Isaya 44:6 - Livulu lya Shukulu Kalunga

⁶ Shukulu Kalunga, Muka-nzili yoshe uje washwana nakunyunga Isalele, alinakwendeka ngwendi, “Yange wakulivanga na mamaneselelo, yange ange lika nji Njambi, kukwesi njambi weka lalo wai, kuvanga yange lika.

Isaya 44:6 Iomraidhean Croise

Myaso 86:10

Yove uwakama, co ukalingi vyuma vyakukomokesa omwo yove lika u Njambi.

Isaya 33:22

Shukulu Kalunga wapwa lyaako lyetu na mwene yetu, akatunyungu mwamuvwa.

Isaya 37:16

“Shukulu Kalunga Muka-nzili yoshe, Njambi ya Isalele, yove watumbama akamwa ya vakelumbi va mambava, yove lika wapwa Njambi, yove washwana vumwene vwoshe vwa mu kaye. Yove watangele kaye na lilu.

Isaya 37:20

Ololo, Shukulu Kalunga Njambi yetu, twamene ku mavoko a vaAsilya, ngeci miyati yoshe ya mu kaye vakazivuke ngeci yove lika Shukulu Kalunga wapwa Njambi.”

Isaya 40:18

Iyajo alyeseka na Njambi? Cifwa mukajo mukamusetekesa naco?

Isaya 41:14

Shukulu Kalunga nendeka ngwendi, “Isalele nameme munapu muvavandondo, kesi muzive lyova. Yange Njambi wakujela wa Isalele, njikamyamena nakumyovola.

Isaya 41:21

Shukulu Kalunga, mwene wa Isalele, alinakwendeka ngwendi, “Yeni vinjambi va vaka-mafuti, ambululeni vin̄anda vyeni. Shololeni vukaleo vwavuvwa vumulinavwo!

Isaya 41:4

Iyajo akalingisa vyuma evi? Iyajo akendesa vyuma tunde ku san̄ulu? Yange Shukulu Kalunga, njakeleko avushangumukilo, co lalo njikakalako a mamaneselelo.

Isaya 42:8

“Yange lika Kalunga Njambi yeni. Kukwesi njambi weka lalo injikana vumpau vwange, nambe kutavesa vishangazala vyange kuvyana ku tumponya.

Isaya 43:1

Isalele, Shukulu Kalunga uje wamitangele alinakwendeka ngwendi, “Kesi muzive lyova, njikamyamena. Njakusana a lizina lyove, ngeci unapu u wange.

Isaya 43:9

Saneni miyati ya vanu vaije kuno. Iyajo wa ali vinjambi vavo asa kwendeka vyuma vya kulutwe? Iyajo umo wavo wambulwile vije vilinakulingiwa ololo? Vinjambi ava vanene vakaleo vavo, mukumwesa ngeci vanendeka vushunga, mukushulisa vushunga vwa majwi avo.

Isaya 44:24

“Yange Kalunga, muyoyesi weni, yange uje wamitangele, yange Kalunga, Ishamatanga wa vyuma vyoshe. Ange lika njajangumwine melu, omo njajalele kaye, naumo wai wanjikwaseleko.

Isaya 44:8

Kesi muzive lyova vanu vange! Mwazivuka ngeci kutunda ku san̄ulu, nakweta ku visimbu vino vya ololo, njinendeka vyoshe vije vikalingiwa, co yeni munapu mu vakaleo vange! Kuma kuli njambi weka lalo ndi? Kuma kuli njambi weka lalo muka-nzili, uje kanda njizive ndi?”

Isaya 48:12

Shukulu Kalunga alinakwendeka ngwendi, “Njitolilileni, yeni vaIsalele, vanu vaje vanjinasana! Yange njapwa Njambi, wakulivanga na mamaneselelo, Njambi umolika!

Isaya 48:17

Njambi wakujela wa Isalele, Shukulu Kalunga muka-kumyamena alinakwendeka ngwendi, “Yange Kalunga Njambi yeni, uje amilongesa vyuma vyavivwa, nakumitwamenena mu ngila yaivwa muje mumunapande kuya.

