Isaya 44:8 - Livulu lya Shukulu Kalunga

⁸ Kesi muzive lyova vanu vange! Mwazivuka ngeci kutunda ku san̄ulu, nakweta ku visimbu vino vya ololo, njinendeka vyoshe vije vikalingiwa, co yeni munapu mu vakaleo vange! Kuma kuli njambi weka lalo ndi? Kuma kuli njambi weka lalo muka-nzili, uje kanda njizive ndi?”

Isaya 44:8 Iomraidhean Croise

Kushangumuka 46:3

Co wendekele ngwendi, “Yange njapwa Njambi, Njambi ya isho. Kesi uzive lyova lyakuya ku Ingito, omwo kuje njikatumisa vatekulwila vove kupwa muyati wakama.

Kushangumuka 48:19

Oloni ishe wavyanene, wendekele ngwendi, “Njizivuka munange, yange njazivuka. Vatekulwila va Manase lalo vakakala na vanu vavangi. Oloni ndolome yendi wa mwanike akapwa wakama kumuhyana, co vatekulwila vendi vakapwa muyati wakama.”

2 Samwele 22:32

Shukulu Kalunga endi lika ikeye Njambi. Njambi endi lika ikeye cimpaka cetu.

Ezela 1:2

“Eli likelyo lishiko lya Siluse, mwene wa Pelesha. Shukulu Kalunga, Njambi wa Mwilu, ikeye nanjipwisa muka-kushwana kaye koshe, co nanjana moko yakumutungila Njuvo mu Yelusalema mu Yunda.

Ezela 8:22

Njakele na shwamwa yakulomba kuli mwene mbunga ya mashwalale ngeci vatunyunge ku vitozi mu vungenzi vwetu, omwo njamulekele ngwange Njambi yetu avezikisa munu woshe uje amukulaela, oloni akaluvala nakuhisa munu woshe uje amukengesa nima.

Myaso 18:31

Shukulu Kalunga endi lika ikeye Njambi, Njambi endi lika ikeye cimpaka cetu.

Myaso 18:32

Ikeye Njambi muka-kunjana nzili, uje avwaesa ngila yange kupwa yakujela.

Myaso 86:10

Yove uwakama, co ukalingi vyuma vyakukomokesa omwo yove lika u Njambi.

Isaya 17:10

Isalele, munevala Njambi uje wamipatwile nakuminyunga, ikeye limanya lya nzili. Oloni mukuna mahya akujela ngeci mulemese njambi weka.

Isaya 26:4

Kulaela kuli Shukulu Kalunga myaka yoshe, akatunyunga simbu yoshe.

Isaya 30:29

Oloni yeni, vanu va Njambi, mukavwaelela nakwimba ngwe mumukalingi ku vutsiki vwa ciwano cakujela. Mukavwaelela ngwe vaje vaya na vimbendo mu ngila yavo yakuya ku Njuvo ya Shukulu Kalunga, muka-kwamena wa Isalele.

Isaya 41:23

Shololeni ngeci yeni mu vinjambi, akupwisa vyuma vije munendeka kupwa vya vushunga. Lingeniko cuma cimo cacivwa, nameme cacivi, ngeci yetu tuzive lyova nakulikomokela!

Isaya 42:9

Kenga, vyuma vyoshe vinasholoka ngeci muje njendekele ngwange vikalingiwa, co ololo njambulula vyuma vije vikalingiwa kulutwe.”

Isaya 43:10

“Vanu va Isalele, yeni munapu mu vakaleo vange, njakwangwile kupwa ngamba yange, njishaka ngeci unjizivuke nakunjikulaela, nakuzivisisa ngeci yange lika njapwa nji Njambi. Kukwesi weka lalo njambi, kukwakele njambi weka lalo wai, co kakakalako lalo.

Isaya 43:11

“Yange lika njapwa Kalunga, uje asa kumyamena.

Isaya 43:12

Njamikulaesele ngwange njimyamena, co njanyungile cikulaeso cange. Kukwesi njambi weka lalo nalingi cuma eci, yeni munapu mu vakaleo vange.

Isaya 43:9

Saneni miyati ya vanu vaije kuno. Iyajo wa ali vinjambi vavo asa kwendeka vyuma vya kulutwe? Iyajo umo wavo wambulwile vije vilinakulingiwa ololo? Vinjambi ava vanene vakaleo vavo, mukumwesa ngeci vanendeka vushunga, mukushulisa vushunga vwa majwi avo.

Isaya 44:2

Yange Kalunga uje wamitangele, tunde a simbu ije mwasemukile, njinamikwasa. Kesi uzive lyova, yove unapu ngamba yange, vanu vange vakwangula vaje vanjazema.

Isaya 44:6

Shukulu Kalunga, Muka-nzili yoshe uje washwana nakunyunga Isalele, alinakwendeka ngwendi, “Yange wakulivanga na mamaneselelo, yange ange lika nji Njambi, kukwesi njambi weka lalo wai, kuvanga yange lika.

Isaya 45:19

Kunjendekele mu vushweke embwe, nambe kushweka vutumbe vwange. Kunjashakele vanu va Isalele ngeci vanjishakezeke mu vingundu vyangoco embwe. Yange njapwa Kalunga, muka-kwendeka vushunga, njizivuka vyuma vije vinapu vya vushunga.”

Isaya 46:9

Anukeni vije vyalingiwile ku san̄ulu, taveni ngweni yange lika nji Njambi, co kukwesi weka lalo wakulifwa nange wai.

