Isaya 44:26 - Livulu lya Shukulu Kalunga

²⁶ Oloni omo ngamba yange endeka vya vuka-kwimanena, omo njituma muluwa mukujombolola matumbe ange, njitumba matumbe na vuka-kwimanena ngeci vipwe vya vushunga. Njileka Yelusalema ngwange vanu vakatungamo lalo, na vinganda vya Yunda vakavitungulula lalo. Vinganda evi vikasholoka mu vingundu.

Isaya 44:26 Iomraidhean Croise

2 Vimyene 7:16

Co vanu va mu Samaliya vashatukile, vakapukwile cilombo ca vaSilya. Ngwe muje vene mwendekele Shukulu Kalunga ngwendi makilo atatu a vunga vwa tiliku vwakuseneta, nambe makilo atanu na imo a mbale ya maumwa vakavilandesa na livundungulu limo lya siliva.

2 Vimyene 7:18

Elisha walekele mwene ngwendi a simbu ije vene imene, makilo atatu a vunga vwa tiliku vwakuseneta, nambe makilo atanu na imo a mbale ya maumwa vakavilandesa mu Samaliya na livundungulu limo lya siliva,

2 Vimyene 7:20

Co cuma eci calingiwile kuli ikeye, vamulyatangelele vanu ku cikolo ca nganda, co watsile.

Ezela 2:70

Co vaka-kukombelela, na vaLevi, na vanu vamo vatungile muyehi na Yelusalema, na vaka-kwimba, na vaka-kunyunga ku Njuvo ya Shukulu Kalunga, na vaka-kupanga ku Njuvo ya Shukulu Kalunga vatungile mu vinganda vya kuyehi, co vungi vwa vaIsalele vatungile mu vinganda muje muvakele vakukulwila vavo.

Nehemiya 1:3

Co vanjilekele ngwavo vaje vasaleleo kuvaile ku vunzinda, vali mu lifuti lyavo, vali mu vukalu vwakama na shwamwa. Co vanjilekele ngwavo vivumbe vya Yelusalema anga vyawililile, na vikolo lalo kuvavivwaesele, tunde a simbu ije vavyenyekele.

Nehemiya 2:3

co njamukumbulwile ngwange, “Shukulu yoya ku myaka yoshe! Vikajo njijenekela kuviilila omwo ku nganda kuje kuvatsinda vakukulwila vange kunapu ku ngundu, co na vikolo vyayo vavyenyeka na tuhya?”

Myaso 102:17

Akatolilila nakukumbulula malombelo a vanu vaje vakele nakuyanda.

Myaso 147:2

Shukulu Kalunga atungulula Yelusalema, elwisa vanu va mu Isalele ku vunzinda.

Myaso 69:35

Omwo Njambi akamena Siyone, nakutungulula vinganda vya Yunda, co vangamba vendi vakakala muje, co lifuti likapwa vushwana vwavo,

Myaso 69:36

vatekulwila va vangamba vendi, vakashwana muje, co voshe vaje vazema Njambi vakakala kuje.

Muka-kwambulula 3:3

kuli simbu yakutsiya, na simbu yakwindula, kuli simbu yakusiwula, na simbu yakutunga.

Isaya 40:9

Yelusalema, lamata a munkinda waulaja, ambulula vin̄anda vyavivwa! Siyone, tambeka na lijwi lyakama, ambulula vin̄anda vyavivwa! Ambulula, kesi uzive lyova. Leka membo a Yunda ngwove, Njambi yeni ali kuno!

Isaya 42:19

Kwali umo kapuputwa natuvakana ngamba yange? Nambe kasinda-matwi uje natuvakana muluwa wange injatumu?

Isaya 42:9

Kenga, vyuma vyoshe vinasholoka ngeci muje njendekele ngwange vikalingiwa, co ololo njambulula vyuma vije vikalingiwa kulutwe.”

Isaya 49:8

Shukulu Kalunga alinakwendeka kuli vanu vendi ngwendi, “Omo simbu yakumyamena yeta, njikakumbulula malombelo eni nakumimwesa ngozi yange, njikamikongweya nakuminyunga, co muli yeni njikalinga cikumiiyo na vanu voshe. Co njikamitava mutunge lalo mu lifuti lyeni lije ololo linapu ngundu.

Isaya 52:9

Yeni vingundu vya Yelusalema, shangumukeni kwimba myaso yakujolela! Shukulu Kalunga napatula Yelusalema nganda yendi nakuzembeleka vanu vendi.

Isaya 54:3

Ukambata mitambela ya mafuti eka, vanu vove vakeluka mu lifuti muje muli miyati yeka ololo. Vinganda vije vyapwile vingundu vikashula lalo na vanu.

Isaya 55:11

Omu mukemwo muwapwa majwi ange, majwi ange kuwakeluka kuli yange, kujeneka kulinga vije njawatumine ngeci awalinge.

Isaya 58:12

Vanu veni vakatungulula vingundu vyalaja. Vanu vakamizivuka ngwavo yeni mwatungulula vivumbe vije vyasiwukile, munendula vinjuvo vije vyasiwukile.”

Isaya 60:10

Shukulu Kalunga alinakwendeka ku Yelusalema ngwendi, “Yelusalema, vaka-kwija vakatungulula vivumbe vyove, co vimyene vavo vakakupangela. Njakuhisile omwo vukalu vwange, oloni ololo njikakumwesa kutetela kwange, na mema ku mbunge ange.

Isaya 61:4

Vakatungulula vinganda vije vyapwile vingundu.

Njelemiya 1:10

Ku litangwa lya lelo njilinakukutuma na nzili kukendeka ku mafuti oshe na ku vumwene vwoshe kutukula nakusiwula, kunyongesa nakuwisa, kutunga nakukuna.”

