Isaya 42:25 - Livulu lya Shukulu Kalunga

²⁵ Ngecivene, twazivile nzili ya vukalu vwendi, nakumona tuyando twa nzita, vukalu vwendi vwashukumine mu Isalele ngwe tuhya, oloni kutwazivukile vije vyalingiwile, nacimo cai twalilongeseleo.

Isaya 42:25 Iomraidhean Croise

2 Vimyene 25:9

Wenyekele Njuvo ya Shukulu Kalunga na lipela na vinjuvo vyoshe vya vanu va vulemu va mu Yelusalema,

Yombi 40:11

Mwesa vukalu vwove vwakama, kenga voshe vaje vaka-kulyalesa ngeci uvononwese.

Isaya 29:13

Shukulu Kalunga nendeka ngwendi, “Vanu ava vaija kuyehi nange vanjilemesa lika na tunwa twavo, oloni vimbunge vyavo vili kulyala nange. Kulemesa kwavo kunapu kwa mashiko a vunu.

Isaya 47:7

Yove wayongwele ngwove ukapwa vamwene simbu yoshe, oloni kuwaakeleko mbunge ku vyuma vije, nambe kuyongola ngwove vyuma evi vikahwa.

Isaya 48:8

Njazivukile ngeci kumwakele cikulaeso muli yeni, simbu yoshe vamizivukile ngeci mwapwa muvaka-kutengulukila. Mukemwo kumwazivile evi, kumwazivileko nambe lijwi limo.

Isaya 5:25

Shukulu Kalunga naluvala na vanu vendi, co nolola livoko lyendi nakuvahisa. Minkinda ikajaja, co mivila ya vanu va kutsa ikalala mu vitapalo ngwe vyuma vya mazilo. Nameme ngoco, vukalu vwa Shukulu Kalunga kuvukahwilao embwe, oloni anga akolola livoko lyendi mukuvahisa.

Isaya 57:1

Vaka-vushunga valinakuvakokangeya nakuvatsiya, oloni naumo wai ombako mbunge. Vuvi vulinakuvapekumwina kulyala.

Isaya 57:11

Shukulu Kalunga alinakwendeka ngwendi, “Vinjambi mukajo ava valinakumizivisa lyova, ngeci mulinakwendeka makuli nakunjivala ivya? Munalikela kunjisingimika omwo njinoloka simbu yakama ndi?

Isaya 9:13

Vanu va Isalele kuvatengulukile embwe, nameme Shukulu Kalunga Muka-nzili yoshe navahisa, oloni kuvatengulukilile kuli ikeye.

Isaya 9:19

Omwo Shukulu Kalunga Muka-nzili yoshe naluvala, cihiso cendi cilinakushukuma ngwe tuhya mu lifuti mwoshe nakunyongesa vanu, co naumo wai akamena ndolome yendi.

Njelemiya 12:11

Vanalipwisa ngundu, linasala lyangoco ku mesho ange ngwe ngundu. Lifuti lyoshe linapu mambo ku mesho ange, co naumo wai nombuko mbunge.

Njelemiya 5:3

Mwa vushunga Shukulu Kalunga akakenge a kulongwa. Waminyanyamesele, oloni kumwamutolililile, wamisindakanene, oloni kumwalilongesele. Mwakaluwisile vimbunge vyeni, co kumwatengulukile ku vuvi vweni.

Njelemiya 7:20

Ngecivene, yange Kalunga wa Akamwa ya Vyoshe njiketila vukalu vwange vwakukomokesa a Yunda. Njikavwitila ali vanu, na a tusitu, na a miti, na a vimbuto. Vukalu vwange vukafwa ngwe tuhya tuje naumo wai asa kutuzima.

Mbimbi 2:3

Mu vukalu vwendi wavindikile nzili ya Isalele, wavyanene kutukwasa omo vitozi vatulwisile. Waluvalele netu ngwe tuhya tuje tunyongesa vyuma vyoshe.

Mbimbi 2:4

Wananele mikili yendi ali yetu ngwe citozi, ikeye watsiile voshe vaje twavwaelelele nakujolela navo. Twazivile vukalu vwendi ngwe tuhya muno mu Yelusalema.

Ezekiyele 20:34

Njikamimwesa nzili yange nakuluvala kwange, omo njikamikungulwila amolika, nakumiilwisa kutunda ku mafuti oshe kuje njamishandwelelele.

Hoziya 7:9

co kuvanangukile ngeci oku kuyoyela a miyati ya mafuti eka cikeco cinavanyeke nzili yavo. Matangwa avo anapu amandondo, oloni kuvazivuka cuma eci.

Nahumi 1:6

Omo naluvala, iyajo asa kuyoya? Iyajo asa kuyoya ku vukalu vwendi vwakama? Etila vukalu vwendi ngwe milangi ya tuhya, mamanya atavozoka apwa likungu ku mesho endi.

Malakiya 2:2

Munapande kunjisingimika a vije mulinga. Nga kumutolilila ku vije vinjendeka, co njikamisinga. Co njikasinga vyuma vije vyakumikwasa vivakamyana. Mwa vushunga njinavisingi laja, omwo kumwesi kumbako mbunge ku mashiko ange.

Kwituluka mu Mashiko 32:22

Vukalu vwange vukashukuma ngwe tuhya, vukenyeka vyuma vyoshe vya ano asi. Co vuketa na mu vukalo vwa vatsi, nakunyongesa luvula lwa minkinda.