Isaya 48:3

Shukulu Kalunga alinakwendeka ku Isalele ngwendi, “Laja njambulwile vije vikalingiwa, cooni vinalingiwa.

Isaya 48:5

Ngecivene, njamilekele vyuma evi, simbu kanda vilingiwe, kutewa mwendeka ngweni, tumponya tweni vamukalemesa, vakevo valingile vyuma evi.

Njelemiya 10:7

Iyajo kasa kukusingimika, yove mwene wa miyati yoshe? Yove wafwila kasingimiko. Kukwesi weka wakulifwa nove akati ka miyati yoshe ya vaka-mana, nambe akati ka vimyene vavo.

Ndanyele 2:28

Oloni kwali Njambi lika uje ali mwilu, uje asa kujombolola mahungu. Njozi iwalotele yapwile yakukunangula yove shukulu vyuma vije vikalingiwa kulutwe. Ngecivene, ololo njikuleka njozi yove, na cimona cije ciwamwene omo walalele.

Ndanyele 2:47

Mwene wendekele ngwendi, “Njambi yove wapwa wakama manene kutuvakana vinjambi voshe, ikeye wapwa Shukulu wa akamwa ya vimyene voshe, ikeye akajombolola mahungu. Njazivuka cuma eci omwo unasa kulumbununa lihungu eli.”

Ndanyele 4:25

Vakakusheka kukutundisa kuli vanu, co ukakala amo na tusitu. Ukalya mwila ngwe ngombe, nakulala anja, co ukajula na lime myaka itanu na ivali. Asinoni ukazivuka ngwove Njambi wa Akamwa ya Akamwa ali na nzili a vumwene vwoshe vwa vanu, co asa kwana vumwene kuli woshe uje yashaka.

Ndanyele 6:22

Njambi yange ikeye natumine kangelo kendi kushoka tunwa twa vindumba ngeci kuvasele kunjivulumuna. Ikeye nalingi eci omwo nazivuka ngeci kunjesi na mulonga ku mesho endi, co lalo kunjaviisile cuma cimo kuli yove shukulu.”

Njwele 2:27

Asinoni, Isalele, mukazivuka ngeci yange njili akati keni, ngeci yange Kalunga, njapwa Njambi yeni, co kukwesi weka lalo. Naumo wai akayeluwisa vanu vange lalo.

Yowano 1:1

Akulivanga kwakele Lijwi, co Lijwi lyakele amo na Njambi, co Lijwi lyapwile Njambi.

Yowano 10:30

Tate nange twapwa umolika.”

Yowano 6:10

Yesu wavalekele ngwendi, “Lekeni vanu vatumbame asi.” (Kuje kwakele mwila waungi manene.) Ngecivene, vanu voshe vatumbamene asi, vapwile vanalume 5,000.

Vilinga vya Miluwa 1:8

Oloni omo Munzinzime Wakujela akaija ali yeni, mukashula na nzili, co mukapwa vakaleo vange mu Yelusalema na mu Yundeya na mu Samaliya mwoshe, na ku mamaneselelo a asi.”

Vilinga vya Miluwa 14:15

“Omwo vikajo mulinakulinga cuma eci? Netu tunapu tu vanu ngeci mweni! Tulikuno mukwambulula Vin̄anda Vyavivwa, mukumitengulula ku vyuma vyangoco ngeci mwije kuli Njambi wakuyoya, uje watangele lilu na asi na mema a kalunga na vyoshe vilimo.

Kwituluka mu Mashiko 32:31

Vitozi vavo vazivukile ngeci vinjambi vavo vapwa vakuzeya, kuvesi na nzili ngwe Njambi ya Isalele.

Kwituluka mu Mashiko 32:39

“ ‘Yange, yange lika, njapwa Njambi, kukwesi njambi weka lalo wa vushunga wai. Njikatsii, co njana mwonyo, njikavetwesa, co njikangwisa, naumo wai asa kupopolola vije vinjinalingi.

Kwituluka mu Mashiko 32:4

“Shukulu Kalunga ikeye cimpaka ceni ca nzili wakulambasa na kwoloka mu vingila vyendi vyoshe. Njambi yeni wapwa wa kulongwa na vushunga, akalingi mwamuvwa nakushungama.

Kwituluka mu Mashiko 4:35

“Shukulu Kalunga washolwele evi kuli yeni ngeci muzivuke ngweni Shukulu Kalunga ikeye Njambi, kukwesi weka lalo wai.

Kwituluka mu Mashiko 4:39

“Ngecivene, anukeni litangwa lya lelo nakulinyunga mu vimbunge vyeni, ngweni Shukulu Kalunga ikeye wapwa Njambi wa mwilu na ano asi. Co kukwesi njambi weka lalo wai.

VaHevelu 12:1

Ngecivene, omwo tuli na mbunga ya vakaleo vavangi vanatuzengeleka. Tutuleni vyuma vyoshe vije vinatulemena, na vuvi vuje vunakakateya ali yetu mbe, co tushatukeni lumbisi na lukakateya seteko ije vanaka kulutwe lwetu.

1 Yowano 1:2

Omo mwonyo ou washolokele, twaumwene, ngecivene, tulinakuwendeka nakumileka vya mwonyo wa myaka yoshe uje wakele amo na Tate, co vatushololwelewo.

1 Samwele 2:2

“Kukwesi umo wakujela wakulifwa ngwe Shukulu Kalunga, wai wakulifwa Nendi, kukwesi muka-kunyunga wakulifwa ngwe Njambi yetu.