Isaya 42:10 - Livulu lya Shukulu Kalunga

¹⁰ Imbileni Shukulu Kalunga mwaso wauha, kaye koshe kaimbe nakumushangazala! Mushangazaleni, yeni vaka-kwenda a mema a kalunga, mushangazaleni, yeni vikashama vyoshe vya mu mema a kalunga! Mafuti aje alikulyala, na voshe vaje valimo, vaimbe.

Isaya 42:10 Iomraidhean Croise

1 Mizimbu 16:32

Mema a kalunga akume na vyoshe vije vilimo, mahya avwaelele ngwe vanu, na vije vyoshe vilinakumenamo!

Myaso 150:6

Vyuma vyoshe vyakuyoya vishangazale Shukulu Kalunga! Shangazaleni Shukulu Kalunga!

Myaso 33:3

Mwimbileni mwaso wauha, imbeni kalyalya na vutongwe, nakutambeka nakujolela!

Myaso 40:3

Wanjilongesele kwimba mwaso wauha, mwaso wakushangazala Njambi yetu. Vavangi vakamona eci, co vakaziva lyova, co vakakulaela kuli Shukulu Kalunga.

Myaso 65:5

Yove ukatukumbulula nakutuhyanesa, unalingi vyuma vyakukomokesa mukutwamena. Vanu voshe vali ano asi, nameme vali kulyala ku mema a kalunga vanakulaela kuli yove.

Myaso 72:10

Vimyene va ku Sipeini na ava va ku man̄anda vakamulambwila milambu, na vimyene va ku Shemba na ku Semba vakamunenela vwana.

Myaso 96:11

Melu ajolele, na asi avwaelele, mema a kalunga akume na vyoshe vije vilimo,

Myaso 97:1

Shukulu Kalunga ikeye mwene! Kaye kavwaelele ngwe vanu! Man̄anda a mu mema a kalunga ajolele ngwe vanu!

Kutuuka 15:1

Asinoni Mosesa na vaIsalele vembile mwaso ou kuli Shukulu Kalunga ngwavo, “Njikembila kuli Shukulu Kalunga, omwo ikeye nahyana na nzili. Nombila tuvalu na vaka-kulondao mu mema a kalunga.

Kutuuka 20:11

Omwo a matangwa atanu na limo, yange Kalunga njatangele lilu, na asi, na mema a kalunga, na vyoshe vije vilimo, oloni a litangwa lyamucitanu na avali likelyo njahwimine. Mukemwo vene yange Kalunga njavezikisile Litangwa Lyakuhwima nakulijelesa.

Isaya 11:11

Omo litangwa lije likaija, Shukulu Kalunga akapangesa nzili yendi nakwilwisa vanu vendi vaje vasalele ku Asilya na ku Ingito, na ku Patelose, na ku Sundane, na ku Elame, na ku Mbambilone, na ku Hamate, na ku man̄anda ku mema a kalunga.

Isaya 12:5

Imbileni kuli Shukulu Kalunga omwo nalingi vyuma vyakukomokesa. Imbeni nakumushangazala ano asi oshe.

Isaya 42:4

Kakonwa nambe kujuka, noo nanene vushunga asi. Mafuti a kulyala akashungwiya manene vilongesa vyendi.”

Isaya 44:23

Tambekeni nakujolela, yeni melu! Tambekeni, yeni mitambela ya mwisi ya kaye! Tambekeni nakujolela, yeni minkinda na miti yoshe ya mu shwata! Shukulu Kalunga namwesa vukama vwendi akwamena vanu vendi va Isalele.

Isaya 48:20

Tundeni mu Mbambilone! Lisambeni omo muya. Joleleni nakutambeka ngeci vanu voshe vazive ngwavo, “Shukulu Kalunga namena Isalele ngamba yendi!”

Isaya 49:13

Imbeni, yeni melu, ngwe vanu, asi, tambeka nakujolela ngwe vanu! Minkinda ishangumuke kwimba ngwe vanu! Shukulu Kalunga akazembeleka vanu vendi, vanu vendi vaka-kuyanda, akavazivila mema ku mbunge.

Isaya 49:6

Shukulu Kalunga wendekele kuli yange ngwendi, “Njili na vipangi vyakama ali yove, ngamba yange. Kesi lika vipangi vyakwilwisa vanu va Isalele vaje vanasalao embwe, oloni njinakwaka ano ngeci upwe ceke ku vaka-mafuti, ngeci vaka-kaye voshe vovoke.”

Isaya 51:5

Mafuti a kulyala anavandamena na cinyangavili kwija kwange mukuvamena. Njikaija vwasi-vwasi mukwamena nakushika mafuti.

Isaya 60:6

Matanga akama a tumelo, akatunda ku Mindyani na Efa. Vanu va Shemba vakanena ngolinde, na insense mukushangazala Shukulu Kalunga!

Isaya 60:9

Anapu mato aje atunda ku mafuti a kulyala, ali na kwilwisa vanu va Njambi kwimbo lyavo. Valinakwiluka na siliva na ngolinde, mukusingimika lizina lya Shukulu Kalunga, Njambi wakujela wa Isalele, uje nalingisa miyati ya vanu voshe ngeci vasingimike vanu vendi.

Isaya 62:11

Shukulu Kalunga alinakwendeka ku vanu voshe va mu kaye ngwendi, “Lekeni vanu va Yelusalema ngweni, Shukulu Kalunga alinakwija nakwovola nganda ya Siyone, nakwana vanu vamwo cikandelela.”

Isaya 65:14

Vakaimba nakujolela, oloni yeni mukalila nakupokoka vimbunge.

Zefaniya 2:11

Shukulu Kalunga akavajujwisa. Akatengulula vinjambi va ano asi nakuvapwisa vangoco, asinoni muyati na muyati wa vanu mu lifuti lyawo vakalemesa Shukulu Kalunga.

Kujombolola 14:3

Vanu vaje vakupwa 144,000 vemanene kukutwe lwa litanda na vikashama vawana vakuyoya na vakulunu, vembile mwaso wauha, uje naumo wai wasele kulilongesawo kuvanga vakevo lika. Vakevo lika vaje vavakulile kutunda akati ka miyati ya vanu voshe.

Kujombolola 5:9

Co vembile mwaso wauha ngwavo, “Yove wafwila kwambata eli livulu nakuvatula tusateso twalyo. Omwo vakutsiile, co a kutsa kwove wakulile vanu na maninga ove kuli Njambi, vakutunda ku miyati yoshe na ku vindaka vyoshe na ku mafuti oshe na ku vanu voshe.