolinde.

Isaya 14:17

Kuma ou ikeye uje munalume wanyongesele vinganda nakutengulula kaye kupwa vimambo ndi? Kuma ou ikeye uje munalume katavele kwecela vinzinda vendi ngeci vaye ku membo avo ndi?

Isaya 41:2

“Iyajo uje wanenele Siluse mwene wa Pelesha kutunda mu ngangela nakumuhyanesa kwoshe kuje aya? Iyajo alinakumwasesa ngeci afungulule vimyene na miyati ya vanu? Mukwale wendi uvapwisa ngwe likungu lyangoco. Mikili yendi ivashandola ngwe mwila ushandoka na lihunzi!

Isaya 41:25

“Njinaangula mwene uje ukatunda mu ngangela, njikamunena kuno ngeci akulwile ku kunto. Akalyatangela ali vaka-kushwana ngwe lindova, ngwe muka-kushonga alyatangela a vuma.

Isaya 42:6

“Yange Kalunga njinakusana nakukwana nzili, nakumona ngeci vushunga vulinakulingiwa ano asi. Muli yove njikalinga cikumiiyo na miyati yoshe, muli yove njikasholola ceke ku mafuti.

Isaya 44:28

Njendeka kuli Siluse ngwange, ‘Yove ukatwamenena vanu vange, ukalinga vije vinjinashakele kulinga, ukashika ngeci Yelusalema vaitungulule, na luvula lwa Njuvo ya Shukulu Kalunga valujale.’ ”

Isaya 45:2

“Yange vene njikavwaesa ngila yove, njikalambesa minkinda na malundu, njikapokozola vikolo vya vunengu nakutsena mikambo yavyo ya vikuvo.

Isaya 46:11

Njinasana munu kutunda mu ngangela, akukukwavula ngwe kambembe, co akamanesa vije vinjayongwele. Njinendeka, co vikalingiwa.

Isaya 49:25

Shukulu Kalunga akumbulula ngwendi, “Eci cikeco cikasholoka. Vanu va nzili vakavanyeka vinzinda vavo, na vufuko vwa munu wa muuka vakavwambata. Njikalwisa woshe uje akakulwisa, co njikapatula vana vove.

Isaya 52:5

Ngecivene, ololo cuma cimo lalo cinasholoka mu Mbambilone, munapu mu vinzinda, co nacimo cai vamilandele naco. Co vaje vamishwanene vatambekele, co vashawile lizina lyange.

Mika 4:10

Yeni vanu va mu Yelusalema ziveni mushongo nakulinyenga ngwe munakazi ali a funga, co ololo mukaseza nganda nakukakala mushandangala yangoco. Mukaya ku Mbambilone, oloni kuje Shukulu Kalunga akamyamena ku vitozi veni.