Isaya 42:13 - Livulu lya Shukulu Kalunga

¹³ Shukulu Kalunga aya mukulwa, ngwe lishwalale wa vukalu alinakutambeka na nzili yendi yoshe, omo alinakulwisa vitozi vendi.

Isaya 42:13 Iomraidhean Croise

Myaso 118:16

Nzili yendi inatunenela kuhyana, nzili yendi inalingi vyuma vyakama mu nzita!”

Myaso 78:65

Akukotoka Shukulu Kalunga wendukile ngwe munu atunda a tulo, wafwile ngwe cingenyenye uje navwaelela omwo napende vinyu.

Isaya 26:11

Vitozi vove kuvazivuka ngeci ukavahisa. Shukulu Kalunga, vazivise shwamwa, mwesa cizemo cove kuli yetu, co vombile mu tuhya tuje tuwavwaeselele vitozi vove.

Isaya 31:4

Shukulu Kalunga wendekele kuli yange ngwendi, “Njikana nakulwa ngwe ndumba wa vukalu uje kasa kutewa mitambi ya tunyungi vaje veseka kwamena vimanga vavo. Omu mukemwo yange Kalunga Muka-nzili yoshe njikashuluka nakulwa a Munkinda wa Siyone.

Isaya 37:32

Mu Yelusalema mukakala vanu, co a Munkinda wa Siyone akakala vaje vanovoka, omwo Shukulu Kalunga Muka-nzili yoshe nayongola vyuma evi ngeci visholoke.

Isaya 63:15

Shukulu Kalunga, kenga ali yetu oku uli mwilu, mwimbo lyove lya vumpau. Kuma lajoko unatwivala ndi? Nzili yove ilikulijo? Cizemo cove nakutetela vilikulijo? Kesi utuyengule.

Isaya 66:14

Omo mukamona vyuma evi vilingiwa, co mukavwaelela, cikamilingisa kukala na nzili na vuvwa. Asinoni mukazivuka ngweni yange Kalunga, njikwasa vaje vaka-kunjononoka, co njikamwesa vukalu vwange kuli vitozi vange.”

Isaya 9:7

Nzili yendi ikakola mbe, co vumwene vwendi vukapwa vwa kwoloka simbu yoshe. Ikeye akainga ali Mwene Ndaviti. Akakolesa nzili yendi a mashiko a vushunga, kutunda ololo nakweta ku shongo. Shukulu Kalunga Muka-nzili yoshe akamona ngeci vyuma vyoshe evi vinapande kulingiwa.

Njelemiya 25:30

“Yove Njelemiya, unapande kwambulula vyuma vyoshe vinjinendeka. Unapande kuleka vanu ava ngwove, ‘Shukulu Kalunga alinakwaana ngwe ndumba oku ali mwilu, nakuluma mwilu ya melu, akaana ngwe ndumba mukulwisa vanu vendi, akatambeka ngwe munu alinakulyatangela mikolovozi ya vushuka vwa vinyu. Vanu voshe va ano asi vakamuziva,

Hoziya 11:10

“Vanu vange vakanjikava omo njikaana ngwe ndumba. Co vakazambula kwija kuli yange kutunda ku kangombe ka yambi.

Njwele 3:16

Shukulu Kalunga alinakwaana ngwe ndumba ku Munkinda wa Siyone, lijwi lyendi lilinakuluma ku Yelusalema, asi na lilu vilinakujaja. Oloni akaamena vanu vendi.

Amose 1:2

Amose wendekele ngwendi, “Shukulu Kalunga alinakwaana ngwe ndumba ku Siyone, lijwi lyendi lilinakuluma ku Yelusalema. Vulilo vunominina cau, na mwila wa a Munkinda wa Kalemele unavenguluka ngengu!” Silya

Nahumi 1:2

Shukulu Kalunga Njambi kesi kutavesa vanu vaje valemesa tumponya, akanyanyamesa vaje vamuzinda. Omo vakevo vamuluvalesa, co avalinga shambandinga.

Zefaniya 1:18

A litangwa lije omo Shukulu Kalunga aketila vukalu vwendi vwakama, nameme siliva yavo nambe ngolinde yavo kuvikasa kuvamena. Kaye koshe kakanyonga na tuhya twa vukalu vwendi. Co vwasi-vwasi akanyongesa vanu voshe vaje vakala ano asi.

Zefaniya 3:8

Shukulu Kalunga alinakwendeka ngwendi, “Vandameneni litangwa lije omo njikakatuka mukusompa miyati ya vanu. Njinayongola kukungulula miyati ya vanu na vumwene amolika ngeci vamone nzili ya vukalu vwange. Co ano asi oshe akanyonga na tuhya twa vukalu vwange vwakama-kama.