Isaya 44:13 - Livulu lya Shukulu Kalunga

¹³ Muka-kushonga eseka livaya. Atwao cipalo na memba, alishonga na vyakushongesa vyendi, nakulipwisa citso cacivwa ca munu, na kucaka mu njuvo yendi.

Isaya 44:13 Iomraidhean Croise

Kushangumuka 31:19

Oloni omo Lambani nailaja mukuteula vimanga vendi, co Lakele wevile tumponya twa ishe.

Kushangumuka 31:30

Njazivuka ngeci unakatukile omo unakala na cishota-mbunge cakwiluka kwimbo lyeni, oloni omo vikajo unevila tumponya twa mu njuvo yange?”

Kushangumuka 31:32

Oloni yove nga uwana umo kuno uje ali na tumponya twove, co napande kutsa ano vene ku mesho a vavushoko vwetu, kengezeka ngeci uwane cuma coshe cije cakundama kuli yove.” Oloni Yakomba kazivukile ngwendi Lakele nevi tumponya twa Lambani.

Kushangumuka 35:2

Ngecivene, Yakomba wendekele ku naanga yendi na kuli voshe vaje wakele navo amo ngwendi, “Tundiseni vinjambi veka vaje vali akati keni. Lijeleseni nakuzala vuzalo vwakujela.

Isaya 41:7

Vaka-kushonga vatakamesa vaka-kufula ngolinde. Vaka-kufula vikuvo vatakamesa vaka-kutokeka vimbambo. Vendeka ngwavo, ‘Vanavitokeka mwamuvwa,’ co vapameya vyuma na vimbambo ngeci kesi vishwenye.

Isaya 44:14

Muti wa kendale nambe muti wa oke, nambe muti wa sipelese, nambe muti wa mu shwata wakukuna vanapande kuwangula mukushonga kamponya. Nameme muti wa kalipi wakukuna, co ukola na nyonzi omo inyoka.

Ezekiyele 8:10

Ngecivene, njakovelelemo nakumona. Vivumbe vyapwile vyakufwika na masona a manyoka na tusitu veka vakujeneka kujela, na vyuma vyeka vije vakele nakulemesa vaIsalele.

Ezekiyele 8:11

Vantwama va vaIsalele makumi atanu na vavali vakele kuje, amo na Njazaniya muna Shafane. Munu na munu wakwatele cikango cakwenyekela insense, co vwisi vwa insense vwakele nakukakumuka.

Ezekiyele 8:12

Co Njambi wanjihwile ngwendi, “Muna munu, wamono vije valinakulinga mu vushweke vantwama va vaIsalele ndi? Voshe valinakulemesela mu mulili muje munashulu na vifwa vya tumponya. Valyola malambi ngwavo, ‘Shukulu Kalunga katumono! Ikeye naseze lifuti.’ ”

Vilinga vya Miluwa 17:29

“Ngecivene, omo tunapu tu vana vendi, kutwapandele kuyongola ngwetu cifwa cendi ca vuNjambi cinapu ngwe cifwa ca ngolinde nambe siliva nambe limanya lyakushonga na vutongwe na mana a munu.

Loma 1:23

co vanalikela kulemesa Njambi wakuyoya myaka yoshe, oloni valemesa vyuma vya vifwa vya munu uje kesi kuyoya myaka yoshe na vifwa vya tuzila nambe tusitu nambe vyakulikoka.

Kwituluka mu Mashiko 27:15

“ ‘Cisingo ca Njambi cikale ali munu woshe uje ashonga kamponya ka limanya, nambe ka citi, nambe ka cikuvo, nakukalemesela mu vushweke, cuma eci cinapu ca vunyengwe kuli Shukulu Kalunga.’ “Co vanu voshe vakakumbulula ngwavo, ‘Ewa!’

Kwituluka mu Mashiko 4:28

Kuje mukapangela vinjambi vakushonga na mavoko a vanu, vinjambi va viti, na va mamanya, vinjambi vaje kuvesi kuziva nambe kumona, nambe kulya, nambe kuziva kunika.

Maako 18:24

Mika wavakumbulwile ngwendi, “Ngweni, ‘Mulonga ukajo?’ Munambata muka-kukombelela wange, na vinjambi vaje njapangele munaija navo! Co yange vika njinasala navyo?”