Isaya 42:16 - Livulu lya Shukulu Kalunga

¹⁶ “Njikatwamenena tupuputwa twange mu vitapalo vije kuvendele. Njikatengulula lisusulungu lyavo kupwa ceke, njikavavwaesela lifuti lije lya minkinda nakulipwisa lyakulambasa. Evi vikevyo vikulaeso vyange, co njikavanyunga, kunjikajuka embwe.

Isaya 42:16 Iomraidhean Croise

Myaso 94:14

Shukulu Kalunga kakavyana vanu vendi, nameme kwivala muyati wendi uje wanaangula.

Muka-kwambulula 1:15

Kuwasa kushungamesa cuma cije ca kupenga-penga, co lalo kuwasa kulava vyuma vije kuvyesiko.

Muka-kwambulula 7:13

Yongola vipangi vya Njambi. Iyajo asa kushungamesa vije vyanapengesa-pengesa Njambi?

Isaya 26:7

Shukulu Kalunga, ukavwaesela vaka-vushunga ngila yakushalama ngeci vendelemo.

Isaya 29:18

Omo litangwa lije likaija, tusinda-matwi vakaziva omo vakavalavela majwi a mu livulu, co tupuputwa, vaje vakele mu kazimba-vayeni na mu lisusulungu, vakamona.

Isaya 29:24

Vaje voshe vanapu vilema vakazivuka mana, na vaje vaka-kulinyenga simbu yoshe vakononoka vilongesa vyange.”

Isaya 30:18

Ngecivene, Shukulu Kalunga namivandamena ngeci amizivileko mema ku mbunge. Ikeye alinakumizivila ngozi omwo simbu yoshe akalingi vya vushunga. Vanavezika vaje vakulaela muli Shukulu Kalunga.”

Isaya 30:21

Nga mutengulukila ku cilyo nambe ku cimoshwe, co mukaziva lijwi lyendi ngwalyo, “Ngila eyi yenimo.”

Isaya 32:3

Asinoni mesho a vaje vamona kuwakatsitsivala, na matwi a vaje vaziva akatolilila.

Isaya 35:5

Asinoni tupuputwa vakamona, na tusinda-matwi vakaziva.

Isaya 35:8

Tapalo yaivwa ikaita muje, vakaitumbula ngwavo, “Tapalo Yakujela.” Kukwesi muka-vuvi akendamo, kukwesi cilema akasevwisa vaje vaikava.

Isaya 40:4

Ofweleni cimbongo coshe, nyekumwiseni minkinda yoshe. Malundu apwe cana, co lifuti lyakunyekama lipwe lyakulambesa.

Isaya 41:17

“Omo tuutu na vaka-kujeneka vashakezeka mema, oloni kuvakaawana, co a milivu yavo ominina cau na lihwila, asinoni yange Kalunga, Njambi wa Isalele njikavakwasa, kunjikavevala embwe.

Isaya 41:3

Avasheka lumbisi manene ngeci mendi endi kesi kulyata asi!

Isaya 45:2

“Yange vene njikavwaesa ngila yove, njikalambesa minkinda na malundu, njikapokozola vikolo vya vunengu nakutsena mikambo yavyo ya vikuvo.

Isaya 45:7

Yange njitanga ceke na lisusulungu, njinena vivezikiso nakuvindama na tuyando. Yange Kalunga, muka-kulinga vyuma evi vyoshe.

Isaya 48:17

Njambi wakujela wa Isalele, Shukulu Kalunga muka-kumyamena alinakwendeka ngwendi, “Yange Kalunga Njambi yeni, uje amilongesa vyuma vyavivwa, nakumitwamenena mu ngila yaivwa muje mumunapande kuya.

Isaya 52:12

A simbu eyi kumukayi lumbisi nambe kuvomboloka embwe. Omwo Shukulu Kalunga Njambi yeni ikeye akamitwamenena, co akaminyunga ku mitambela yoshe.

Isaya 54:13

“Yange vene njikalongesa vanu vove, nakuvavezikisa na kwoloka.

Isaya 58:10

aneni vyakulya kuli vaje vali na njala, nakulinga mwamuvwa vanu vaje valinakuyanda, co lije lisusulungu lyamizengeleka likemuka ceke ca mukati ka litangwa.

Isaya 62:12

Vakamitumbula ngwavo, “Vanu Vakujela va Njambi.” “Vanu Vanamena Shukulu Kalunga.” Yelusalema vakaitumbula ngwavo, “Nganda Yazema Njambi.” “Nganda Ije Kevalele Njambi.”

Ezekiyele 14:23

asinoni mukazivuke ngeci kuma cihiso cange ali vakevo capwile ca vushunga.” Mwanendeka Shukulu Kalunga wa Akamwa ya Vyoshe.

Hoziya 2:14

Ngecivene, njikamutwala lalo mu mambo, co kuje njikamwilwisa lalo kuli yange na majwi akumuzembeleka a cizemo.

Hoziya 2:6

Ngecivene, njikamusitila mu cipatanga ca mishwena, nakutunga civumbe cakushoka ngila yendi.

Amose 5:8

Shukulu Kalunga ikeye watangele vingongonosi, Lishano Mutumbu na Muta-mbambi. Ikeye akatengulula vutsiki kuvupwisa mutanya, co mutanya aupwisa vutsiki. Ikeye akasana mena mu mema a kalunga nakuwanyokesela ano asi. Lizina lyendi ikeye Shukulu Kalunga.

Luka 3:5

Vimbongo vyoshe vanapande kuvyofwela, malundu oshe na minkinda vanapande kuvinyekumwisa, na vingila vya kupenga-penga vanapande kuvyolola vishungame, na vingila vyakuzika vanapande kuvilambesa.

Vilinga vya Miluwa 26:18

Ukatonesa mesho avo nakuvatundisa ku lisusulungu nakuvatwala ku ceke nakuvatundisa ku nzili ya Satana nakuvatwala kuli Njambi, ngeci akukulaela kwavo kuli yange vakavasambese ku vivi vyavo nakutambula mwela wavo akati ka vanu vaje vanaangula Njambi.’

Efeso 5:8

Laja mwakele mu lisusulungu, oloni omo munapu mu vanu va Mwene, ololo muli mu ceke. Ngecivene, munapande kuyoya ngwe vanu vali mu ceke,

VaHevelu 13:5

Kesi mukakateye mu cizemo ca vimbongo, pweni vaka-kujauka na vyuma vije mulinavyo. Omwo Njambi nendeka ngwendi, “Kunjikamiseze nalumo lwai nambe kumivyana.”

Yoshwa 3:4

Vakamimwesa ngila imukaya omo kanda mucikalemo muno. Oloni kesi mushwenye kuyehi na Cikasa ca Cikumiiyo, mukashondoloka nakuseza lyaana lyakama munima yaco.”

1 Petulu 2:9

Oloni yeni munapu muyati wakwangula, vaka-kukombelela va Mwene, muyati wakujela, vanu va Njambi vavenya, vanamyangula mukwambulula vikomokeso vya vilinga vya Njambi, uje wamisanene kumitundisa mu lisusulungu kuminena ku ceke cendi cakukomokesa.