Isaya 43:28 - Livulu lya Shukulu Kalunga

²⁸ co vaka-kushwana veni vajwalesele mwela wange wakujela. Ngecivene, njanenele tuyando a Isalele, njatavele vanu vange vavazivise shwamwa.”

Isaya 43:28 Iomraidhean Croise

2 Samwele 1:21

“Nyonzi nambe lime kesi viwile a malundu a Ngilembowa, mahya ao kesi akale na vyakulya simbu yoshe. Omwo vintelo vya vaka-kusimpa vyapokokelele aje vene na shwamwa, ntelo ya Saulu kuvakaikwiti mufwitilo na mazi lalo.

1 Mizimbu 24:5

Omo mu Njuvo ya Shukulu Kalunga mwakele vamyata na vantwama vaje vendesele vipangi vya Shukulu Kalunga akati ka vatekulwila va Elyazale na Itamale, vavanene vipangi akuta n̄ela.

2 Mizimbu 36:17

Ngecivene, Shukulu Kalunga wavanenelele mwene wa Mbambilone kwakuvalwisa. Co mwene watsiile vakwenje va mu Yunda nameme vene vaje vakele mu Njuvo ya Shukulu Kalunga. Ikeye katetelele munu embwe, mukwenje nambe mukulunu, munalume nambe munakazi, muka-kuvinja nambe mukangule. Njambi wavakundikile voshe kuli ikeye.

Myaso 79:4

Miyati ya vanu vaje vanatuzengeleka valinakutushaula, nakutujola nakutushendumuna.

Myaso 89:39

Unapokola cikumiiyo cove na ngamba yove, co unanyongesa vumwene vwendi njwa.

Isaya 24:6

Ngecivene, Njambi natumbwila kaye cisingo. Co vanu vao valinakutsa omwo vuvi vwavo. Vavandondo-ndondo lika vanasalao vaciyoya.

Isaya 34:5

Shukulu Kalunga navwaesa mukwale wendi, co ukatunda mwilu nakwija a Endome, ali vanu vaje vanasompela kutsa.

Isaya 47:6

Njaluvalele na vanu vange, njavapangesele ngwe kesi vanu vange. Njavaakele mu mavoko ove, oloni yove kuwavamwesele mema ku mbunge, nameme tukulukazi vene wavapangesele na muuka.

Isaya 65:15

Vanu vange vakwangula vakapangesa lizina lyove ngwe cisingo. Yange Kalunga wa Akamwa ya Vyoshe, njikamitsiya. Oloni njikana lizina lyaliha kuli vaje vanjononoka.

Njelemiya 24:9

Njikanena vukalu ali vakevo ngeci miyati yoshe ya mu kaye vakalikomokele. Vanu vakavashendumuna, co vakalinga litangalakazi ali vakevo, nakuvayengula, nakupangesa mazina avo ngwe cisingo kwoshe kuje njavashandwela.

Njelemiya 52:27

mu lifuti lya Hamate. Co mwene wavapupile nakuvatsiya. Ngecivene, vanu va mu Yunda vavatundisile mu lifuti lyavo nakuvatwala ku vunzinda.

Mbimbi 2:2

Shukulu Kalunga wanyongesele membo oshe a mu Yunda kujeneka mema ku mbunge, co mu vukalu vwendi wasiwile vimpaka vije vyanyungile lifuti, wazivisile shwamwa vumwene na vaka-kushwana vavwo.

Mbimbi 4:20

Co vafungulwile nsina yakuyoya kwetu, ikeyo mwene uje yaangwile Shukulu Kalunga, uje itwakulaelele ngwetu akatunyunga kuli voshe vatukovelela nakutulwisa.

Ezekiyele 5:15

“Omo njiluvala na litoto lyakama nakuminyanyamesa, co miyati yoshe vaje vanamizengeleka vakalishoshomwena. Vakamikenga na vunyengwe nakumishendumuna.

Ndanyele 9:11

Isalele yoshe vapokwele mashiko ove nakuvyana kutolilila ku vije viwavalekele. Twalingile vuvi ku mesho ove, ngeci watusingile na cisingo cije civasoneka mu Lishiko lya Mosesa ngamba yove.

Ndanyele 9:12

Yove walingile vije wendekele ngwove ukavilinga kuli yetu na kuli vaka-kushwana vetu. Wanyanyamesele manene Yelusalema kutuvakana vinganda vyoshe vya ano asi,

Ndanyele 9:14

Yove Shukulu Kalunga Njambi yetu, walivwaeselele cimweja kutunyanyamesa, co walingilemo vene, omwo simbu yoshe ukalingi vije vinapu vya vushunga, oloni yetu kutwakutolililile.

Zakaliya 5:3

Co wendekele kuli yange ngwendi, “Mu livulu eli vanasonekao cisingo cije cikaya ano a kaye koshe. Mu mutambela umo wa livulu eli vanasonekamo ngwavo mwizi woshe vakamutundisa muno mu lifuti, co ku mutambela ukwavo vasonekao ngwavo woshe uje endeka makuli nakulisinga na ikeye lalo vakamutundisa mu lifuti.

Zakaliya 8:13

Vanu va mu Yunda na vanu va mu Isalele! Ku san̄ulu vaka-kwija valisingile umo na mukwavo nakwendeka ngwavo, ‘N̄avava ije vene yawililile a Yunda na a Isalele iwile ali yeni.’ Oloni njikamyamena, co vaka-kwija vaje vakendeka kuli umo na mukwavo ngwavo, ‘Tambuleni vivezikiso vya cifwa cimo vije vyakele a Yunda na a Isalele!’ Ngecivene, simpeni kesi muzive lyova.”

1 Tesalonika 2:16

Vesekele kutuvindika kwambulula lijwi kuli vaje kesi vaYunda ngeci na vakevo vatambule kwovoka. Mu ngila eyi vene vakevo vanashulisa vene seteko ya vivi vije vivalingile simbu yoshe. Co ololo vukalu vwa Njambi akukotoka vunaija ali vakevo!