Isaya 43:7 - Livulu lya Shukulu Kalunga

⁷ Vakevo vanapu vanu vange, njavatangele ngeci vanene kasingimiko kuli yange.”

Isaya 43:7 Iomraidhean Croise

Myaso 100:3

Zivukeni ngeci Shukulu Kalunga ikeye Njambi, ikeye watutangele, co yetu tunapu tu vanu vendi, tunapu lalo vimanga va ku vutanga vwendi.

Myaso 50:23

Munu woshe akombelela n̄ombelo ya cikandelela anjisingimika. Co uje ashungamesa ngila yendi, njikamumwesa kwamena kwange.”

Isaya 27:11

Omo minango ya miti ijujwama nakupokozoka, co vanakazi vaikungulula nakuyipwisa vitale. Oloni vanu vavo vapwa vikolokomba ngeci Njambi uje wavatangele kakavazivila mema ku mbunge nambe kuvazivilako ngozi.

Isaya 29:23

Omo vana vendi vakamona vije vinjinalingi akati kavo, co vakasingimika lizina lyange, vakanjishangazala nakunjisingimika yange Njambi wakujela wa Isalele.

Isaya 43:1

Isalele, Shukulu Kalunga uje wamitangele alinakwendeka ngwendi, “Kesi muzive lyova, njikamyamena. Njakusana a lizina lyove, ngeci unapu u wange.

Isaya 43:21

Vakevo vanapu vanu vaje njalitangelele, co vakaimba nakunjishangazala!”

Isaya 44:23

Tambekeni nakujolela, yeni melu! Tambekeni, yeni mitambela ya mwisi ya kaye! Tambekeni nakujolela, yeni minkinda na miti yoshe ya mu shwata! Shukulu Kalunga namwesa vukama vwendi akwamena vanu vendi va Isalele.

Isaya 46:13

Litangwa lyakumyamena lili muyehi, kulyesi kulyala embwe. Kwamena kwange kucikeshwala embwe. Njikaamena Yelusalema, nakunena kasingimiko ku Isalele.’ ”

Isaya 48:11

Njalingile vyuma evi omwo cizango cange, kunjikatava lizina lyange ngeci valishaule, nambe kwana vumpau vwange kuli njambi umo weka lalo.”

Isaya 56:5

asinoni lizina lyove vakalyanuka mu Njuvo yange na akati ka vanu vange simbu yoshe kutuvakana nga wakele na vana va vanalume na ava va vanakazi. Naumo wai akakwivala.”

Isaya 60:21

Vanu vove voshe vakapwa vaka-vushunga, vakashwana lifuti ku myaka yoshe. Njavakunine, nakuvatanga, ngeci vasholole vukama vwange ku vanu voshe.

Isaya 63:19

Ulinakutupangesa ngwe kesi yove wapwile u ntwama yetu, ngwe kesi tu vanu vove.

Njelemiya 14:9

Omwo vikajo unapu ngwe munu ivanakasumuna, nambe ngwe lishwalale najeneka nzili mukulyamena? Mwa vushunga Shukulu Kalunga yove uli netu! Yetu tu vanu vove kesi utuseze embwe.’ ”

Njelemiya 33:16

Vanu va mu Yunda na vanu va mu Yelusalema vakapatuka nakuyoya mwamuvwa. Co nganda ya Yelusalema vakaitumbula ‘Shukulu Kalunga Ikeye Kwamena Kwetu.’

Ndanyele 9:18

Yove Njambi tolilila kuli yetu, kenga ali yetu, mona tuyando twetu na tuyando twa nganda yove. Tulinakulombela kuli yove omwo wakala na mema ku mbunge, kesi ngwe omo tunalingi vushunga embwe.

Ndanyele 9:19

Shukulu Kalunga, tuzive. Shukulu Kalunga, tusambese. Shukulu Kalunga, tutolilile, co panga vipangi vyove! Ngeci munu woshe akazivuke ngwendi yove wapwa Njambi, kesi wishwale embwe! Nganda eyi yapwa yove na vanu ava vapwa vove.”

