Isaya 43:13 - Livulu lya Shukulu Kalunga

¹³ Yange njapwa nji Njambi, co simbu yoshe njikakalako. Naumo wai akatambula vaje vali mu livoko lyange, nambe kuvindika vije vinjipanga.”

Isaya 43:13 Iomraidhean Croise

Yombi 10:7

Nameme uzivuka ngeci kunjesi na mulonga, ngeci naumo wai asa kunjamena ku livoko lyove.

Yombi 34:29

“Nga Njambi ayongola kulinga cuma, co naumo wai asa kumupopolola. Nga ashweka cihanga cendi, co vanu vapwa vangoco.

Yombi 9:12

Ambata vije ashaka, co naumo wai amuvindika, naumo wai asimpa nakumwihula ngwendi, ‘Vikajo ulinakulinga?’

Myaso 102:28

Vana vetu vakakala mwamuvwa, co akunyunga kwove vatekulwila vavo vakakala mu kwoloka.

Myaso 50:22

“Yeni vaka-kwivala Njambi tolilileni vyuma evi, kutewa njikaminyongesa, kukwesi weka lalo wakumyamena wai.

Myaso 90:2

Simbu kanda utange malundu, simbu kanda utange kaye, yove wapwa u Njambi ku myaka yoshe.

Myaso 93:2

Litanda lyove lyakala tunde ku san̄ulu yove Shukulu Kalunga, yove wayoya myaka yoshe.

Visimo 21:30

Mana a vunu nakunyanyama nakuzivuka, kuvikwasa nga Shukulu Kalunga nakuvyana.

Visimo 8:23

Yange vanjitangele avushangumukilo, simbu kanda vatange kaye.

Isaya 14:27

Shukulu Kalunga Muka-nzili yoshe nalivwaesela cimweja, nolola livoko lyendi mukuhisa, co naumo wai asa kumuvindika.

Isaya 41:4

Iyajo akalingisa vyuma evi? Iyajo akendesa vyuma tunde ku san̄ulu? Yange Shukulu Kalunga, njakeleko avushangumukilo, co lalo njikakalako a mamaneselelo.

Isaya 46:10

Tunde ku vushangumukilo, njendekele vati vyuma muvikafwa, ku san̄ulu njendekele vya vuka-kwimanena a vyuma vije vikalingiwa. Njendekele ngwange matumbe ange nalumo lwai akonwa, ngeci njasa kulinga vyuma vyoshe vinjayongola kulinga.

Isaya 46:4

Yange nji Njambi yeni, co njikamilela, noo munakolo, na vwele ku mitwe yeni. Yange njamitangele, co njikamilela, njikamikwasa nakumyamena.

Isaya 47:15

Vuje vukevwo vuvwa vwoshe vuvakalinga kuli yove, vaje vaka-kukunangula vawakele nakwihula simbu yoshe yakuyoya kwove. Voshe vakakuseza, nakuya kwoshe kuvashaka, co naumo wai akakwamena.”

Isaya 48:16

“Shwenyeni muyehi nange muzive evi vinjendeka. Kutunda ku vushangumukilo njendekele neni citona-mesho, co majwi ange simbu yoshe anapu a vushunga.” (Ololo Shukulu Kalunga wa Akamwa ya Vyoshe nanjitumu na nzili yendi.)

Isaya 57:15

“Yange Njambi wa Akamwa ya Vyoshe, na Njambi wakujela, uje wayoya myaka yoshe. Yange njayoya akamwa na ku mutambela wakujela, oloni njayoya lalo na vanu vaje valikeesa nakutenguluka, ngeci njiindule kusimpa kwavo na cinyangavili cavo.

Ndanyele 4:35

Akakenge a vanu va ano asi kupwa vangoco, tungelo va mwilu na vanu va ano asi vali mwisi yendi. Naumo wai asa kumuvindika nambe kwihula vije vyalinga.

Hoziya 2:10

Njikamushulula akale mushelengwa ku mesho a vaka-cizemo cendi, co naumo wai akasa kumwamena ku nzili yange.

Hoziya 5:14

Njikalwisa vanu va mu Isalele na vanu va mu Yunda ngwe ndumba. Co njikavasanyozola vipuka-vipuka nakuvaseza. Omo njikavakokangeya nakuvatwala, naumo wai akasa kuvamena.

Mika 5:2

Shukulu Kalunga alinakwendeka ngwendi, “Yove Mbetelehema Efaleta yove wapwa uwamundondo akati ka vinganda vya mu Yunda, oloni kuli yove kukatunda muka-kushwana Isalele, uje naanga yendi yakeleko tunde ku san̄ulu.”

Hambakuke 1:12

Shukulu Kalunga, kutunda kukushangumuka yove wapwa u Njambi vene. Yove wapwa u Njambi yange wakujela, co wakala myaka yoshe. Shukulu Kalunga, Njambi yange muka-kunjinyunga, yove unaangula vaMbambilone, co unavana nzili ngeci vatuhise.

Kulava 23:20

Kenga! Yange njinatambula lishiko lyakuvezikisa, co omo Njambi navezikisa, yange kunjasa kutengululako lalo mweka.

Yowano 8:58

Yesu wakumbulwile ngwendi, “Mwa vushunga njimileka ngwange, simbu kanda Avilahama asemuke, ‘Yange Ou.’ ”

Efeso 1:11

Vyuma vyoshe vilingiwa kupwisa ngwe ku vutumbe vwa Njambi na viyongola vyendi, co Njambi watwangwile kupwa tu vana vendi muli Kilistu omwo a vutumbe vwendi, vuje nsina yavwo ikeyo inapu vije vyayongwele tunde akulivanga.

Kwituluka mu Mashiko 28:31

Vingombe veni vakavatsiya oku munakengeko, oloni kumukali situ yavo. Vimulu veni vakavakokangeya nakuvatwala kulyala oku munakengeko, oloni kuvakamiilwisilavo lalo embwe. Vimanga veni vakavana kuli vitozi veni, co naumo wai akamyamena.

Kwituluka mu Mashiko 32:39

“ ‘Yange, yange lika, njapwa Njambi, kukwesi njambi weka lalo wa vushunga wai. Njikatsii, co njana mwonyo, njikavetwesa, co njikangwisa, naumo wai asa kupopolola vije vinjinalingi.

1 Timateo 1:17

Kuli Mwene wa myaka yoshe, uje kesi kutsa uje kutwasa kumona, endi lika Njambi, kuli ikeye kukale kasingimiko na vumpau ku myaka yoshe! Ewa.

VaHevelu 13:8

Yesu Kilistu ikeye umolika na izau na lelo na ku myaka yoshe.

Yoshwa 2:2

Co mwene wa mu Yeliko wazivile ngwavo kuli vaIsalele vamo vanaija vutsiki nakunenga lifuti,

Kujombolola 1:8

“Yange wakulivanga na muka-kukotokela,” mwanendeka Shukulu Kalunga Njambi Muka-nzili yoshe, uje aliko na uje wakeleko na uje akaija.