Njelemiya 28:9

Oloni muka-kwimanena uje ambulula vuka-kwimanena vwa kwoloka, nga majwi aje ambulula anasholoka, co vakamutumbula ngwavo mwa vushunga Shukulu Kalunga ikeye namutumu.”

Njelemiya 30:18

Shukulu Kalunga alinakwendeka ngwendi, “Njikelwisila vanu vange mu lifuti lyavo, co njikazivila mema ku mbunge naanga na naanga, vakatungulula Yelusalema, co lipela lya mwene vakaliilwisila mu mutambela walyo walaja.

Njelemiya 31:4

Co lalo njikakala neni, co lalo mukambata tumbulumbumba tweni nakukina nakujolela manene.

Njelemiya 32:15

Shukulu Kalunga Muka-nzili yoshe, Njambi ya Isalele, nendeka ngwendi vinjuvo, na mahya, na mikolovozi ya vushuka vwa vinyu, vakavilanda lalo mu lifuti lino.”

Njelemiya 32:44

Vanu vakalanda, co vakasoneka vukaleo vwa vikumiiyo, nakuvisatesa. Evi vakavilingila mu mutambela wa lifuti lya Mbenjemani, mu membo akuzengeleka ku Yelusalema, mu vinganda vya mu Yunda, na mu vinganda vya mu lifuti lya malundu, na mu membo a mu lifuti lya ku vushelumukilo vwa malundu, na mu mbwela ya mutambela wa lifuti lya Yunda. Co njikelwisila vanu mu lifuti lyavo. Yange Kalunga, njinendekamo.”

Njelemiya 33:7

Njikatumisa manene Yunda na Isalele, co njikavatungulula lalo ngwe muvakele laja.

Ezekiyele 36:10

Vanu veni vakatuma. Mukayoya mu vinganda nakutungulula vyuma vyoshe vije vyanyongele.

Ezekiyele 38:17

Yove vene uje njatumbwile ku san̄ulu, omo njambulwile muli vangamba vange vaka-kwimanena va mu Isalele, ngwange ku matangwa aje akaija kulutwe, njikanena munu umo akulwise Isalele.” Munjinendeka yange Kalunga wa Akamwa ya Vyoshe.

Ndanyele 9:12

Yove walingile vije wendekele ngwove ukavilinga kuli yetu na kuli vaka-kushwana vetu. Wanyanyamesele manene Yelusalema kutuvakana vinganda vyoshe vya ano asi,

Ndanyele 9:25

Zivuka eci nakucizivisisa. Kutunda a simbu vaanene lishiko lyakutungulula Yelusalema, noo ntwama uje wakwangula kuli Njambi naija, kukaita visimbu vitanu na vivali vya myaka itanu na ivali. Yelusalema vakaitungulula na vitapalo na vimpaka vyakukola, co ikakalako visimbu vitanu na vivali vya myaka makumi atanu na limo na myaka ivali, oloni ikapwa simbu ya tuyando.

Amose 9:14

Njikelwisa vanu vange ku lifuti lyavo. Vakatungulula vinganda vyavo vije vyasiwukile, co vakakalamo, vakakuna vitungu vya mikolovozi ya vushuka vwa vinyu, nakunwa vinyu, vakalima vitungu nakulya vije vanalimimo.

Hangai 1:13

Asinoni Hangai walekele vanu majwi a Shukulu Kalunga ngwendi, “Njikakala amo neni, eci cikeco cikulaeso cange.”

Zakaliya 1:17

Co kangelo wanjilekele lalo kwambulula ngwange, “Shukulu Kalunga Muka-nzili yoshe nendeka ngwendi vinganda vyendi vikashula na vivezikiso lalo, co akakwasa Siyone nakupwisa Yelusalema nganda yendi vavenya.”

Zakaliya 1:6

Ali vangamba vange vaka-kwimanena njanene vakukulwila veni mashiko nakunangula, oloni vawayengwile, co vakele mu luvinda omwo kujeneka kwononoka kwavo. Asinoni vatengulukile nakuzivuka ngwavo yange, Kalunga Muka-nzili yoshe, njavanyanyamesele ngwe mucavapandele kwesekesa na muje munjayongwele ngwange njikalingamo.’ ”

Zakaliya 12:6

“A simbu ije vikota vya Yunda njikavapwisa ngwe tuhya twa mu shwata nambe ngwe tuhya twa mu lihya lya vimbuto vyakuhya, vakanyongesa miyati yoshe ya vanu vaje vanalyata navo. Co vanu va mu Yelusalema vakakala mu kwoloka mu nganda.

Zakaliya 2:4

Co uje kangelo wakulivanga wendekele kuli uje mukwavo ngwendi, “Shatuka ukaleke uje mukwenje nakwata mukole wakusetekesa ngwove mu Yelusalema mukakala vanu vavangi na vimuna vavangi, co kuyikakala na vivumbe vyakuyizengeleka.

Mateo 26:56

Oloni vyoshe evi vyalingiwa ngeci vije vivendekele vaka-kwimanena mu visoneka vilingiwe.” Aje vene vandongisi vendi voshe vamusezele, co vatewele.

Mateo 5:18

Mwa vushunga njimileka ngwange, kuvanga lilu na asi vineti, oloni ku majwi a Lishiko kukukatundu kalilaka kamo, nambe kakandondo, kuvanga vyoshe vanavishulisa.

Luka 24:44

Co wavalekele ngwendi, “Evi vikevyo vyuma vije njamilekele omo njakele neni ngwange, vyuma vyoshe vije vasonekele mu Lishiko lya Mosesa, na mu visoneka vya vaka-kwimanena, na mu Myaso vyakunjitumbula yange vinapande kulingiwa.”