Isaya 42:5 - Livulu lya Shukulu Kalunga

⁵ Njambi watangele melu nakuwajangumuna, ikeye wajalele kaye na vyoshe vije vilimo, ikeye mukakwana mwonyo kuli vanu voshe va mu kaye. Co ololo Shukulu Kalunga Njambi nendeka kuli ngamba yendi ngwendi,

Isaya 42:5 Iomraidhean Croise

Kushangumuka 1:1

Akulivanga Njambi watangele lilu na kaye.

Kushangumuka 2:7

Asinoni Shukulu Kalunga Njambi watapwile livu asi, co likelyo wamungile munu, wahwimininine muku wa mwonyo mu majulu endi, co munu wakele na mwonyo.

Yombi 12:10

Njambi lika ikeye atwamenena myonyo ya vitanga vyendi, mwonyo woshe wa munu wakala mu livoko lyendi.

Yombi 27:3

omo Njambi alinakunjana kuhwima,

Yombi 33:4

Munzinzime wa Njambi ukewo wanjitangele, co muku wa Muka-nzili yoshe ukewo wanjanene mwonyo.

Yombi 34:14

Nga Njambi natundisile muku wa mwonyo,

Myaso 136:6

Uje wajalele kaye akamwa ya mema, omwo cizemo cendi cije kucesi kutenguluka cakala ku myaka yoshe.

Myaso 33:6

Akushika kwendi Shukulu Kalunga watangele lilu, co na lijwi lyendi kwasholokele litangwa, na ngonde, na vingongonosi.

Myaso 96:5

Omwo vinjambi voshe va vanu vapwa tumponya lika, oloni Shukulu Kalunga ikeye watangele melu.

Isaya 37:16

“Shukulu Kalunga Muka-nzili yoshe, Njambi ya Isalele, yove watumbama akamwa ya vakelumbi va mambava, yove lika wapwa Njambi, yove washwana vumwene vwoshe vwa mu kaye. Yove watangele kaye na lilu.

Isaya 40:12

Iyajo neseka kuseteka mema a kalunga nambe kujangumuna lilu na mavoko endi? Iyajo naaka likungu mu mutonga, nambe kupeselesa minkinda na malundu a cipeseleso?

Isaya 40:22

Njambi ikeye muka-kushwana kaye koshe vanu voshe valinakuyoyao, vanapu lika ngwe mishwa. Ikeye wajangumwine lilu, ngwe nanga, ngwe mbalaka yakushokolola.

Isaya 40:26

Anduleni mesho eni kwilu! Iyajo watangele vingongonosi vije mulinakumona? Uje avitwamenena ngwe mashwalale, ikeye azivuka vungi vwavyo, co avisana vyoshe a mazina avyo! Nzili yendi yapwa yakama manene, naimo ngongonosi yai yazimbalao!

Isaya 40:28

Kuma kumuzivuka ndi? Kuma kuvamilekele ndi? Shukulu Kalunga ikeye Njambi wa ku myaka yoshe, ikeye watangele kaye koshe. Kesi kujuka nambe kuzeya. Naumo wai asa kuzivisisa viyongola vyendi.

Isaya 44:24

“Yange Kalunga, muyoyesi weni, yange uje wamitangele, yange Kalunga, Ishamatanga wa vyuma vyoshe. Ange lika njajangumwine melu, omo njajalele kaye, naumo wai wanjikwaseleko.

Isaya 45:12

Yange njatangele kaye, nakutanga munu ngeci ayoyeleo. Njajangumwine melu na nzili yange, yange muka-kushika litangwa, na ngonde, na vingongonosi.

Isaya 45:18

Shukulu Kalunga ikeye watangele melu, ikeye lika Njambi! Ikeye wamungile nakutanga kaye, wakolesele kaye mbe, nakukala ku myaka yoshe. Katangele kaye ngeci kapwe ngwe mambo embwe, oloni apwe akuyoyela vanu. Ikeye nendeka ngwendi, “Yange njapwa Kalunga, kukwesi njambi weka lalo.

Isaya 48:13

Njatangele kaye na mavoko ange, nakujangumuna lilu. Lilu na kaye vyononoka kushika kwange kwoshe.

Isaya 57:16

Njaanene vanu vange mwonyo, co kunjikavahisa lalo nambe kuvaluvalesa myaka yoshe embwe.

Njelemiya 10:12

Shukulu Kalunga watangele kaye na nzili yendi, watangele kaye na mana endi, co wajangumwine melu.

Njelemiya 27:5

“Yange njatangele kaye, na vanu, na tusitu, vaje vali ano asi, na nzili yange yakama na livoko lyange lyakwolola, co njivyana kuli munu uje injashaka.

Njelemiya 32:17

“Shukulu Kalunga wa Akamwa ya Vyoshe, yove watangele kaye na melu na nzili yove yakama, na livoko lyove lyakwolola, kukwesi cuma cacikalu kuli yove cai.

Njelemiya 38:16

Ngecivene, Mwene Zendekiya wanjikulaesele mu vushweke ngwendi, “Njilisinga ali Njambi wakuyoya, Njambi uje watutangele, ngwange kunjikakutsii embwe, nambe kukwaka mu mavoko a vanalume vaje vashaka kukutsiya.”

Ezekiyele 18:4

Mwonyo wa munu woshe wakundama kuli yange, mwonyo wa cisemi na mwonyo wa mwanike lalo. Munu uje alinga vuvi ikeye akatsa.

Ndanyele 5:23

Walingile mwamuvi ku mesho a Shukulu Kalunga wa mwilu akunena vinganja na malonga vya mu Njuvo ya Shukulu Kalunga. Yove, na vanu vove va vulemu, na mashano vove, na mashano vove va mbanja mwanwilililemo vinyu nakushangazala tumponya vakupanga na ngolinde, na siliva, na vunengu, na vutale, na viti, na mamanya, na tumponya vaje kuvesi kumona nambe kuziva, nambe kuzivuka cuma cimo. Oloni kuwasingimikile Njambi uje wanyunga mwonyo wove na vyuma vyoshe vije viwukalingi.

Amose 9:6

Shukulu Kalunga natungu limbo lyendi mwilu ya melu, co najala luvula lwendi ano asi. Ikeye akasana mema a kalunga nakuwetila ano asi. Lizina lyendi ikeye Shukulu Kalunga!

Zakaliya 12:1

Awa akewo majwi a Shukulu Kalunga kuli Isalele, Shukulu Kalunga uje wajangumwine melu, uje watangele asi, nakwana mwonyo kuli munu. Ikeye alinakwendeka ngwendi,

Vilinga vya Miluwa 17:24

Njambi uje watangele kaye na vyoshe vilimo, ikeye Mwene wa lilu na asi, co kesi kuyoya mu njuvo yakutunga na mavoko a vanu.

Vilinga vya Miluwa 17:25

Nambe kesi kushaka tumupangele cuma cimo, omwo ikeye akaana mwonyo na muku na vyuma vyoshe kuli vanu voshe.

VaHevelu 1:2

oloni a matangwa ano akukotokela nendeka kuli yetu ali Munendi, uje yanapwisa shwana ya vyuma vyoshe, co ali ikeye lalo watangele vyuma vyoshe.