Isaya 54:5

Ishamatanga wove akapwa ngwe munalume wove, ikeye Shukulu Kalunga Muka-nzili yoshe, Njambi wakujela wa Isalele, ikeye muka-kushika a kaye koshe, co akakwamena.

Isaya 59:20

Shukulu Kalunga alinakwendeka kuli vanu vendi ngwendi, “Njikaija ku Yelusalema, nakumimanena nakumyamena yeni voshe vaje vanatenguluka ku vuvi vweni.

Isaya 63:16

Yove wapwa u tatetu. Vakukulwila vetu Avilahama na Yakomba vonwele kutukwasa, oloni yove Shukulu Kalunga unapu u tatetu, uje muka-kutwamena ku visimbu vyoshe.

Njelemiya 10:1

Yeni vanu va Isalele, tolilileni majwi amileka Shukulu Kalunga.

Njelemiya 50:34

Oloni uje akavapatula ali na nzili, lizina lyendi ikeye Shukulu Kalunga Muka-nzili yoshe. Ikeye akasompa vyavo, akanena kwoloka ano asi, oloni tuyando kuli vanu va Mbambilone.”

Malakiya 1:14

Cisingo cikale ali muka-makuli uje akombelela cimuna uje kesi na seo kuli yange, omo ali na cimuna wamuvwa mu vutanga vwendi uje yanalisingile kunjanaye! Omwo yange njapwa nji mwene wakama, co vanu vaka-mafuti oshe vanjikomoka.”

Mateo 25:34

Asinoni mwene akendeka kuli vaje vali ku livoko lyendi lya cilyo ngwendi, ‘Ijeni, yeni vaanavezikisa Tate! Shwaneni vumwene vuje vamivwaeselele tunde kukutanga kwa kaye.

Mateo 27:37

Co vasonekele mukanda wa majwi aje vamuhisile nawo, vawakele akamwa ya mutwe wendi ngwavo, “Ou ikeye Yesu Mwene ya vaYunda.”

Kwituluka mu Mashiko 32:39

“ ‘Yange, yange lika, njapwa Njambi, kukwesi njambi weka lalo wa vushunga wai. Njikatsii, co njana mwonyo, njikavetwesa, co njikangwisa, naumo wai asa kupopolola vije vinjinalingi.

Kwituluka mu Mashiko 4:35

“Shukulu Kalunga washolwele evi kuli yeni ngeci muzivuke ngweni Shukulu Kalunga ikeye Njambi, kukwesi weka lalo wai.

Kwituluka mu Mashiko 4:39

“Ngecivene, anukeni litangwa lya lelo nakulinyunga mu vimbunge vyeni, ngweni Shukulu Kalunga ikeye wapwa Njambi wa mwilu na ano asi. Co kukwesi njambi weka lalo wai.

Kwituluka mu Mashiko 6:4

“Tolilileni yeni vaIsalele! Shukulu Kalunga ikeye lika Shukulu Kalunga Njambi yetu.

1 Timateo 3:16

Naumo wai asa kuvyana a vukama vwa cisin̄iko ca vu Njambi vwetu! Uje washolokele mu cifwa ca vunu, Munzinzime wamusholwele kupwa wa vushunga, na tungelo vamumwene. Vamwambulwile akati ka miyati, vamukulaelele mu kaye mwoshe, co vamutwalele mwilu.

Kujombolola 1:11

Lyendekele ngwalyo, “Soneka vyoshe vije umona, co tuma livulu ku vikungulukilo evi vili mu vinganda vitanu na vivali, Efeso na Simina na Pelengamu na Tiyatila na Salendisiya na Filandelufiya na Laondisiya.”

Kujombolola 1:8

“Yange wakulivanga na muka-kukotokela,” mwanendeka Shukulu Kalunga Njambi Muka-nzili yoshe, uje aliko na uje wakeleko na uje akaija.

Kujombolola 2:8

“Kuli kangelo wa ku cikungulukilo ca mu Simina soneka ngwove, “Eli likelyo lijwi lyatundu kuli uje wakulivanga nakukotokela, uje watsile, co lalo wayoyele.

Kujombolola 22:13

Yange wakulivanga na muka-kukotokela, vushangumukilo na mamaneselelo.”