Isaya 43:9 - Livulu lya Shukulu Kalunga

⁹ Saneni miyati ya vanu vaije kuno. Iyajo wa ali vinjambi vavo asa kwendeka vyuma vya kulutwe? Iyajo umo wavo wambulwile vije vilinakulingiwa ololo? Vinjambi ava vanene vakaleo vavo, mukumwesa ngeci vanendeka vushunga, mukushulisa vushunga vwa majwi avo.

Isaya 43:9 Iomraidhean Croise

Myaso 50:1

Shukulu Kalunga Njambi Muka-nzili yoshe alinakwendeka, ikeye nasana kaye koshe, kutunda mu ngangela na mu kangombe ka yambi.

Isaya 34:1

Shwenyeni muyehi, yeni miyati ya vanu voshe na vaka-kaye voshe, na vyoshe vije vilinakuyoyao, ijeni kuno mwakutolilile.

Isaya 41:1

Njambi alinakwendeka ngwendi, “Olokeni kuluu nakutolilila kuli yange, yeni muli mu mafuti a kulyala! Pweni vanu vakusimpa, shwenyeni kuno ngeci mwakwendeke. Ijeni tulikungulwile amo nakuyongola iya nashungamesa.

Isaya 43:26

“Ijeni tuye ku mbanja, neneni viyongola vyeni, ambululeni n̄anda yeni kumwesa ngeci munalingi mwamuvwa!

Isaya 44:6

Shukulu Kalunga, Muka-nzili yoshe uje washwana nakunyunga Isalele, alinakwendeka ngwendi, “Yange wakulivanga na mamaneselelo, yange ange lika nji Njambi, kukwesi njambi weka lalo wai, kuvanga yange lika.

Isaya 46:10

Tunde ku vushangumukilo, njendekele vati vyuma muvikafwa, ku san̄ulu njendekele vya vuka-kwimanena a vyuma vije vikalingiwa. Njendekele ngwange matumbe ange nalumo lwai akonwa, ngeci njasa kulinga vyuma vyoshe vinjayongola kulinga.

Isaya 48:14

“Kungulukeni yeni voshe mutolilile! Kukwesi vinjambi vayongwele ngwavo munu ou injinaangula asa kulwisa Mbambilone, nakulinga vije vinjishaka ngeci avilinge.

Isaya 48:3

Shukulu Kalunga alinakwendeka ku Isalele ngwendi, “Laja njambulwile vije vikalingiwa, cooni vinalingiwa.

Njwele 3:11

Yeni miyati yoshe mwazengeleka kuno, ijeni vwasi-vwasi mukungulukile mu cana.’ ” Yove Shukulu Kalunga, tumako mashwalale vove ngeci vakavalwise.