Amose 9:12

Co vanu va mu Isalele vakafungulula vije vyasalele mu lifuti lya Endome na miyati yoshe vaje vapwile vange laja.” Mukemwo mwalinakwendeka Shukulu Kalunga, uje akatava evi ngeci vilingiwe.

Yowano 15:8

Vumpau vwa Tate vusholoka nga mwima vushuka vwavungi, co mu ngila eyi vene mupwa vandongisi vange.

Vilinga vya Miluwa 11:26

Co omo wakamuwanene wamutwalele ku Antyoke, mu mwaka woshe wamutunu ava vavali valiwanene na vanu va mu cikungulukilo nakulongesa mbunga yakama. Co ku Antyoke kuje vaka-kukulaela vashangumukile kuvatumbula ngwavo vaka-Yesu.

Loma 9:23

Co lalo washakele kusholola vumpau vwendi vwakama, vuje wetilile ali yetu vaje amwesa mema ku mbunge, yetu vaje navwaesa ngeci tutambule vumpau vwendi.

2 Kolinte 5:17

Ngecivene, woshe uje ali muli Kilistu, napu munu wamuha, vyuma vyalaja vineti, muli ikeye munaija vuhwa.

Ngalatiya 6:15

Kukwesi mulonga wai nameme kutuuka nambe kujeneka kutuuka, oloni cije cikwasa cinapu kupwa wakutanga kwakuhwa.

Efeso 1:12

Ngecivene, yetu vakulivanga twakala na cinyangavili muli Kilistu, tushangazaleni vumpau vwa Njambi!

Efeso 1:6

Tushangazaleni Njambi ku vumpau vwa kutetela kwendi, omwo a vwana vuje vwanatwana muli Munendi uje yazema!

Efeso 2:10

Njambi natupwisa muje mutunafu, co akukala kwetu muli Kilistu Yesu watutangelele mwonyo wa vipangi vyavivwa, vije watuvwaeselelevyo laja ngeci tuvilinge.

Yakomba 2:7

Vakevo vakendeka vyavivi a lizina lyalivwa lije vanamyana.

1 Petulu 2:9

Oloni yeni munapu muyati wakwangula, vaka-kukombelela va Mwene, muyati wakujela, vanu va Njambi vavenya, vanamyangula mukwambulula vikomokeso vya vilinga vya Njambi, uje wamisanene kumitundisa mu lisusulungu kuminena ku ceke cendi cakukomokesa.

1 Petulu 4:11

Voshe vaje vambulula vanapande kwambulula lijwi lya Njambi, voshe vaje vapanga vanapande kupanga na nzili ije yanavana Njambi, ngeci mu vyuma vyoshe Njambi vamushangazale ali Yesu Kilistu, kuli ikeye kwakundama vumpau na nzili ku myaka yoshe. Ewa.

1 Petulu 4:14

Vwaeleleni omo vamishaula omwo munapu vaka-kukava Kilistu, eci cinalumbunuka ngeci Munzinzime wa vumpau, na Munzinzime wa Njambi, alinakuyoya amo neni.

Kujombolola 3:12

Uje ahyana njikamupwisa manda mu Njuvo ya Shukulu Kalunga Njambi yange, co nalumo lwai lalo akatundamo. Co njikasoneka ali ikeye lizina lya Njambi yange, na lizina lya nganda ya Njambi yange, ikeyo Yelusalema yaiha, ije ikashuluka kutunda mwilu kuli Njambi yange. Co lalo njikasoneka ali ikeye lizina lyange lyaliha.

1 Samwele 12:22

Shukulu Kalunga nalisingi cikumiiyo ca cikulaeso, co kakamiseze embwe, omwo nayongola kumipwisa vanu vendi.