Isaya 43:16 - Livulu lya Shukulu Kalunga

¹⁶ Ku san̄ulu Shukulu Kalunga wamangele ngila mu mema a kalunga, mema a cingungu-muta.

Isaya 43:16 Iomraidhean Croise

Nehemiya 9:11

Mukati ka mema a kalunga walingilemo ngila ya vanu vove, co wavatwamenenene mukati oku valinakwenda a livu lyakuma. Vaje vavakavele vakupukile mu mema akulova, ngwe muje mulikakupuka limanya na mankimba a mu mema a kalunga.

Myaso 106:9

Akushika kwove mema a mu Lishali Lyakuvenga omine oshe cau, co wetisile vanu vove a livu lyakuma ngwe mu mambo.

Myaso 77:19

Wendele a mankimba, wajavukile mema a kalunga, oloni myanja yove kuyasholokele.

Myaso 77:20

Watwamenenene vanu vove ngwe kanyungi, waangwile Mosesa na Alone kupwa vantwama vavo.

Myaso 78:13

Ikeye waangunwine mema a kalunga nakuvetisamo, wemikile mema ngwe vivumbe.

Kutuuka 14:16

Jundula mulamu wove, co wolwele akamwa ya mema a kalunga, co mema akalyangunuka, vaIsalele vakasa kwenda a livu lyakuma.

Kutuuka 14:29

Oloni vaIsalele vendele a livu lyakuma cau, co vendele mukati ka vivumbe vya mema noku-noku.

Isaya 43:2

Omo ukaita mu mema akulova, njikakala nove, kuwakakuzuvika embwe. Omo ukaita akati ka tuhya, kuukenye embwe, vyeseko vyakama vije vikaija ali yove, kuvikakuvulumuna.

Isaya 44:27

Yange njishika, co mema a kalunga oma cau.

Isaya 50:2

“Omwo vikajo vanu vange vonwele kukumbulula omo njaile kuli vakevo ngeci njivamene? Vikajo kuvakumbulwile omo njavasanene? Kuma kunjesi na nzili yakuvamena ndi? Mukuluvala kwange njasa kumisa mema a kalunga, na vindonga kuvitengulula mambo, ngeci visi valimo vatse a mema.

Isaya 51:10

Yove lalo womisile mema a kalunga cau, nakutenda ngila mukati ka mema, ngeci vanu vove vase kujavuka.

Isaya 51:15

“Yange Shukulu Kalunga Njambi yeni, Muka-nzili yoshe, njikavundula mema a kalunga, nakulumisa mankimba amwo.

Njelemiya 31:35

Shukulu Kalunga waaka litangwa kutwa ceke ku mutanya, co ngonde na vingongonosi kutwa ceke ku vutsiki. Ikeye akatula mema a kalunga ngeci mankimba angwanjange, lizina lyendi ikeye Shukulu Kalunga Muka-nzili yoshe.

Kujombolola 16:12

Asinoni kangelo wamucitanu na umo wetilile lilonga lyendi a Ndonga yakama ya Yufuleti. Co ije ndonga yomine cau, mukwana ngila kuli vimyene vaje vatundilila mu ngangela.